ថ្ងៃទី២៧ ខែធ្នូ ឆ្នាំ២០២៥ អត្ថបទគម្ពីរ យ៉ូហាន ២១,២០-២៤អត្ថាធិប្បាយគម្ពីរដោយ៖ លោកបូជាចារ្យ អ៊ុន សុន

ព្រះយេស៊ូប្រសូតមកក្នុងលោកនេះបានចាប់កំណើតជាមនុស្ស គង់នៅ​ជា​មួយយើងធ្វើឱ្យជីវិតរបស់យើង ជាពិសេសព្រះសហគមន៍មានអំណរសប្បាយ។ ក្រោយបុណ្យព្រះយេស៊ូប្រសូត យើងបាន​ចាប់​​អារម្មណ៍ និង​បានឃើញថា នៅថ្ងៃទី២៦ យើងបានគោរពមរណសាក្សីដំបូងជាសន្តស្តេហ្វាន  ដែល​ត្រូវគេធ្វើឃាត ជា​សាវ័ក​​ដែលព្រះយេស៊ូស្រឡាញ់។

សន្តយ៉ូហាន គ្រីស្តទូតដែលព្រះយេស៊ូស្រឡាញ់ បានធ្វើ បានរៀបរាប់ បានធ្វើសក្ខីភាពអំពីព្រះយេស៊ូ ដែល​​លោក​បាននិពន្ធគម្ពីរដំណឹងល្អ លោកបាននិពន្ធគម្ពីរវិវរណៈ ហើយអ្វីៗជាច្រើនដែលលោក​បាន​ចែក​រំលែក តាមដំណឹងល្អរបស់លោក ដែលអ្នកនិពន្ធផ្សេងៗដូចជា លោកម៉ាកុស លោកលូកា និងលោក​ម៉ា​ថាយ អត់មាន តែនៅក្នុងលោកយ៉ូហាន ដែលព្រះយេស៊ូស្រឡាញ់នេះ  ខ្ញុំលើកគម្ពីរមួយចំនួន៖ ចាប់​ផ្ដើម​ពីអ្នកពិការពីកំណើត ចាប់ផ្ដើមពីព្រះយេស៊ូបានសួរលោកសិលា ដល់ទៅ ៣ ដង តើស្រឡាញ់ខ្ញុំអត់?

សំណួរនេះធ្វើឱ្យលោកសិលាភ័យអរ ហើយក៏ឆ្លើយថា លោកជ្រាបស្រាប់ហើយ ខ្ញុំស្រឡាញ់លោក និង​ព្រះ​​យេស៊ូប្រទានឱ្យលោកសិលា មើលថែទាំហ្វូងចៀមរបស់ព្រះអង្គ មានព្រះបន្ទូលដំណឹងល្អទៀតដែល​ព្រះ​យេស៊ូ​ចាប់ត្រីបាន ១៥៣ ត្រីធំៗ ដែលពួកសាវ័កជួបជុំគ្នា និងកិច្ចការអស្ចារ្យនេះ​ព្រះយេស៊ូ​ក៏​បាន​ប្រោស​ឡា​សារឱ្យមានជីវិតថ្មីឡើងវិញដែរ។

មានអត្ថបទមួយដែលព្រះយេស៊ូលានៅចុងក្រោយ គឺ​ព្រះយេស៊ូ​លា​សាវ័ក និងមានសក្ខីភាព និង​អត្ថបទ​គម្ពីរ​ជាច្រើនទៀត។ សេចក្តីទាំងអស់នេះ លោក​យ៉ូហាន​យក​ចិត្ត​​ទុកដាក់ ដើម្បីឲ្យ​ឃើញវត្ត​មាន​របស់​​ព្រះ​យេស៊ូពិតៗនៅក្នុងលោកនេះ ព្រះអង្គបានមកក្នុងលោកនេះ បាន​ប្រសូតជាមនុស្ស គង់នៅជាមួយមនុស្ស ព្រះអង្គមកដើម្បីស្រឡាញ់មនុស្សលោក អត់មាន​ការ​វិនិច្ឆ័យ​ដាក់ទោសមនុស្សលោកទេ តែព្រះអង្គ​ធ្វើ​ឱ្យ​​មនុស្សយើងមានតម្លៃ។

លោកយ៉ូហានបានចែករំលែក​នូវ​សេច​ក្តី​​ស្រឡាញ់​ដែល​​ព្រះយេស៊ូមានតាមរយៈក្រុមគ្រីស្តទូត និងសាវ័ក តាមរយៈកិច្ចការ​របស់​ព្រះសហគ​មន៍​ទាំង​អស់ ស​ឱ្យ​ឃើញថា ព្រះជាម្ចាស់យកព្រះហឫទ័យ​ទុក​ដាក់​ស្រ​ឡា​ញ់​មនុស្សលោក ទោះបីខ្ញុំ ឬបងប្អូន​លា​ចាកលោកនេះ ប៉ុន្តែ! សេចក្តីស្រឡាញ់ធម្មមេត្តាក​រុណា​របស់​ព្រះ​ជាម្ចាស់ បាន​ធ្វើដំណើរ​ជាមួយយើងក្នុង​លោកនេះ ហើយ​បន្តដំណើរ​ជាមួយព្រះ​គ្រីស្ត​អស់​កាល​ជា​អ​ង្វែ​ង​តរៀងទៅ។

ដូច្នេះជីវិតរបស់យើងនឹងជាប់នឹងស្ថិតស្ថេរ ជាមួយព្រះគ្រីស្តគ្រប់ពេលវេលា។ សូមឱ្យ​ថ្ងៃ​គោរ​ព​​សន្ត​យ៉ូ​ហា​នដ៏ជាទីស្រឡាញ់របស់ព្រះយេស៊ូ ជួយយើងម្នាក់ៗ ដើម្បីឱ្យយើងម្នាក់ៗ​មើល​ព្រះជា​ម្ចាស់​ឱ្យ​យើងម្នា​ក់ៗ​ស្រ​ឡាញ់ព្រះជាម្ចាស់ដូចព្រះអង្គបានស្រឡាញ់យើង។  ខ្ញុំសូមជូនពរ សូម​​សេ​ចក្តី​​សុខសាន្ត សូម​ឱ្យ​ឆ្នាំ​ថ្មីដែ​លនឹងមកខាងមុខនេះ ធ្វើឱ្យជីវិតរបស់យើងមានអត្ថន័យថ្មី ទោះបី​យើង​ជា​អ្នក​ទន់​ខ្សោយ ជាអ្នកបាប ប៉ុន្តែយើងមានព្រះជាម្ចាស់ដែលស្រឡាញ់យើង មានព្រះយេស៊ូដែល​គង់ជា​មួយ​យើង និងថែរក្សាយើង ហើយសូមឱ្យយើងគោរពស្រឡាញ់ដូចព្រះអង្គបាន​ស្រឡាញ់​យើង​ជា​និច្ច​ដែរ​។ អា​មែន​៕