ចំពេលដែលភាពចលាចលដែលកំពុងរីករាលដាល ក្រុមអន្តរសភាលោកអភិបាលនៃព្រះសហគមន៍កាតូលិកនៅប្រទេសវេណេហ្ស៊ុយអេឡា បានជំរុញឲ្យអ្នកពាក់ព័ន្ធរៀបចំដំណើរការបោះឆ្នោតនិងបង្ហាញលទ្ធផលប្រកបដោយតម្លាភាព។
ការតវ៉ាបានផ្ទុះឡើងនៅទូទាំងប្រទេសវ៉េណេស៊ុយអេឡា បន្ទាប់ពីមានជម្លោះអំពីការបោះឆ្នោតដែលបានធ្វើឡើងកាលពីថ្ងៃអាទិត្យកន្លងទៅនេះ។
អាជ្ញាធរជាតិរៀបចំការបោះឆ្នោតនៅប្រទេសនេះ បានប្រកាសឱ្យប្រធានាធិបតីដែលកំពុងកាន់អំណាច គឺ លោក នីកូឡាស ម៉ាឌូរ៉ូ ( Nicolás Maduro) ជាអ្នកឈ្នះការបោះឆ្នោតដោយផ្តល់ឱកាសឲ្យលោកបន្តកាន់តំណែងនូវអាណត្តិទីបីបន្តទៀត។
នេះគឺជាការប្រកាសរបស់អ្នករៀបចំការបោះឆ្នោត ប៉ុន្តែអ្នកបោះឆ្នោតឯករាជ្យបានហៅលទ្ធផលនោះថាមិនអាចទុកចិត្តបាន ហើយមេដឹកនាំបក្សប្រឆាំង និងអ្នកសង្កេតការណ៍បរទេសដូចគ្នាបានជំរុញឲ្យមានតម្លាភាពជុំវិញចំនួនសន្លឹកឆ្នោត។
នៅចំកណ្តាលនៃភាពចលាចលនេះ ក្រុមលោកអភិបាលនៃព្រះសហគមន៍កាតូលិកនៅវេណេស៊ុយអេឡាបានចេញសេចក្តីថ្លែងការណ៍មួយដោយសរសើរ ដោយសង្កត់ធ្ងន់ថា ទំហំនៃការទៅបោះឆ្នោតបាន "បញ្ជាក់ឡើងវិញនូវការប្តេជ្ញាចិត្តរបស់យើងចំពោះលទ្ធិប្រជាធិបតេយ្យ"។
សេចក្តីថ្លែងការណ៍បន្តថា «ក្នុងនាមជាអ្នកគង្វាលប្រជារាស្រ្តរបស់ព្រះជាម្ចាស់ យើងកំពុងតាមដានយ៉ាងដិតដល់នូវព្រឹត្តិការណ៍ដែលកើតឡើង ហើយចង់បង្ហាញពីសាមគ្គីភាព និងឆន្ទៈរបស់យើងក្នុងការផ្តល់ការគាំទ្រដល់ដំណើរការនៃលទ្ធិប្រជាធិបតេយ្យ»។
ក្រុមលោកអភិបាលក៏បានបន្តរការអំពាវនាវឱ្យមានតម្លាភាពនៃការបោះឆ្នោតផងដែរ ដោយថ្លែងថា យើងចូលរួមជាសំឡេង ជាមួយអ្នកទាំងក្នុង និងក្រៅប្រទេសវេណេស៊ុយអេឡា ដែលទាមទារដំណើរការផ្ទៀងផ្ទាត់លទ្ធផលសន្លឹកឆ្នោត ដែលក្នុងនោះតួអង្គនយោបាយដែលពាក់ព័ន្ធទាំងអស់ចូលរួមយ៉ាងសកម្ម និងពេញលញ។
សេចក្តីថ្លែងការណ៍បានទទូចថា "អនុញ្ញាតឱ្យយើងឈរយ៉ាងរឹងមាំនៅក្នុងក្តីសង្ឃឹម"។ “គំនិត និងការអះអាងរបស់យើងត្រូវតែធ្វើឡើងជាមួយនឹងអាកប្បកិរិយាដោយសន្តិវិធី ការគោរព និងការអត់ឱនដែលបានគ្រប់គ្រងរហូតមកដល់បច្ចុប្បន្ន៕
Daily Program
