លោកកាឌីណាល់ហ្វីលីពីនជំរុញឲ្យគ្រីស្តបរិស័ទចូលរួមចែករំលែកអំណរសប្បាយ

លោកកាឌីណាល់ ល្វីស អេនតូនីញ៉ូ តាក្លេ (Luis Antonio Tagle) មន្រ្តីជាន់ខ្ពស់របស់សន្តអាសនៈ​បានលើកទឹកចិត្តឲ្យគ្រិស្តបរិស័ទយកចិត្តទុកដាក់ចែករំលែកនូវអំណរសប្បាយរបស់ព្រះជាម្ចាស់ដល់មនុស្សជាតិនានា ។​

លោកកាឌីណាល់បានថ្លែងទៅកាន់គ្រិស្តបរិស័ទនៅទីក្រុងអ៊ីដ្យាប៉ូលីស ( Indianapolis )​រដ្ឋ អ៊ីនដ្យាណា (Indiana ) កាលពីថ្ងៃអាទិត្យ ទី២១ ខែកក្កដាថា​ យើងជាគ្រិស្តបរិស័ទសូមធ្វើការប្តេជ្ញាចិត្តជាថ្មីនៅក្នុងការ ការប្រែចិត្តគំនិតចំពោះជំនឿលើព្រះគ្រីស្ត។

លោកកាឌីណាល់បានបន្តថា​ គ្រប់គ្នាគឺសុទ្ធតែមានបេសកម្មនៅក្នុងការការប្រកាសនិងចែករំលែកនូវដំណឹងល្អ ។​

លោកកាឌីណាល់ដែលជាអ្នកទទួលខុសត្រូវនៅក្រសួងអប់រំជំនឿ នៃសន្តអសនៈបាន ​ជំរុញឲ្យគ្រីស្តបរិស័ទរិះគិតពី ​ជីវិត​ផ្ទាល់​ខ្លួន និង​ពិភពលោក​អំពីតួនាទីនិងភារកិច្ច ជាជាង​គ្រាន់តែមើលឫសកម្មភាពណាមួយនោះ​ត្រឹមតែជា​សមិទ្ធផល។

លោកបានបន្តថា គ្រីស្តបរិស័ទ គួតែសិក្សានិងរិះគិតធំពីទស្សនៈ​និង ​ការ​ខ្នះខ្នែង​ជា​អ្នកអប់រំជំនឿ៕