នាយករដ្ឋមន្រ្តីហូឡង់ លោកម៉ាក រូតតេ ត្រូវបានតែងតាំងជាផ្លូវការជាអគ្គ លេខា នៃ អង្គការ ណាតូកាលពីថ្ងៃពុធទី២៦ ខែមិថុនា ដោយជំនួលអគ្គលេខាជនជាតិណ័រវេស លោកជេន ស្តូលថេនប៊ឺក ដែលកាន់តំណែងរយៈពេល ១០ឆ្នាំ មកហើយ។ ប្រមុខថ្មីនៃក្រុមសម្ព័ន្ធមិត្ត នឹង ចូលកាន់មុខតំណែងនៅថ្ងៃទី១ ខែតុលា។
លោកគឺជាបេក្ខភាពដែលជានិច្ចកាលស្ថិតនៅក្នុងបញ្ជីដើម្បីដឹកនាំអង្គការសន្ធិសញ្ញាអាត្លង់ទិច ខាង ជើង ឬហៅថា ណាតូ។ ប្រទេសទាំង ៣២ នៃអង្គការណាតូ បានតែងតាំង កាលពីថ្ងៃពុធទី២៦ នាយករដ្ឋមន្រ្តីហូឡង់ លោកម៉ាក រូតតេ ជាអគ្គលេខាបន្ទាប់ នៅក្នុង កាលៈទេសៈ ដ៏ សំខាន់សម្រាប់សម្ព័ន្ធមិត្តណាតូនៅខណៈដែលរុស្ស៊ីបន្តសង្រ្គាមប្រឆាំងនឹង អ៊ុយក្រែន។
លោកម៉ាក រូតតេ អាយុ ៥៧ឆ្នាំ នឹងឡើងកាន់មុខតំណែងប្រធានអង្គការណាតូនៅថ្ងៃទី១ ខែតុលា ដោយជំនួសលោកជេន ស្តូលថេនប៊ឺកប្រមុខណាតូមុន ជនជាតិណ័រវេស ដែលបាន កាន់តំណែងរយៈពេល ១០ឆ្នាំ មកហើយ។ លោកជេន ស្តូលថេនប៊ឺក បានថ្លែងថា លោក រីករាយយ៉ាងខ្លាំងក្លាដែលសម្ព័ន្ធមិត្តនៃអង្គការណាតូ បានជ្រើសរើសលោកម៉ាក រូតតេ ដើម្បី បន្តពីលោក។
លោកជេន ស្តូលថេនប៊ឺក បានបន្ថែមថា លោកម៉ាក រូតតេ គឺពិតជាអ្នកឆ្លងអាត្លង់ទិចដ៏ពិត ប្រាកដម្នាក់។ លោកគឺជាអ្នកដឹកនាំខ្លាំង និងស្ថាបនាបាននូវកុងសង់ស៊ុស។ លោកប្រាថ្នាឲ្យ លោករូតតេ មានជ័យជម្នះច្រើន នៅខណៈដែលយើងបន្តពង្រឹងអង្គការណាតូដើម្បីដកចេញ នូវឧបសគ្គប្រឈមនៅសព្វថ្ងៃនេះ និងទៅថ្ងៃអនាគត។ លោកប្រាប់ឲ្យដឹងថា លោកបានទុកដាក់អង្គការណាតូនៅក្នុងដៃមនុស្សមានសមត្ថភាព។
លោកម៉ាក រូតតេ បានមានប្រតិកម្មនៅបណ្តាញសង្គម X សម្រាប់ការតែងតាំងរូបលោក និងបញ្ជាក់ដែរថា លោកកាន់កាប់ក្នុងទំនួលខុសត្រូវថ្មីនេះក្នុងអារម្មណ៍ធូរស្រាល។ លោកក៏បានសម្តែងនូវការទទួលស្គាល់សម្រាប់ក្រុមសម្ព័ន្ធមិត្តដែលបានផ្តល់ទំនុកចិត្តដល់រូបលោក។
ការតែងតាំងលោកម៉ាក រូតតេ ត្រូវបានបោះត្រាដោយអគ្គរដ្ឋទូតនៃអង្គការណាតូនៅអំឡុងកិច្ចប្រជុំមួយនៅទីស្នាក់ការសម្ព័ន្ធមិត្តនៅទីក្រុងប្រ៊ុចសែល។
លោកម៉ាក រូតតេនឹងចាកចេញពីមុខតំណែងជានាយករដ្ឋមន្រ្តីហូឡង់នៅថ្ងៃទី២ កក្កដា បន្ទាប់ពីការស្បថចូលកាន់តំណែងរបស់រដ្ឋាភិបាលហូឡង់ថ្មីដែលធ្វើឡើងនៅកាលបរិច្ឆេទនេះ។
ប្រធានាធិបតីអាម៉េរិក លោកចូ បាយឌិន និងសមភាគីរបស់លោក នឹងទទូលស្វាគមន៍លោកម៉ាក រូតតេ ជាផ្លូវការនៅតុកិច្ចប្រជុំកំពូលមួយ ដែលនឹងរៀបចំធ្វើឡើងនៅទីក្រុងវ៉ាស៊ីនតុន សហរដ្ឋអាម៉េរិក ពីថ្ងៃទី៩ ដល់ថ្ងៃទី ១១ ខែកក្កដា។
ការតែងតាំងរូបលោកម៉ាក រូតតេ ត្រូវបានទទូលស្វាគមន៍ភ្លាមដោយប្រធានាធិបតីអ៊ុយក្រែន។ ប្រមុខរដ្ឋបាលប្រធានាធិបតីអ៊ុយក្រែន លោកអន់ឌ្រីអ៊ី ឡឺម៉ាក បានសរសេរថា ភាពជាអ្នកដឹកនាំរបស់លោក និងការចង់ភ្ជាប់របស់លោកនឹងគោលការណ៍ប្រជាធិបតេយ្យ គឺមានសារសំខាន់សម្រាប់អនាគតយើងរួមគ្នា។
ក្រៅពីការគំរាមកំហែងរបស់រុស្ស៊ី មេដឹកនាំណាតូ សញ្ជាតិហូឡង់រូបនេះ នឹងត្រូវផ្គួបផ្សំជាមួយនឹងលទ្ធផលនៃការបោះឆ្នោតរបស់អាម៉េរិកនៅខែវិច្ឆិកាផងដែរ។ សហរដ្ឋអាម៉េរិកតែឯង តំណាងឲ្យពាក់កណ្តាលនៃទម្ងន់យោធានៅក្នុងអង្គការសម្ព័ន្ធមិត្តណាតូ។
ទស្សនវិស័យនៃការត្រឡប់មកវិញរបស់លោក ដូណាល់ត្រាំ មកសេតវិមាននឹងអង្រួនទីស្នាក់ការណាតូនៅទីក្រុងប៊្រុចសែល។ ដោយល្បីល្បាញខាងមើលស្រាលដល់អង្គការសម្ព័ន្ធមិត្តថាគ្មានប្រយោជន៍ មហាសេដ្ឋីពាន់លាន លោកដូលណាល់ ត្រាំ បង្កើនច្រើនដងនូវការរិះគន់ប្រឆាំងនឹងសម្ព័ន្ធមិត្តអឺរ៉ុប និងចោទប្រកាន់អឺរ៉ុបថា មិនបានចំណាយសមល្មមដើម្បីការពារខ្លួនពួកគេ។
Daily Program
