សម្តេចប៉ាបហ្វ្រង់ស៊ីស្កូ យាងឡើងយន្តហោះ នៅព្រលានយន្តហោះអន្តរជាតិក្រុង ឌីលី ឆ្ពោះមកកាន់ ប្រទេសសិង្ហបុរី ដែលជាដំណើរចុងក្រោយនៃដំណើរទស្សនៈកិច្ចដ៏យូរនៅអាស៊ីអគ្នេយ៍និងអូសេអានី ។
វ៉ាទីកង់ញូវបានរាយការណ៍ថា សម្តេចប៉ាបបានបញ្ចប់ដំណើរទស្សនកិច្ចរយៈពេលបីថ្ងៃរបស់ទ្រង់នៅ ប្រទេសកាតូលិកដ៏ធំបង្អស់មួយនៅលើពិភពលោកដ៏ជោគជ័យ ។
សម្តេចប៉ាបបានចាកចេញពីឌីលី នៅម៉ោង ១២និង ២៤នាទី ហើយបានទៅដល់សិង្ហបុរីនៅវេលាម៉ោងប្រមាណជា ២ និង ៤៥ នាទី ។
នៅមុនពេលចាកចេញសម្តេចប៉ាបក៏បានយាងជួបនឹងទទួល យុវជនប្រហែល ៣000 នាក់នៅមជ្ឈមណ្ឌលសន្និបាតនៅទីក្រុងឌីលី ហើយបានមានបន្ទូលទៅកាន់ពួកគេអំពីសារៈសំខាន់នៃតម្លៃនៃសេរីភាព ការប្តេជ្ញាចិត្ត និងភាតរភាព ដោយជំរុញឱ្យយុវជន ទីម័រខាងកើតចាប់យកសេរីភាពជាឱកាសដើម្បីធ្វើកុសល សម្រាប់អ្នកដទៃ។
ប្រភពដដែលបានរាយការណ៍ថា សម្តេចប៉ាបបានវាយតម្លៃខ្ពស់ចំពោះលទ្ធផលនៃដំណើរទស្សនៈកិច្ចរយៈ ពេលបីថ្ងៃនៅក្នុងប្រទេសកាតូលិកដ៏លើសលប់នៅប៉ាស៊ីហ្វិក ដែលមានប្រជាពលរដ្ឋ ជាង ៩៥ភាគរយ នៃចំនួនប្រជាជន ១,៤ លាននាក់ជាអ្នកកាន់សាសនាកាតូលិក។
នៅពេលថ្វាយអភិបូជា កាលពីថ្ងៃអង្គារ៍ ត្រូវបានគេអះអាងថា គឺជាពិធីសាសនាដែលមានអ្នកចូលរួមច្រើនបំផុតពោលគឺរហូតដល់ ៦ សែននាក់ ។
Daily Program
