វ៉ាទីកង់ញូវបានរាយការណ៍១០ឆ្នាំក្រោយពីដំណើរទស្សនកិច្ចរបស់សម្តេចប៉ាប ហ្វ្រង់ស៊ីស្កូនៅប្រទេសកូរ៉េខាងត្បូងដើម្បីចូលរួមវេទិកាយុវជនអាស៊ីលើកទី៦ លោកបូជាចារ្យ ឌីយេហ្គោ កាសូឡាតូ (Diego Cazzolato ) បាននិយាយថា ព្រះសហគមន៍កាតូលិកបានកំពុងស្វែងរកការបង្រួបបង្រួមជនអន្តោប្រវេសន៍នានា។
លោកបូជាចារ្យបានឲ្យដឹងថា នៅពេលនេះ ក្រៅពីខិតខំធ្វើការជាមួយនឹងជនឥន្តោប្រវេសន៍ហើយនោះ ព្រះសហគមន៍ក៏កំពុងតែជំរុញការសន្ទនាអន្តរសាសនាក្នុងក្តីសង្ឃឹម ថានឹងដឹកនាំមនុស្សជំនាន់ថ្មីទៅកាន់ពិភពលោកដែលមានសុវត្ថិភាព។
លោកបានបន្តថា លោកបានមកប្រកាសដំណឹងល្អហើយបានព្យាយាមធ្វើកិច្ចការនេះ នៅក្នុងប្រទេសកូរ៉េខាងត្បូងអស់រយៈពេលជាង ៣ ទសវត្សរ៍មកហើយ។
លោកបូជាចារ្យ បានចែករំលែកបេសកកម្មរបស់លោកថាកិច្ចការនេះកាន់តែសកម្ម គឺក្រោយពេលដែលលោកបូជាចារ្យបានទទួលព្រះពរពីសម្តេចប៉ាបនៅក្នុងអំឡុងពេលទ្រង់បំពេញទស្សនកិច្ចនៅប្រទេសកូរ៉េខាងត្បូងពីថ្ងៃទី ១៣ ដល់ ១៨ ខែសីហា ឆ្នាំ ២០១៤ នៅពេលដែលកូរ៉េខាងត្បូងរៀបចំទិវាយុវជនអាស៊ីលើកទី៦។
នៅក្នុងបទសម្ភាសន៍ជាមួយវ៉ាទីកង់ លោកបូជាចារ្យបានបង្ហាញពីក្តីសង្ឃឹមថា ការផ្សះផ្សាផ្ទៃក្នុង និងភាតរភាពសកលតាមរយៈកិច្ចសន្ទនាអន្តរសាសនា និងការគាំទ្រសម្រាប់ជនក្រីក្រ និងជនចំណាកស្រុក កិច្ចការនេះកំពុងតែដំណើរការទៅមុខ។
លោកបូជាចារ្យបានបន្តថា នៅពេលដែលលោកបូជាចារ្យមានឱកាសជួបសម្តេចប៉ាបនៅក្នុងឆ្នាំ ២០១៤ សម្តេចប៉ាបបានលើកទឹកចិត្តនឹងពង្រឹងឲ្យគ្រីស្តបរិស័ទយកចិត្តទុកដាក់ ស្តារសន្តិភាព និងក្តីសង្ឃឹមដល់ប្រជាជនកូរ៉េខាងត្បូង ដែលនៅតែរំជើបរំជួលពីព្រឹត្តិការណ៍សោកនាដកម្មនាពេលកន្លងមក៕
Daily Program
