សម្តេចប៉ាបឡេអូ៖ អត្តសញ្ញាណរបស់គ្រីស្តបរិស័ទ ជាត្រីវិស័យនៃការអប់រំជំនឿ

នៅក្នុងសារជាវីដេអូដែលសម្តេចប៉ាបឡេអូ ទី១៤ ផ្ញើសារទៅកាន់អ្នកអប់រំជំនឿដែលបានចូលរួមនៅក្នុងសន្និសីទមួយនៅទីក្រុងម៉ាឌ្រីដ ប្រទេសអេស្ប៉ាញ ទ្រង់បានមានបន្ទូលថា អត្តសញ្ញាណគ្រីស្តបរិស័ទ គឺជាមូលដ្ឋានគ្រឹះនៃការអប់រំជំនឿ។

សម្តេចប៉ាបឡេអូបានមានបន្ទូលថា​ ព្រះគ្រីស្តគឺជាត្រីវិស័យណែនាំសម្រាប់ការបង្រៀន ដែលបង្កើតទាំងចរិតលក្ខណៈ និងចំណេះដឹងខាងជំនឿដ៏បរិបូរណ៍។

សម្តេចប៉ាបបានមានបន្ទូលថា “បេសកកម្មរបស់គ្រូអប់រំជំនឿ គឺជាមេនៃជីវិត សម្រាប់មនុស្សជំនាន់ថ្មី និងសហគមន៍ដែលរកឃើញចំណុចយោងរឹងមាំសម្រាប់ការអប់រំជំនឿ”។

សម្តេចប៉ាបឡេអូបានកត់សម្គាល់ថា “បើគ្រីស្តបរិស័ទគ្មានអត្តសញ្ញាណទេ នោះក៏គ្មានការអប់រំជំនឿត្រឹមត្រូវនោះដែរ”។

សម្តេចប៉ាបឡេអូបានពន្យល់ថា អត្តសញ្ញាណគ្រីស្តបរិស័ទមិនមែនជានិមិត្តសញ្ញាតុបតែងទេ ប៉ុន្តែ “ជាស្នូលដែលផ្តល់អត្ថន័យ វិធីសាស្រ្ត និងគោលបំណងដល់ដំណើរការអប់រំជំនឿទាំងមូល៕