វ៉ាទីកង់នឹងដាក់ឱ្យដំណើរការនៅនិទាឃរដូវនេះនូវប្រព័ន្ធបកប្រែដែលមានជំនួយពីបញ្ញាសិប្បនិម្មិត ដែលអនុញ្ញាតឱ្យអ្នកធ្វើធម្មយាត្រាតាមដានពិធីបុណ្យសាសនានៅបាស៊ីលីកានៃសន្តសិលា រហូតដល់ ៦០ ភាសាក្នុងពេលវេលាជាក់ស្តែង។
តាមរយៈលេខកូដ QR សាមញ្ញមួយដែលដាក់នៅខាងក្នុងព្រះវិហារ គ្រីស្តបរិស័ទនឹងអាចចូលប្រើការបកប្រែផ្ទាល់ដែលនឹងសម្រួលដល់ការអាន ការអធិស្ឋាន និងការសូត្រធម៌អធិដ្ឋានដោយផ្ទាល់ពីកម្មវិធីរុករកតាមស្មាតហ្វូនរបស់ពួកគេ ដោយមិនចាំបាច់ទាញយកកម្មវិធីណាមួយឡើយ។
សេវាកម្មនេះនឹងផ្តល់ជូនទាំងទម្រង់សម្លេង និងអត្ថបទ ដែលអនុញ្ញាតឱ្យមានការយល់ដឹង និងការចូលរួមកាន់តែច្រើនក្នុងអំឡុងពេលពិធីបុណ្យសាសនានានា។
គំនិតផ្តួចផ្តើមនេះត្រូវបានគេរំពឹងថានឹងផ្តល់អត្ថប្រយោជន៍ជាពិសេសដល់អ្នកធ្វើធម្មយាត្រាមកពីអាស៊ី ជាកន្លែងដែលភាពចម្រុះខាងភាសាមានភាពទូលំទូលាយ និងរស់រវើក។
តាមគម្រោងគ្រីស្តបរិស័ទដែល មកពីប្រទេសដូចជាហ្វីលីពីន ឥណ្ឌា ឥណ្ឌូនេស៊ី វៀតណាម កូរ៉េខាងត្បូង និងមីយ៉ាន់ម៉ា អាចនឹងដំណើរការសេវាកម្មបកប្រែនេះមុនគេ៕
Daily Program
