សម្តេចប៉ាបហ្រ្វង់ស៊ីស្កូកាលពីថ្ងៃទី ២៥ ខែសីហា ឆ្នាំ២០២៤ បាន បង្ហាញពីការភ័យខ្លាចរបស់ទ្រង់ចំពោះការសម្រេចចិត្តរបស់ទីក្រុងគៀវ ចេញបម្រាមដល់ការប្រតិបត្តិសាសនាតាមជំនឿដែលមានឥទ្ធិពលសេសសល់ពីរុស្ស៊ី ។
វ៉ាទីកង់ញូវបានរាយការណ៍ថា សម្តេចប៉ាបអំពាវនាវថា សូមកុំឲ្យវិហារគ្រិស្តសាសនាត្រូវបានគេលុបចោលដោយផ្ទាល់ ឬដោយប្រយោល។
សម្តេចប៉ាបបានសម្តែងការភ័យខ្លាចរបស់ទ្រង់ទាក់ទងនឹងសេរីភាពសាសនាក្នុងប្រទេសអ៊ុយក្រែនដោយយោងទៅលើការសម្រេចចិត្តរបស់សភានៅក្នុងពេលថ្មីៗនេះ ក្នុងការសម្រេចហាមឃាត់ព្រះវិហារគ្រិស្តអូដូដក់ដែលភ្ជាប់ឫមានទំនាក់ទំនងនឹងព្រះវិហារនៅប្រទេសរុស្ស៊ី ។
សម្តេចប៉ាបបានមានបន្ទូលថា ទូលបង្គំជាខ្ញុំនឹងបន្តតាមដានការប្រយុទ្ធគ្នានៅអ៊ុយក្រែន និងសហព័ន្ធរុស្ស៊ី។ ហើយក្នុងការគិតអំពីច្បាប់ដែលទើបអនុម័តក្នុងប្រទេសអ៊ុយក្រែន ទូលបង្គំជាខ្ញុំខ្លាចសេរីភាពរបស់អ្នកដែលអធិស្ឋានដល់ព្រះជាម្ចាស់ត្រូវបៀតបៀន ព្រោះអ្នកដែលអធិស្ឋានពិតប្រាកដតែងតែអធិស្ឋានសម្រាប់ទាំងអស់គ្នា។
សម្តេចប៉ាបបានមានបន្ទូលថា បុគ្គលមិនប្រព្រឹត្តអំពើអាក្រក់ដោយសារការអធិស្ឋានទេ ប្រសិនបើអ្នកណាប្រព្រឹត្តអំពើអាក្រក់លើប្រជារាស្ត្ររបស់ខ្លួន អ្នកនោះនឹងមានទោស ប៉ុន្តែអ្នកនោះមិនអាចប្រព្រឹត្តអាក្រក់បានឡើយ ដោយសារគាត់បានអធិស្ឋាន។ ដូច្នេះ សូមឲ្យអស់អ្នកដែលចង់អធិស្ឋាន ត្រូវបានអនុញ្ញាតឲ្យអធិស្ឋានក្នុងអ្វីដែលពួកគេចាត់ទុកជាសាសនា របស់ពួកគេ ។ សូមកុំឲ្យព្រះវិហារគ្រិស្តសាសនាត្រូវបានគេលុបចោលដោយផ្ទាល់ ឬដោយប្រយោល។ ព្រះវិហារមិនត្រូវប៉ះពាល់ទេ!”
Daily Program
