អត្ថាធិប្បាយគម្ពីរដំណឹងល្អថ្ងៃទី៣១ ខែសីហាឆ្នាំ២០២៣

អត្ថាធិប្បាយគម្ពីរដំណឹងល្អថ្ងៃទី៣១ ខែសីហាឆ្នាំ២០២៣ តាមម៉ាថាយ ២៤,៤២-៥១ អត្ថាធិប្បាយដោយលោកបូជា​ចារ្យ​ ហ្វ្រង់ស័រ អេមេល្សដាល

ក្នុងពិភពលោកនេះ យើងមានអារម្មណ៍ថាហាក់ដូចជាព្រះជាម្ចាស់នៅឆ្ងាយ ហាក់​ដូចជា​គ្មានព្រះជាម្ចាស់តែម្ដង ពីព្រោះយើងឃើញច្បាស់ មានអំពើអាក្រក់ច្រើន មាន​អំពើ​អយុត្តិធម៍ជាច្រើនប៉ុន្តែក្នុងអត្ថបទដំណឹងល្អក្នុងថ្ងៃនេះ​ ព្រះយេស៊ូមានព្រះបន្ទូល​ថា ចូរត្រៀមខ្លួនពីព្រោះថ្ងៃក្រោយព្រះយេស៊ូជាបុត្រមនុស្សនឹងយាងមកវិញ។ ព្រះយេ​ស៊ូ​នឹងយាងមកវិញប្រកបដោយសិរីរុងរឿង ហើយព្រះអង្គនឹងវិច្ឆ័យមនុស្សលោកតាម​អំពើល្អឬអាក្រក់ដែលខ្លួនបានប្រព្រឹត្ត ដូច្នេះក្នុងអត្ថបទដំណឹងល្អ ព្រះយេស៊ូមានព្រះ​បន្ទូលថា ប្រុងស្មារតីជានិច្ច ត្រៀមខ្លួនទទួលព្រះអង្គកុំស្មានថាគ្មានព្រះណាមួយទេ គ្មានព្រះជាម្ចាស់ឬអ្វី ប៉ុន្តែអត់ទេ គឺមានច្បាស់ ដូច្នេះយើងត្រូវតែត្រៀមខ្លួន។ លើកមុន​ខ្ញុំបានទៅមន្ទីរពេទ្យ ដោយសារមានគ្រីស្តបរិស័ទម្នាក់ឈឺ ខ្ញុំទៅសួរសុខទុក្ខគាត់ហើយ​នឹងខ្ញុំត្រលប់មកផ្ទះវិញ រួចហើយមួយម៉ោងក្រោយមក មានគេខលមកខ្ញុំហើយប្រាប់ថា លោកពុក គ្រីស្តបរិស័ទម្នាក់នោះបានស្លាប់បាត់ហើយ ដូច្នេះលឿនមែនទែន។ ជីវិត​យើង​មិនដឹងថា នៅពេលណា វេលាណាយើងនឹងស្លាប់ នឹងពេលណានៅថ្ងៃណាយើង​នឹង​ជួបព្រះជាម្ចាស់ ដូច្នេះយើងត្រូវតែត្រៀមខ្លួនជានិច្ច ប៉ុន្តែតាមពិតអត្ថបទដំណឹងល្អ​នៅ​ថ្ងៃនេះ ខ្ញុំយល់ថាគឺអីលូវនេះនឹងហើយយើងអាចជួបព្រះជាម្ចាស់ យើងអាចជួប​ ព្រះ​យេ​​ស៊ូ មិនបាច់រងចាំថ្ងៃក្រោយគឺថ្ងៃយើងស្លាប់ឬថ្ងៃអវសាន្តនៃពិភពលោកមិនមែន​ទេ​ ព្រះជាម្ចាស់គង់នៅជាមួយយើងតាមរបៀបលាក់កំបាំងម្យ៉ាង ប៉ុន្តែព្រះជាម្ចាស់​អីលូវនេះកំពុងតែគង់នៅជាមួយខ្ញុំហើយនឹងខ្ញុំអាចជួបគាត់បាន មែនពិតប្រាកដមែន រាល់ពេលខ្ញុំអធិដ្ឋាន រាល់ពេលខ្ញុំអធិដ្ឋាន ខ្ញុំអាចនិយាយថា ពិតមែនហើយព្រះជាម្ចាស់​អាច​គង់​នៅជាមួយខ្ញុំ នៅស្ងៀមស្ងាត់ទុកពេលវេលាជារៀងរាល់ថ្ងៃដើម្បីព្រះជាម្ចាស់​បន្តិចម្ដងៗយើងលឺថាព្រះអង្គគង់នៅជាមួយយើង រាល់ពេលខ្ញុំថ្វាយអភិបូជា ខ្ញុំទទួល​ព្រះ​កាយ​ព្រះអង្គតែម្ដង ខ្ញុំអាចឃើញ ខ្ញុំអាចប៉ះ ខ្ញុំបានភ្លក់ព្រះជាម្ចាស់ហើយខ្ញុំមាន​ជំនឿ​ពិតប្រាកដមែនព្រះអង្គគង់នៅជាមួយក្នុងនំប៉័ងនេះ។ រាល់ពេលខ្ញុំទៅសួរសុខ​ទុក្ខ​អ្នកជម្ងឺ ខ្ញុំជួយអ្នកក្រីក្រ ខ្ញុំជួយអ្នកដទៃគឺខ្ញុំពេលនោះខ្ញុំជួបព្រះយេស៊ូតែម្ដងហើយ​ព្រះយេស៊ូ​មាន​ព្រះបន្ទូលថា គ្រប់ពេលដែលអ្នករាល់គ្នាបានប្រព្រឹត្តអំពើល្អ អំពើអ្វី​ភសម្រាប់​អ្នកតូចតាចជាងគេដែលអ្នករាល់គ្នាបានធ្វើគឺសម្រាប់ខ្ញុំពិតមែន។ ដូច្នេះជំនឿ​របស់យើងអាចជាឧបករណ៍ម៉្យាងដើម្បីឱ្យជួបព្រះយេស៊ូ តាមរយៈការ​អធិដ្ឋាន តាម​​រយៈពិធីបុណ្យអគ្គសញ្ញានៃព្រះសហគមន៍ តាមរយៈអ្នកដទៃជាពិសេសតាមរយៈ​អ្នក​ក្រី​ក្រ។ បងប្អូនអើយពិតមែន​​ ពេលខ្លះយើងពិបាកជឿពិតមែនហើយ ហេតុដូចជា​ព្រះជាម្ចាស់​គង់​នៅឆ្ងាយ ហាក់ដូចជាព្រះជាម្ចាស់មិនចាប់អារម្មណ៍​ អត់ទេមិនមែនទេ ចូររក្សាជំនឿឱ្យបានរឹងមាំ ចូរមានចិត្តអត់ធ្មត់ ចូរប្រុងស្មារតី កុំទៅផឹកស៊ីផ្ដេសផ្ដាសនាំ​ឱ្យមានរឿងអាក្រក់ ពេលនោះច្បាស់ហើយយើងមិនជួបព្រះជាម្ចាស់ ដូច្នេះសូមឱ្យ​យើងសួរថាព្រះបន្ទូលនៅថ្ងៃនេះដាស់យើង លើកទឹកចិត្តយើងទៅមុខជានិច្ចហើយ​ជឿសង្ឃឹមថា ព្រះជាម្ចាស់នឹងសម្ដែងធម៌មេត្តាករុណានឹងសេចក្ដីស្រលាញ់ចំពោះ​យើង​ច្បាស់​ហើយ។ អាម៉ែន៕