សម្តេច​ប៉ាប​ថ្លែង​អំណរគុណ​ចំពោះអស់អ្នកដែលបារម្ភពីទ្រង់ និង​ជំរុញឲ្យពួកគេជួយ​ការ​បួងសួង​សុំ​សន្តិភាពពិភពលោក

ការិយាល័យព័ត៌មានសន្តអាសនៈបានឲ្យដឹងថា នៅពេលដែលស្ថានភាពសុខភាពរបស់សម្តេចប៉ាបហ្រ្វង់ស៊ីស្កូនៅមន្ទីរពេទ្យរាងប្រសើរបន្តិចសម្តេចប៉ាបក៏បានសម្តែងការដឹងគុណចំពោះអស់អ្នកដែលបាន អធិស្ឋាន ដល់សុខភាពរបស់ទ្រង់ ។

នៅក្នុងអំឡុងពេលនោះ សម្តេចប៉ាបក៏បានអធិដ្ឋាននិងរំលឹកគ្រឹះបរិស័ទដោយ ជំរុញឱ្យបន្តការអធិស្ឋានសម្រាប់សន្តិភាពនៅលើពិភពលោក។

សម្តេចប៉ាបបានមានបន្ទូល​ពី​ទី​នេះត​ទៅ សង្គ្រាម​ហាក់​ដូច​ជា​មិន​ទំនង​ទាល់​តែ​សោះ​ ហើយទ្រង់បានបន្ត ​អំពាវនាវ​ជា​ពិសេស​សម្រាប់​ការ​អធិស្ឋានឲ្យគ្រប់គ្នារិះគិតពី ​ទារុណកម្មនៅ​អ៊ុយក្រែន ប៉ាឡេស្ទីន អ៊ីស្រាអែល លីបង់ មីយ៉ាន់ម៉ា ស៊ូដង់ និង​គីវូ នៅអាហ្រ្វិក ។

សម្តេចប៉ាបក៏បានសម្តែងការដឹងគុណចំពោះក្រុមវេជ្ជបណ្ឌិត និងអ្នកជំនាញផ្នែកថែទាំសុខភាព សម្រាប់ការយកចិត្តទុកដាក់ដែលពួកគេកំពុងមើលថែទ្រង់ ។

សម្តេចប៉ាប បានមានបន្ទូលថា វាច្បាស់ណាស់នៅក្នុងគ្រាទាំងនេះដែលយើងរៀនកាន់តែច្រើនដើម្បីទុកចិត្តលើព្រះជាម្ចាស់ ក្នុងពេលជាមួយគ្នានេះ ខុំសូមអរគុណព្រះម្ចាស់ដែលបានផ្តល់ឱ្យទ្រង់នូវឱកាសដើម្បីចែករំលែកទាំងរូបកាយ និងស្មារតីអំពីស្ថានភាពនៃអ្នកជំងឺ និងមនុស្សដែលមានការឈឺចាប់ជាច្រើន នៅពេលដែលទ្រង់សម្រាកនៅមន្ទីរពេទ្យ ។

សម្តេចប៉ាបបានសម្តែងការដឹងគុណយ៉ាងជ្រាលជ្រៅចំពោះការអធិស្ឋានដែលផុសចេញពីដួងចិត្តនៃគ្រិស្តបរិស័ទ ទូទាំងពិភពលោក។

សម្តេចប៉ាបបានមានបន្ទូលសង្កត់ធ្ងន់ថា ទូលបង្គំជាខ្ញុំមានអារម្មណ៍ស្រលាញ់ និងភាពស្និទ្ធស្នាលជាមួយនឹង អ្នកទាំងអស់ ហើយនៅពេលពិសេសនេះ ទូលបង្គំជាខ្ញុំមានអារម្មណ៍ថាទូលបង្គំត្រូវបាន 'ដឹក' និងគាំទ្រដោយគ្រីស្តបរិស័ទទាំងអស់។