វ៉ាទីកង់ញូវបានរាយការណ៍ថា សម្តេចប៉ាបហ្រ្វង់ស៊ីស្កូបានស្វាគមន៍ប្រធានាធិបតីអ៊ុយក្រែន លោក វូឡូឌីមៀ ហ្សេឡេនស្គី ដែលបានមកដល់បុរីវ៉ាទីកង់ ជាលើកទីបី ហើយបានសំដែងនូវហឫទ័យសោកស្ដាយដែលកុមារាកុមារីអ៊ុយក្រែនជាច្រើនបាត់បង់សមត្ថភាពក្នុងការញញឹម។
ខណៈដែលសង្រ្គាមនៅអ៊ុយក្រែននៅតែបន្តឆក់យកជីវិតមនុស្សរាប់មិនអស់ សម្តេចប៉ាប មានបន្ទូលទៅកាន់ប្រធានាធិបតីអ៊ុយក្រែនអំពីការឈឺចាប់របស់កុមារអ៊ុយក្រែន ដោយគូសបញ្ជាក់ថា ពួកគេជាច្រើនបានបាត់បង់សមត្ថភាពក្នុងការញញឹម។
ការជួបគ្នាដែលមានរយៈពេល ៣៥ នាទី នៅព្រឹកថ្ងៃសុក្រសប្តាប៍មុន។ វាជាការជួបគ្នាជាថ្មីមួយ របស់មេដឹកនាំទាំងពីរ បន្ទាប់ពីកិច្ចប្រជុំទ្វេភាគីកាលពីថ្ងៃទី ១៤ ខែមិថុនា នៅខាងក្រៅ G7 នៅក្នុងតំបន់ Puglia នៃប្រទេសអ៊ីតាលី និងបន្ទាប់ពីកិច្ចប្រជុំនៅបុរីវ៉ាទីកង់នៅថ្ងៃទី ១៣ ខែឧសភា ឆ្នាំ ២០២៣ និងមុនពេលការលុកលុយរបស់រុស្ស៊ីពេញទំហឹងលើអ៊ុយក្រែន ថ្ងៃទី ៨ ខែកុម្ភៈ ឆ្នាំ ២០២០។
យោងតាមសេចក្តីថ្លែងការណ៍មួយផ្សេងទៀតដែលចេញដោយការិយាល័យសារព័ត៌មានរបស់សន្តអសនៈ កិច្ចពិភាក្សារបស់មេដឹកនាំទាំងពីរនេះពីបានផ្លាស់ប្តូរការពិភាក្សាអំពី ស្ថានភាពនៃសង្រ្គាម និងស្ថានភាពមនុស្សធម៌នៅអ៊ុយក្រែន" ក៏ដូចជា "មធ្យោបាយដែលអាចបញ្ចប់និង នាំឱ្យមានសន្តិភាព និងស្ថិរភាពក្នុងប្រទេស។
លើសពីនេះ សេចក្តីថ្លែងការណ៍បានកត់សម្គាល់ថា បញ្ហាមួយចំនួនទាក់ទងនឹងជីវិតសាសនានៅក្នុងប្រទេសក៏ត្រូវបានពិនិត្យផងដែរ។
មកដល់ពេលនេះសម្តេចប៉ាប បានធ្វើការអំពាវនាវហើយអំពាវនាវទៀត សម្រាប់ការបញ្ចប់សង្រ្គាម និងការរងទុក្ខ នៅអ៊ុយក្រែនចាប់តាំងពីការឈ្លានពានពេញលេញរបស់រុស្ស៊ីមកលើអ៊ុយក្រែន៕
Daily Program
