ថ្ងៃទី១១ ខែមករា ឆ្នាំ២០២៥ អត្ថាធិប្បាយគម្ពីរ យ៉ូហាន ៣,២២-៣០បកស្រាយដោយ៖ លោកបូជាចារ្យ អ៊ុន សុន

លោកយ៉ូហានបាទីស្តគឺជានរណា? លោកយ៉ូហានបាទីស្តជាអ្នកដែលមករៀបចំផ្លូវថ្វាយព្រះយេស៊ូ ហើយ​លោកក៏បានបង្ហាញឱ្យយើងឃើញថា លោកក៏បានប្រកាសប្រាប់ប្រជាជនឯទៀតៗដោយ​ធ្វើពិធីជ្រមុជទឹ​ក​ដល់​អ្នកឯទៀតដែលមករកលោក ដើម្បីបង្ហាញព្រះយេស៊ូឱ្យគេស្គាល់។ លោកយ៉ូហានមានឈ្មោះល្បី ប៉ុន្តែ​លោកដាក់ខ្លួន មានចិត្តសុភាពរាបសារមិនចង់បានមុខមាត់ទេ ប៉ុន្តែលោកចង់ឱ្យគេដឹងថា ព្រះយេស៊ូជា​នរណា​សម្រាប់គេ។

បាទ! នេះជាគំរូមួយដ៏ល្អសម្រប់យើងទាំង​អស់គ្នា​ដូច​ព្យាការីយ៉ូហាន​បាទីស្តជាព្យាការីចុងក្រោយ ដែលធ្វើ​ឱ្យប្រជាជននៅសម័យលោកបានដឹងបានយល់អំពីព្រះយេស៊ូ។ ដូ​ច្នេះ​ថ្ងៃនេះពេលយើង​ឃើញគំរូដល់​ល្អ​របស់​លោកយ៉ូហានបា​ទីស្តធ្វើឱ្យយើងទាំង​អស់​គ្នាជា​សាវ័ក​របស់​ព្រះយេស៊ូ ​មាន​ភារកិច្ច​ដូច​លោកយ៉ូហាន​ដើម្បីបង្ហាញដល់​បងប្អូនឯទៀតៗ ដែល​រស់នៅ​ក្នុង​ពេលវេលារបស់យើង គឺ​ព្រះយេស៊ូ ​គឺជាព្រះសង្គ្រោះ! ​ព្រះយេស៊ូ​គឺជាព្រះគ្រីស្តជាស្តេចមួយអង្គដែលបានមករស់នៅកណ្តាលយើង ហើយព្រះអង្គ​បានណែនាំ​យើង​ ធ្វើឱ្យយើងក្លាយជាបុត្រធីតារបស់ព្រះបិតា កុំ​ឱ្យ​យើង​ទៅជាជនកម្សត់ទុរគត៌​ក្រោយយើង​ម្នាក់​ទទួល​ស្គាល់ថា ​ម្តាយ​ឪពុកបង្កើតរបស់យើង ទាំងអស់គ្នាសុទ្អតែជា​មនុស្សដែលត្រូវតែបន្តបន្ទាប់ចែកឋានទៅ។

ដោយសារព្រះបិតាស្រឡាញ់យើងទ្រង់​ប្រទាន​ព្រះយេស៊ូមកនៅក្នុងលោកនេះ ​ប្រមូលមនុស្សទាំងអស់​ទៅជា​គ្រួសារតែមួយ ទៅជាបងប្អូនតែមួយនៃអង្គព្រះយេស៊ូ។ ដូច្នេះខ្ញុំមានសេចក្តីសោមន្សរីករាយដើម្បី​អញ្ចើញ​បងប្អូនទាំង​អស់គ្នាតាមរយៈលោកយ៉ូហាន​បាទីស្ត ជាព្យាការីមួយរូប​ដែលមានចិត្តសុភាពរាបសា​រ​ដែ​លមានចិត្តស្លូតបូតធ្វើសក្ខីភាពអំពីព្រះយេស៊ូនៅក្នុងលោកនេះ និងឱ្យយើងធ្វើដូចលោកដើម្បី​ចែកនូ​វ​អំណរសប្បាយ​គឺមានព្រះគ្រីស្តចូល​នៅ​ក្នុង​ជីវិតរ​បស់​យើង និងណែនាំឱ្យយើងឃើញសេចក្តីស្រឡាញ់ ឃើញធម្មមេតាករុណារបស់ព្រះជាម្ចាស់។ អាម៉ែន