ទីក្រុងគៀវ និងសហភាពអឺរ៉ុបបានវាយតម្លៃថា កិច្ចសន្ទនានៅទីក្រុងហ្ស៉ឺណេវ អំពីផែនការសន្តិភាពសម្រាប់អ៊ុយក្រែន បានផ្តល់នូវការបោះជំហានថ្មី ប៉ុន្តែវាត្រូវការចាំបាច់នូវការងារ ច្រើនទៀតដែលត្រូវធ្វើ។
យោងតាមទីក្រុងគៀវ និងសហភាពអឺរ៉ុប បានឲ្យដឹងថា កាលពីថ្ងៃទី២៤ ខែវិច្ឆិកា លោក អធិការបតីអាឡឺម៉ង ហ្វ្រ៊ីឌ្រីច មឺហ្ស៍ បានបញ្ជាក់សម្រាប់រុស្ស៊ីឲ្យចូលរួមតុចរចាអំពីផែនការ សន្តិភាពសម្រាប់អ៊ុយក្រែន មុនមួយថ្ងៃនៃកិច្ចពិភាក្សានៅទីក្រុងហ្ស៉ឺណេវ ដែលផ្តល់នូវការ បោះជំហានថ្មីមួយ ប៉ុន្តែវាក៏ទាមទារចាំបាច់នូវការងារបន្ថែមទៀត។
កិច្ចពិភាក្សារវាងអ៊ុយក្រែន អាម៉េរិក និងអឺរ៉ុប ដែលកោះប្រជុំកាលពីថ្ងៃអាទិត្យទី២៣ ខែវិច្ឆិកា ក្នុងភាពបន្ទាន់ គឺរៀបចំឡើងនៅលើមូលដ្ឋាននៃគម្រោងផែនការ ២៨ចំនុច របស់លោក ដូណាល់ ត្រាំ ដែលត្រូវបានចាត់ទុកថា ជាការផ្តល់ផលចំណេញយ៉ាងធំធេងដល់ទីក្រុងមូស្គូ។
អាម៉េរិក និងអ៊ុយក្រែន បានបញ្ជាក់ថា កិច្ចព្រមព្រៀងសន្តិភាពអនាគតមួយត្រូវតែគោរពអធិបតេយ្យភាពរបស់អ៊ុយក្រែន។
លោកហ្វ្រ៊ីឌ្រីច មឺហ្ស៍ បានបញ្ជាក់ថា ៖ “ប្រទេសរុស្ស៊ីត្រូវតែមានវត្តមាននៅតុនៃកិច្ចចរចា”។ ប៉ុន្តែលោកបានវិនិច្ឆ័យថា វាមានអត្រាតិចតួចដែលថាមានការទម្លុះទម្លាយខាងការទូតនៅសប្តាហ៍នេះ។
ហើយកាលពីថ្ងៃចន្ទដែរ ទីក្រុងក្រឹមឡាំង បានប្រាប់ឲ្យដឹងថា ការដែលសហភាពអឺរ៉ុបប្រឆាំងនឹងសំណើរផែនការរបស់អាម៉េរិកគឺមិនមានន័យថាស្ថាបនាទេ ហើយក៏មិនដើរស្របជាមួយរុស្ស៊ីដែរ។ យោងតាមទីភ្នាក់ងារព័ត៌មានផ្លូវការរបស់រុស្ស៊ីតាស (TASS) ទីប្រឹក្សាការទូតរបស់ប្រធានាធិបតីរុស្ស៊ី លោកលូរី អ៊ូចាកូវ បានថ្លែងថា ៖ “នៅថ្ងៃព្រឹកថ្ងៃចន្ទនេះ យើងក៏ដឹងថាមានផែនការមួយរបស់អឺរ៉ុបដែលមើលដំបូងគឺមិនមានន័យស្ថាបនាទាល់តែសោះ និងមិនយល់ស្របនឹងយើងដែរ។”
យោងតាមមន្រ្តីជាន់ខ្ពស់ម្នាក់ដែលបានទទួលព័ត៌មានពីកិច្ចពិភាក្សា បានឲ្យដឹងថា សហរដ្ឋអាម៉េរិកបានដាក់សំពាធលើអ៊ុយក្រែន ឲ្យទទួលសំណើររបស់ខ្លួន នៅអំឡុងកិច្ចសន្ទនានៅទីក្រុងហ្ស៉ឺណេវ កាលពីថ្ងៃអាទិត្យ។ មន្រ្តីជាន់ខ្ពស់នេះបានថ្លែងក្នុងភាពអនាមិកថា ទោះបីជាសម្ពាធរបស់អាម៉េរិកបានថយចុះក្នុងអំឡុងកិច្ចប្រជុំ ក៏សំពាធជាសកលនៅមាន។
ពីដំបូងប្រធានាធិបតីអាម៉េរិក បានផ្តល់ពេលរហូតដល់ថ្ងៃទី២៧ ខែវិច្ឆិកា សម្រាប់ប្រធានាធិបតីអ៊ុយក្រែន លោកវ៉ូឡូឌីមៀ ហ្ស៉េឡេនស្គី ដើម្បីឆ្លើយតបនឹងផែនការរបស់ខ្លួន ដែលរួមមានការផ្តល់ដីអ៊ុយក្រែនឲ្យរុស្ស៊ី ដែលជារូបភាពនៃការចុះចាញ់របស់ទីក្រុងគៀវ ប៉ុន្តែក្រោយមក លោកបានបញ្ជាក់ថា នេះមិនមែនជាការផ្តល់ចុងក្រោយនោះទេ។
ដោយត្រូវស្វាគមន៍ដោយលោកវ្លាឌីមៀ ពូទីន អត្ថបទដំបូងនៃផែនការរបស់លោកត្រាំលើកឡើងអំពីការទាមទារសំខាន់ៗជាច្រើនរបស់ទីក្រុងមូស្គូ។
កាលពីថ្ងៃចន្ទ លោកហ្សេឡេនស្គី បានស្វាគមន៍ការបោះជំហានទៅមុខជាច្រើន។ លោកសន្និដ្ឋានថា វាក៏ត្រូវការរឿងច្រើនបន្ថែមទៀតដើម្បីឈានទៅរកសន្តិភាពពិតប្រាកដជាមួយរុស្ស៊ី និងបញ្ចប់ជម្លោះដែលសម្លាប់មនុស្សច្រើនបំផុតនៅអឺរ៉ុបចាប់តាំងពីសង្រ្គាមលោកលើកទី២ មក។
មេដឹកនាំអ៊ុយក្រែនបានស្វាគមន៍ការបញ្ចូលចំនុចដែលរស៊ើបៗបំផុតជាច្រើន មានដូចជា ការដោះលែងអ្នកទោសសង្រ្គាមទាំងអស់របស់អ៊ុយក្រែនយោងតាមរូបមន្តទាំងអស់ដូរទាំងអស់ និងជនស៊ីវិល ការបញ្ជូនត្រឡប់មកវិញនូវកុមារអ៊ុយក្រែនដែលត្រូវចិញ្ចឹមដោយរុស្ស៊ីជាដើម។
Daily Program
