សម្តេចប៉ាបនឹងយាងទៅប្រទេសលុចសំបួ និងបែលហ្ស៊ិកនៅខែកញ្ញា

នៅមុនពេលចាប់ផ្តើម ដំណើរយាងទស្សនកិច្ចរបស់សម្តេចប៉ាប ហ្វ្រង់ស៊ីស្កូ ទៅកាន់ប្រទេសលុចសំបួរ និងបែលហ្ស៊ិក ការិយាល័យព័ត៌មានសន្តអាសនៈ បានចេញផ្សាយនូវនិមិត្តសញ្ញាផ្លូវការ និងបាវចនាសម្រាប់ដំណើរទស្សនកិច្ចចុងខែកញ្ញារបស់ទ្រង់។

ប្រភពដដែលបញ្ជាក់ថា សម្តេចប៉ាបនឹងយាងទៅដល់ប្រទេសលុចសំបួនៅថ្ងៃទី ២៦ ខែកញ្ញាសម្រាប់ដំណើរទស្សនកិច្ចមួយថ្ងៃទៅកាន់ប្រទេសតូចមួយនៅអឺរ៉ុបដែលហ៊ុព័ទ្ធដោយបែលហ្ស៊ិកបារាំងនិងអាល្លឺម៉ង់នេះ។

បន្ទាប់មកនៅល្ងាចថ្ងៃទី ២៦ ខែកញ្ញា សម្តេចប៉ាបនឹងចាកចេញពីប្រទេសលុចសំបួរ ហើយធ្វើដំណើរទៅកាន់ប្រទេសបែលហ្ស៊ិក ដោយនៅទីនេះ ទ្រង់នឹងទៅយាងទៅទីក្រុងចំនួនបី ហើយចូលរួមក្នុងការប្រារព្ធពិធីរំលឹកខួបលើកទី ៦00ឆ្នាំ នៃការបង្កើតសាកលវិទ្យាល័យកាតូលិកនៅទីនោះ និងចូលរួមកម្មវិធីនានារហូតដល់ថ្ងៃទី២៩ ខែកញ្ញាទើបយាងនិវត្តន៍ទៅបុរីវ៉ាទីកង់៕