ទីម័រខាងកើតប្រារព្ធខួបនៃដំណើរទស្សនកិច្ចរបស់សម្តេចប៉ាបមួយឆ្នាំ

ព្រះសហគមន៍តូលិកនៅទីម័រខាងកើតបានប្រារព្ធពិធីបុណ្យថ្លែងអំណរគុណសម្តេចប៉ាបដោយប្រារព្ធខួបលើកទី១ នៃដំណើរទស្សនកិច្ចជាប្រវត្តិសាស្ត្ររបស់សម្តេចប៉ាបហ្រ្វង់ស៊ីស្កូ ដែលបានចំណាយពេលវេលា​របស់ទ្រង់យាងមកបំពេញទស្សនកិច្ចនៅក្នុងប្រទេស។

ពិធីនេះបានរៀបចំតាំងតែពីថ្ងៃទី ១០ ខែកញ្ញា ឆ្នាំ​២០២៥ ក្រោមអធិបតីភាព លោកកាឌីណាល់ វីជីលីយូ ឌូ កាម៉ូ ដា ស៊ីលវ៉ា (Virgilio do Carmo da Silva) អគ្គអភិបាលនៃព្រះសហគមន៍​កាតូលិក​នៅក្រុងឌីលី។

លោកកាឌីណាល់បានមានប្រសាសន៍នៅពេលថ្វាយអភិបូជាថា វត្តមានរបស់សម្តេចប៉ាបហ្រ្វង់ស៊ីស្កូ គឺជាពរជ័យនិងជាអំណរសប្បាយមួយសម្រាប់ប្រទេសទីម័រខាងកើត។

ពិធីនេះក៏មានការចូលរួមពីអ្នកការទូតរបស់សន្តអាសនៈ បព្វជិត និង គ្រីស្តបរិស័ទជាច្រើននាក់ ដោយរួមទាំងតំណាងមន្ត្រីរដ្ឋាភិបាល និងយោធា។

លោកកាឌីណាល់ ដា ស៊ីលវ៉ា បាននិយាយថា "ថ្ងៃនេះយើងជួបជុំគ្នាម្តងទៀត កន្លែងតែមួយនឹង ព្រឹត្តិការណ៍ប្រវត្តិសាស្ត្រដ៏អស្ចារ្យពីរដែលបង្ហាញពីជំនឿរបស់ប្រជាជនទីម័រ ហើយនិងការដាក់​ប្រទេស​របស់យើងនៅលើផែនទីពិភពលោក។

លោកកាឌីណាល់​បាន​បន្ថែម​ថា​ ​យើង​នៅ​ទី​នេះ​ក្នុង​នាម​ជា​ប្រជាជន​ដ៏​តូច​មួយ​របស់​ព្រះ​ជាម្ចាស់។ ​ទីម័រខាងកើតសូម រួប​រួមជាមួយនឹងគ្រីស្តបរិស័ទទាំងអស់ សូមស្ម័គ្រថ្វាយ​ខ្លួនដល់ព្រះ​ជាម្ចាស់។

គួររំលឹកថា សម្តេចប៉ាបហ្វ្រង់ស៊ីស្កូ បានធ្វើទស្សនកិច្ចនៅទីម័រខាងកើត ចាប់ពីថ្ងៃទី ៩ ដល់ថ្ងៃទី ១១ ខែកញ្ញា ឆ្នាំ២០២៤​៕