ថ្ងៃទី១២ ខែមេសា ឆ្នាំ២០២៥អត្ថបទគម្ពីរ (យ៉ូហាន ១១,៤៥-៥៧)អត្ថាធិប្បាយគម្ពីរដោយ៖ លោកបូជាចារ្យ អ៊ុន សុន

នៅថ្ងៃ១២ ខែមេសានេះយើងដឹងហើយថាថ្ងៃទី១៤,១៥,១៦មេសាជាពេលចូលឆ្នាំ ជាពេល​តែ​មួយ​ថ្ងៃបុណ្យចម្លង។  ថ្ងៃទី១៣ជាពេល​ដែលព្រះសហគមន៍របស់យើង​ធ្វើ​ពិធី​បុណ្យ​ហែរស្លឹ​ក​ជាថ្ងៃដែលព្រះយេស៊ូរងទុក្ខលំបាក។ តាមព្រះបន្ទូលនៅថ្ងៃនេះយើងឃើញថា ព្រះយេស៊ូ​ត្រូវ​បាន​គេធ្វើទុក្ខបុកម្នេញ ពួកផារ៉ាស៊ីបដិសេធមិនទទួលស្គាល់​ព្រះអង្គរករឿងធ្វើ​គត់ព្រះអង្គ​រហូត​​ដល់បូជាជីវិតនៅលើឈើឆ្កាង។ នេះជាព្រឹត្តិការណ៍ដែលពួកផារ៉ាស៊ី ពួកបូជាចារ្យបដិ​សេធ​មិនទទួលព្រះយេស៊ូ។

ទោះបីគេធ្វើបាបព្រះយេស៊ូរហូតដល់ឆ្កាងព្រះអង្គនៅលើឈើឆ្កាង និង​សោយ​ទិវ​ង្គត់​ក៏ដោយ ក៏​ព្រះយេស៊ូនៅតែមានសេចក្តីស្រឡាញ់ មានធម៌មេត្តាករុណា មានការអធិដ្ឋាន​ទូលអង្វ​រ​ព្រះ​ជា​ម្ចាស់ដល់យើងទាំងអស់គ្នា។ នេះជាហេតុដែលនាំឱ្យយើងឃើញថា ទោះបីព្រះយេស៊ូ​ត្រូវ​ធ្វើ​ទុក្ខបុកម្នេញព្រះអង្គ​បានមករួមវាសនជាមួយមនុស្សលោក ​ធ្វើឱ្យមនុស្សយើងទាំងអស់គ្នា​ដែលមានជំនឿលើព្រះអង្គបានទទួលធម៌មេត្តាករុណា សេចក្តីស្រឡាញ់ ព្រោះជំនឿ​ទទួល​ការ​សង្គ្រោះ ជំនឿទទួលការប្រណីសន្តោស និងជំនឿទទួលការលើកលែងទោស។

​ទោះបីយើងជាអ្នកបាបព្រះអង្គសុខចិត្តមករួមដំណើររួមវាសនជាមួយមនុស្ស នៅជាមួយ​មនុស្ស​ទាំងដឹងថាមនុស្សបានធ្វើបាប ធ្វើគត់ព្រះអង្គ ក្បត់ព្រះអង្គ និងបានប្រហារព្រះអង្គ ប៉ុន្តែ​ព្រះជាម្ចាស់នៅតែមានសេចក្តីស្រឡាញ់អត់ប្រែប្រួល ផ្ទុយទៅវិញព្រះអង្គ​ធ្វើឱ្យ​មនុស្ស​ទទួល​ជីវិតអស់កល្បជានិច្ច។

ខ្ញុំសូមអរព្រះគុណព្រះជាម្ចាស់សម្រាប់ជីវិតខ្ញុំ និងសម្រាប់ជីវិតរបស់បងប្អូនទាំងអស់ ទោះ​បី​អ្នក​ជឿ ឬអ្នកមិនជឿ​ព្រះយេស៊ូតែមួយព្រះអង្គគត់​យាងមកក្នុង​លោកនេះ​ដើម្បីម​នុស្ស​លោក​មាន​ជីវិតនៅក្នុងព្រះអង្គក្នុងនាមព្រះបិតារបស់ព្រះអង្គអស់កល្បជានិច្ចយូរអង្វែងតរៀងទៅ។ អាម៉ែន៕