ប្រធានាធិបតីអាមេរិកលោក ចូ បៃដិន បានដកបេក្ខភាពរបស់លោកចេញពី ការបោះឆ្នោតនាខែវិច្ឆិកា ដោយទុកឱ្យគណបក្សប្រជាធិបតេយ្យរបស់ប្រទេសនេះសិក្សាថា អ្នកណានឹងក្លាយជាបេក្ខភាពរបស់គណបក្សសម្រាប់ការបោះឆ្នោតប្រធានាធិបតី។
ប្រធានាធិបតីអាមេរិកលោក ចូ បៃចិនបានប្រកាសកាលពីថ្ងៃអាទិត្យទី ២១ ខែកក្កដា ឆ្នាំ ២០២៤ ថាលោកនឹងចាកចេញពីការប្រជែងតំណែងប្រធានាធិបតីបន្ទាប់របស់សហរដ្ឋអាមេរិក ប៉ុន្តែនៅតែបន្តកិច្ចការដែលនៅសេសសល់នៅសេតវិមាន។
នៅក្នុងសេចក្តីថ្លែងការណ៍ ដែលប្រកាសពីការដកខ្លួនរបស់ខ្លួន លោកប្រធានាធិបតីបាននិយាយថា វាគឺជា «កិត្តិយសបំផុត» នៃជីវិតរបស់លោកក្នុងការធ្វើជាប្រធានាធិបតីរបស់ប្រទេស ហើយបានកត់សម្គាល់ថាលោកនឹងនិយាយទៅកាន់ប្រទេសអំពីការសម្រេចចិត្តរបស់ខ្លួន «នៅចុងសប្តាហ៍នេះ»។
លោកបានអរគុណប្រជាជនអាមេរិកសម្រាប់ «ជំនឿ និងការទុកចិត្ត» ដែលពួកគេមានចំពោះ គាត់។
នៅមុនការបោះឆ្នោតខែវិច្ឆិកាខាងមុខនេះ គណបក្សប្រជាធិបតេយ្យនឹងស្វែងរកបេក្ខជនថ្មី ស្របពេលដែល លោក បៃដិន បានគាំទ្រអនុប្រធានបច្ចុប្បន្នរបស់លោក គឺលោកស្រី កាម៉ាឡា ហារីស ( Kamala Harris) ។
ថ្លែងទៅកាន់ «អ្នកប្រជាធិបតេយ្យផ្សេងទៀត" តាមបណ្តាញសង្គម X លោក បៃដិន បានសរសេរថា "ខ្ញុំបានសម្រេចចិត្តមិនទទួលយកការតែងតាំងនេះ ហើយផ្តោតលើថាមពលរបស់ខ្ញុំទាំងអស់លើភារកិច្ចរបស់ខ្ញុំជាប្រធានាធិបតីសម្រាប់រយៈពេលដែលនៅសល់នៃអាណត្តិរបស់ខ្ញុំ»។
លោកបានបន្ថែមថា «ថ្ងៃនេះខ្ញុំចង់ផ្តល់នូវការគាំទ្រពេញលេញរបស់ខ្ញុំនិងការគាំទ្រសម្រាប់លោកស្រីកាម៉ាឡា ដើម្បីជាក្លាយបេក្ខភាពគណបក្សរបស់យើងនៅឆ្នាំនេះ»៕
Daily Program
