ថ្ងៃទី១៥ ខែមីនា ឆ្នាំ២០២៥ អត្ថបទគម្ពីរ (ម៉ាថាយ ៥,៤៣-៤៨)អត្ថាធិប្បាយគម្ពីរដោយ៖ លោកបូជាចារ្យ អ៊ុន សុន

ព្រះបន្ទូលដំណឹងល្អនៅថ្ងៃនេះព្រះយេស៊ូមានព្រះបន្ទូលថា បងប្អូនធ្លាប់ឮព្រះយេស៊ូថាសូមឱ្យយើង​ស្រឡាញ់បងប្អូ​នឯ​ទៀតៗ កុំឱ្យស្អប់ខ្មាំងសត្រូវរបស់ខ្លួន តាមព្រះបន្ទូល​នេះ​ជួយរំលឹក​យើងដើម្បី​ឱ្យ​យើង​ដឹងថា យើង​ជា​បង​ប្អូ​នគ្នានឹងគ្នា។ យើងទាំងអស់គ្នាជាបុត្រធីតារបស់ព្រះបិតា ហើយព្រះបិតាមិននៅ​ឆ្ងាយ​ពីយើង​ទេ​គឺ​ព្រះអង្គគង់នៅជាមួយយើង។

ដូច្នេះហើយឱ្យយើងគោរពស្រឡាញ់បងប្អូន យើងដែលជារូប​តំណាង​របស់ព្រះជាម្ចាស់!  ខ្ញុំមានចំណាប់​អារម្មណ៍មួយដើម្បីឱ្យបងប្អូនរិះគិត ព្រះជាម្ចាស់​បាន​បង្កើត​រូបកាយរស់យើង ហើយបង្កើតដោយសិរីភាព​ អ្វី​ដែលយើងខុសឆ្គងជាមួយគ្នានោះគឺពាក្យសម្តីរបស់យើង ឥរិយាបថ ទង្វើ​របស់​យើង​ដែលធ្វើ​ឱ្យ​យើង​ធ្វើ​ខុស​ចំពោះខ្លួនឯង និងចំពោះអ្នកដទៃ។ សេចក្តី​នេះជួយឱ្យបងប្អូន​ពិនិត្យមើល​ខ្លួនឯងមុន​នឹង​វិនិច្ឆ័យ ឬដាក់ទោសលើអ្នកដទៃ! ពេលយើងធ្វើការគោរពប្រណិបត្តិ​ដល់បងប្អូនអ្នក​ដែលមិន​ចូលចិត្ត​យើងនេះ​មាន​ន័យ​ថាយើងសងគុណព្រះជាម្ចាស់ដោយយើងចេះគោរពស្រឡាញ់អ្នកដទៃ។

ទោះបីយើងពិបាកធ្វើសេចក្តីនេះ!  ប៉ុន្តែសម្រាប់យើងជាបុត្រធីតាព្រះជាម្ចាស់អត់​មាន​អ្វី​ដែល​យើង​ធើ្វមិន​កើត​នោះទេ ក្នុងរដូវ៤០ថ្ងៃនេះចូរយើងអធិដ្ឋាន និងទូលអង្វ​រ​ព្រះជាម្ចាស់ ដើម្បីឱ្យធម៌មេត្តារបស់ព្រះអង្គ ឱ្យពាក្យអធិដ្ឋានដែលព្រះយេស៊ូមាន​សម្រាប់​យើង​នៅលើ​ឈើ​ឆ្កាង សូមឲ្យពាក្យអង្វ​រដែល​ព្រះយេស៊ូ​មាន​ទាំង​នោះបានដល់ព្រះបិតា ឱព្រះបិតាអើយសុំលើកលែងទោសឱ្យគេផង​​ ព្រោះគេមិនដឹងថាគេ​កំពុង​តែធ្វើអ្វីទេ នេះ​ជាពាក្យអធិដ្ឋានដែលព្រះជាម្ចាស់ទូលអង្វរសម្រាប់យើង នៅពេលដែលគេបាន​ធ្វើគត់​ព្រះ​អង្គ​​នៅលើ​ឈើ​ឆ្កាង។

នៅរដូវ៤០ថ្ងៃនេះឱ្យយើងជាប់នឹងការអធិដ្ឋានដើម្បីឱ្យយើង​អាចធ្វើទានចែ​ករំលែក​ដល់បង​ប្អូន​ ឱ្យ​យើង​ចេះ​តបអ្វីដែលធ្វើឱ្យអ្នកដទៃឈឺចាប់ សូមព្រះជាម្ចាស់ និងព្រះវិញ្ញាណ​ដ៏វិសុទ្ធណែ​នាំយើង​បំភ្លឺ​យើង ដើម្បី​រំដោះចិត្តរបស់យើង ដើម្បីឱ្យយើងមានចិត្តស្រឡាញ់ ចិត្តមេត្តា ចិត្តលើកលែង​ទោសដល់បង​ប្អូនឯ​ទៀតៗនោះព្រះជាម្ចាស់នឹងគង់ជាមួយយើង។ អាម៉ែន៕