ថ្ងៃទី១៩ ខែមេសា ឆ្នាំ២០២៥អត្ថបទគម្ពីរ (លូកា២៤,១-១២)អត្ថាធិប្បាយគម្ពីរដោយ៖ លោកបូជាចារ្យ អ៊ុន សុន

បាទបងប្អូនជាទីស្រឡាញ់! ខ្ញុំសង្ឃឹមថាបងប្អូននឹងបានចូលរួមនៅក្នុងបុណ្យចូល​ឆ្នាំថ្មីប្រពៃ​ណី​​ជាតិជួបជុំក្រុមគ្រួសារបងប្អូនទាំងអស់។ ឆ្នាំនេះពិសេសកម្មវិធី​ចូលឆ្នាំថ្មីនឹង​កម្មវិធីបុណ្យ​​ចម្លងគឺជាពេលតែមួយ។ សេចក្តីទាំងអស់នេះធ្វើឱ្យយើងឃើញថា មាន​អំណរសប្បាយ​យ៉ាង​បរិបូរណ៍ដែលជាព្រះពររបស់ព្រះជាម្ចាស់ដល់ការជួបជុំក្រុមគ្រួសារបងប្អូនព្រមទាំងធ្វើបុណ្យចម្លង។

មកដល់ថ្ងៃសៅរ៍ពិសិដ្ឋគឺជាថ្ងៃដែលព្រះសហគមន៍ធ្វើបុណ្យចម្លងនៅថ្ងៃសៅរ៍ពិសិដ្ឋនេះគឺយើងមានពិធីប្រារព្ធភ្លើងថ្មី ព្រះពរទឹក មានពិធីជ្រមុជទឹកដល់​បេក្ខជនទូទាំងប្រទេស​ដែលមាន​បេក្ខជនដែលបានទទួលជំហានទីពីរកាលពីដើមអាទិត្យទីមួយនៃរដូវ៤០ថ្ងៃនោះបានធ្វើដំណើរមកដល់រាត្រីថ្ងៃសៅរ៍នេះ បងប្អូនទាំងអស់នឹងទទួលពិធីជ្រមុជទឹកកើតជាថ្មីនៅក្នុង​ព្រះវិញ្ញា​ណ​​ដ៏វិសុទ្ធគឺជាព្រះវិញ្ញាញដែលឱ្យយើងធ្វើការប្រារព្ធកើតជាថ្មីដោយព្រះនាមបិតា ព្រះបុត្រា និងព្រះវិញ្ញាណដ៏វិសុទ្ធ។

ការកើតជាថ្មីនេះធ្វើឱ្យយើងទាំងអស់គ្នាមានអំណរសប្បាយមែនទែនធ្វើឱ្យយើងទទួលព្រះពរពីព្រះជាម្ចាស់ដោយព្រះយេស៊ូព្រះអង្គបានសោយទិវង្គត់ និងមានព្រះជន្មរស់​ឡើងវិញ​ធ្វើ​ឱ្យ​យើង​កើតជាថ្មីនៅក្នុងព្រះអម្ចាស់។ បងប្អូនជាទីស្រឡាញ់! បើព្រះយេស៊ូមិនបានសោយទិវង្គត់ នឹងមានព្រះជន្មថ្មីនោះទេ មានន័យថាជីវិតថ្មីរបស់យើងក៏មិនបានទទួលដែរ។

ព្រះយេស៊ូសុខចិត្តបូជាជីវិត ដើម្បីយើងបានទទួលជីវិតថ្មីព្រោះក្តីស្រឡាញ់ ​និ​ងទទួល​ព្រះពរពី​ព្រះអង្គ ពិភពលោកទាំងមូលនៅថ្ងៃនេះ​ប្រកាសសិរីរុងរឿង​របស់ព្រះជា​ម្ចាស់ដោយ​ព្រះអង្គ​បាន​ធ្វើឱ្យមនុស្សលោកបានកើតជាថ្មី។ ខ្ញុំពិតជាមានក្តីសោមន្សរីករាយមែនទែន ដែល​ព្រះ​សហគមន៍យើងបានទទួលបេក្ខជនថ្មីបានធ្វើពិធីជ្រមុជទឹកនៅក្នុងរាត្រីបុណ្យចម្លងនេះ ហើយ​យើងមានអំណរប្បាយមែនទែនដោយឃើញបេក្ខជន មនុស្សពេញវ័យ កុមារ​ដែល​បាន​ទទួល​ពិធី​ជ្រមុជទឹកក្នុងឱកាសបុណ្យចម្លងនេះធ្វើឱ្យជីវិតថ្មី ពន្លឺពីព្រះ​ជាម្ចាស់តាមរយៈភ្លើង​ថ្មីដែល​យើង​បានអុចភ្លើងទៀនជ័យជាសិរីរុងរឿងបង្ហាញពីព្រះជន្មថ្មីរបស់ព្រះយេស៊ូ។

​យើងទទួលព្រះពរលើទឹកដែលជ្រមុជ ទឹកឱ្យបងប្អូនកើតជាថ្មីនៅក្នុងជំនឿលើព្រះជាម្ចាស់។ ក្នុងឱកាសនៃបុណ្យចម្លងយ៉ាងឱឡារិត ជាបុណ្យកំពូលនៃជំនឿនៃគ្រីស្តសាសនា​យើង អបអ​រ​សាទរបុណ្យចម្លង ​យើងជូនពរដល់បងប្អូនទាំង​អស់ជាពិសេស​ដល់​គ្រីស្ត​បរិស័ទ​ទាំង​អស់ និង​បង​ប្អូនគ្រីស្តបរិស័ទថ្មីៗបានជីវិតថ្មីក្នុងព្រះជាម្ចាស់៕