ប្រធានាធិបតីអ៊ុយក្រែនលោក វូឡូឌីមៀ ហ្សេឡេនស្គី បានទទួលស្គាល់ថា កងកម្លាំងអ៊ុយក្រែនកំពុងប្រយុទ្ធនៅក្នុងតំបន់ ឃឹស (Kursk ) របស់រុស្ស៊ី។
វ៉ាទីកង់ញូវបានរាយការណ៍ថា ឆ្លើយតបនឹងការលុកលុយរបស់អ៊ុយក្រែន រុស្ស៊ីបានរឹតបន្តឹងសន្តិសុខ យ៉ាងខ្លាំងនៅតាមតំបន់ព្រំដែនចំនួនបី ខណៈការប្រយុទ្ធបានឈានចូលដល់ថ្ងៃទី៦ហើយ។ ក្នុងពេលជាមួយគ្នានេះ បេឡារុស្សបានបញ្ជូនទាហានបន្ថែមទៀតទៅកាន់ព្រំដែនរបស់ខ្លួនជាមួយអ៊ុយក្រែន ដោយចោទប្រកាន់ទីក្រុង គៀវ ពីបទរំលោភលើដែនអាកាសរបស់ខ្លួន។
ពាក់ព័ន្ធនឹងបញ្ហានេះ អាជ្ញាធររុស្ស៊ីបានទទួលស្គាល់ថា មនុស្សរាប់ម៉ឺននាក់ត្រូវបានបង្ខំឱ្យជម្លៀសចេញ ខណៈដែលកងទ័ពរុស្ស៊ីហាក់ដូចជាមិនបានត្រៀមខ្លួនសម្រាប់ការវាយលុក។
វីដេអូបង្ហាញពីអ្វីដែលហាក់ដូចជាខ្សែររថយន្តយោធារុស្ស៊ីដែលកំពុងឆេះនៅក្នុងតំបន់នោះ។ វីដេអូនេះត្រូវបានគេថតច្បាស់នៅលើផ្លូវហាយវេ E38 ក្នុងទីក្រុង អុកយ៉ាប័ ស្គូ (Oktyabr’skoe )របស់រុស្ស៊ី ដែលមានចំងាយជាង ៣៦គីឡូម៉ែត្រពីព្រំដែនជាមួយអ៊ុយក្រែន៕
Daily Program
