អនុប្រធានាធិបតីអាម៉េរិក លោកជេឌី វ៉ានស៍ បាននិយាយកាលពីថ្ងៃចន្ទ ទី១៥ ខែមិថុនា ថា លោករំពឹងថា អ៊ីរ៉ង់នឹងមិនដាក់ការអនុវត្តការទាមទារបង់ថ្លៃឆ្លងកាត់នៅច្រកសមុទ្រអ័រមូស ដែលជាផ្លូវសំខាន់សម្រាប់ពាណិជ្ជកម្មប្រេងឆៅពិភពលោក ហើយដែលវាត្រូវបានគ្រោងឲ្យបើកឡើងវិញទាំងស្រុងនៅថ្ងៃសុក្រ ទី១៩ ខែមិថុនា។
នៅក្បែរសមភាគីបារាំង លោកអេម៉ានូអែល ម៉ាក្រុង នៅទីក្រុងអេវីយ៉ង់ សម្រាប់កិច្ចប្រជុំ កំពូល G7 មុនមួយថ្ងៃនៃការប្រកាសអំពីក្របខណ្ឌនៃកិច្ចព្រមព្រៀងរវាងសហរដ្ឋអាម៉េរិក និង អ៊ីរ៉ង់ដើម្បីបិទបញ្ចប់សង្រ្គាម លោកប្រធានាធិបតីអាម៉េរិក បានថ្លែងថា ៖ “ច្រកសមុទ្របាន បើកមួយផ្នែករួចហើយ ដូចដែលអ្នកដឹង។” លោកដូណាល់ ត្រាំ បន្ថែមថា នៅថ្ងៃសុក្រ វានឹង ត្រូវបើកឡើងវិញទាំងស្រុង។
នៅលើបណ្តាញសង្គម ទ្រូស សូស្យល់ លោកត្រាំ បានបញ្ជាក់ថា ការធ្វើនាវាចរណ៍បានចាប់ផ្តើមដំណើរការវិញហើយ។ នាវានានា ដែលមានខ្លះផ្ទុកដោយប្រេង បានចាប់ផ្តើមចេញពីច្រកសមុទ្រអ័រមូស។ ពួកវាធ្វើនាវាចរណ៍តាមផ្លូវដែលត្រូវបានធានាសន្តិសុខទាំងស្រុង។
ចំណែកលោកជេឌី វ៉ាន អនុរបស់លោកត្រាំ បានបញ្ជាក់កាលពីថ្ងៃចន្ទ នៅលើបណ្តាញសារ ព័ត៌មាន ស៊ីអេនប៊ីស៊ី ថា សហរដ្ឋអាមេរិកបានរំពឹងថា អ៊ីរ៉ង់នឹងមិនដាក់អនុវត្តការទាមទារបង់ ថ្លៃឆ្លងកាត់លើផ្លូវយុទ្ធសាស្ត្រនេះសម្រាប់ពាណិជ្ជកម្មពិភពលោកទេ ខណៈដែលក្រសួងការ បរទេសអ៊ីរ៉ង់បានលើកឡើងអំពី “ថ្លៃសេវា” សមុទ្រ។
ដោយត្រូវបានចោទសួរថា តើច្រកសមុទ្រអ័រមូសនឹងបើកឡើងវិញដោយគ្មានការទាមទារ បង់ថ្លៃឆ្លងកាត់ សម្រាប់រយៈពេល ៦០ ថ្ងៃនៃការចរចា ដែលនឹងចាប់ផ្តើមឆាប់ៗនេះ ឬថា នឹង បន្តរយៈពេលវែងជាងនេះ លោកជេឌី វ៉ានស៍ បានឆ្លើយតបថា ៖ “យើងរំពឹងថា ច្រកសមុទ្រ នឹងបើកឡើងវិញដោយមិនមានការទាមទារយកប្រាក់ក្នុងរយៈពេលវែង ហើយនេះគឺជាអ្វីដែលយើងនឹងលើកឡើងនៅក្នុងកិច្ចចរចាបច្ចេកទេស។”
តម្លៃប្រេងឆៅ នៅថ្ងៃអង្គារ ទី១៦ ខែមិថុនា មានការស្ទាក់ស្ទើរ ដោយរង់ចាំព័ត៌មានលម្អិត អំពីពិធីសារកិច្ចព្រមព្រៀងរវាងអ៊ីរ៉ង់ និងសហរដ្ឋអាមេរិក ដើម្បីបញ្ចប់វិវាទរបស់ពួកគេ។ ប្រហែលម៉ោង ៤ព្រឹក ប្រេង Brent មួយបារ៉ែល ពីសមុទ្រខាងជើង ដែលជាស្តង់ដារពិភពលោក បានថយចុះ០,២៦% ឬនៅសល់ ៨២,៨៥ ដុល្លារ ក្នុងមួយបារ៉ែល។
អ្នកជំនាញពីក្រុមហ៊ុន អុកស្វ៉ដ អេកូណូមីក (Oxford Economics) បានព្រមានថា ៖ “ឧបសគ្គប្រហែលជាមាន មុននឹងកិច្ចព្រមព្រៀងទាំងស្រុងលេចឡើង ហើយវាត្រូវការពេលវេលាដើម្បីឲ្យចរាចរណ៍ផ្លូវសមុទ្រនៅច្រកអ័រមូស បើកដំណើរការឡើងវិញនៅកម្រិតជិតស្ថានភាពមុនជម្លោះ។”
អ្នកជំនាញអះអាងបន្តថា ការប្រកាសអំពីកិច្ចព្រមព្រៀង កាត់បន្ថយហានិភ័យហួសហេតុនៃការធ្លាក់ថយចុះនូវស្តុកប្រេងដែលនឹងធ្វើឲ្យតម្លៃប្រេងហក់ឡើង ប៉ុន្តែការរីកចម្រើនថ្មីៗចុងក្រោយ ក៏មិនបានបង្កើនល្បឿននៃការកើនឡើងនូវបរិមាណប្រេងដែលឆ្លងកាត់តាមច្រកសមុទ្រអ័រមូសដែរនៅអំឡុងប៉ុន្មានខែទៅមុខនោះ។
ងាកមកមើលព្រឹត្តិការណ៍ប្រកួតបាល់ទាត់ពិភពលោកឆ្នាំ២០២៦ (World Cup 2026) គ្រូបង្វឹកក្រុមជម្រើសជាតិអ៊ីរ៉ង់ លោកអាមៀ ហ្គាឡេណូអី បានអះអាងកាលយប់ថ្ងៃចន្ទថា ក្រុមរបស់លោកគឺជា “ក្រុមដែលត្រូវបានគេមិនយកចិត្តទុកដាក់អាក្រក់បំផុត” សម្រាប់ព្រឹត្តិការណ៍បាល់ទាត់ពិភពលោក ដោយយោងទៅលើការលំបាកដែលក្រុមលោកបានប្រឈមជួបប្រទះ ក្នុងបរិបទនៃសង្រ្គាមអ៊ីរ៉ង់អាម៉េរិកអ៊ីស្រាអែល ។
Daily Program
