វ៉ាទីកង់សោកស្តាយចំពោះបញ្ហាមួយចំនួននៅក្នុងពិធីបើកអូឡាំពិក

វ៉ាទីកង់ញូវបានរាយការណ៍ថា វ៉ាទីកង់ បានម្តែងការសោកស្តាយចំពោះទិដ្ឋភាពមួយចំនួននៅក្នុងពិធីបើកការប្រកួតកីឡាអូឡាំពិកឆ្នាំនេះ។​

ប្រភពដដែលបានបន្តថា នៅក្នុងព្រឹត្តិការណ៍ដ៏មានកិត្យានុភាពដែលពិភពលោកទាំងមូលមកជួបជុំគ្នាដើម្បីចែករំលែកតម្លៃរួម មិនគួរមានការនិយាយចំអកដល់ជំនឿសាសនារបស់មនុស្សជាតិនោះទេ។

បុរីវ៉ាទីកង់បានសម្តែងការសោកស្ដាយ ចំពោះផ្នែកខ្លះនៃពិធីបើកការប្រកួតកីឡាអូឡាំពិកថ្ងៃទី ២៦ ខែកក្កដា នៅទីក្រុងប៉ារីស ដែលមានចំណុចខ្លះហាក់ដូចជាប្រមាថចំពោះតម្លៃនៃសាសនា។​

សេចក្តីថ្លែងការណ៍បានសរសេរថា បុរីវ៉ាទីកង់មានការសោកស្ដាយចំពោះឈុតខ្លះក្នុងអំឡុងពេលពិធីបើកការប្រកួតកីឡាអូឡាំពិកនាទីក្រុងប៉ារីស ហាក់បង្កប់នូវអត្ថន័យ​ប្រមាថលើជំនឿសាសនា។​

សេចក្តីថ្លែងការណ៍បន្តថា "នៅក្នុងព្រឹត្តិការណ៍ដ៏មានកិត្យានុភាពមួយ ដែលពិភពលោកទាំងមូលមកជួបជុំគ្នាដើម្បីចែករំលែកតម្លៃរួម មិនគួរមានការនិយាយលេងសើចចំអកដល់ជំនឿសាសនារបស់មនុស្សជាតិនោះឡើយ។

បុរីវ៉ាទីកង់បានលើកឡើងថា ​សេរីភាព​នៃ​ការ​បញ្ចេញ​មតិ​មិន​ត្រូវ​បាន​ចោទ​ប្រកាន់​នោះ​ទេ  ពោលគឺ​សេរីភាព​បែប​នេះ «​ត្រូវ​បាន​កំណត់​ដោយ​ការ​គោរព​អ្នក​ដទៃ​»៕