ថ្ងៃទី០៣ខែកុម្ភៈឆ្នាំ២០២៥អត្ថបទគម្ពីរ៖ ម៉ាកុស (៥, ១-២០) អត្ថាធិប្បាយគម្ពីរដោយ៖ លោកបូជាចារ្យ វីសំណាង

អត្ថបទព្រះគម្ពីរម៉ាកុសជំពូក៥,១-២០ ដែលយើងបានស្តាប់ថ្ងៃនេះ ព្រះយេស៊ូឆ្លងទៅត្រើយម្ខាង​នៃតំបន់​គេ​រ៉សា​តំបន់នេះជារបស់សាសន៍ដទៃដែលជនជាតិយូដារើសអើងមិនរាប់រក។ ពេលព្រះអង្គឆ្លងទៅភ្លាម​ព្រះអង្គ​​បានឃើញបុរសម្នាក់ត្រូវបានខ្មោចចូលនៅទីបញ្ចុះសព។​ ទីបញ្ចុះសពនេះជានិមិត្តរូបនៃសេចក្តី​អាក្រក់​ទាំងឡាយជាកន្លែងដែលប្រមូលផ្តុំទៅដោយព្រាយបិសាច។

ដូច្នេះបុរសនេះត្រូវខ្មោចចូល ហើយគេបានយកច្រវ៉ាក់ចងគាត់ ច្រវ៉ាក់នេះបង្ហាញថាបុរសនេះ​អត់​មាន​សេរី​ភាព គាត់ស្ថិតនៅក្នុងភាពងងឹត និងអំពើបាប។ ដូច្នេះថ្ងៃនេះណែនាំឱ្យយើងសួរទៅចំពោះ​ខ្លួនយើ​ងម្នាក់​ៗ​ ថា តើយើងពិតជាមានសេរីភាពឬយ៉ាងណា? ពេលខ្លះយើងច្រឡំយើងគិតថាសេរីភាព​គឺជាអ្វីមួយ​ដែល​យើង​អាចធ្វើបានតាមចិត្ត  ទៅណាបានតាមចិត្ត ធ្វើអ្វីបានតាមចិត្ត។

ប៉ុន្តែយើងត្រូវតែប្រយ័ត្ន! ពេលខ្លះសេរីភាពដែលយើងកំពុងមានសព្វថ្ងៃអាចជាសេរីភាពដែលបំភាន់ភ្នែក​របស់យើង។ សេរីភាពរបស់គ្រីស្តបរិស័ទគឺការធ្វើអំពើល្អ!  និងមកព្រះវិហាររាល់ថ្ងៃអាទិត្យ។ ចូរ​យើងរិះ​គិត​​ឡើង​វិញថា តើយើងមានសេរីភាពពិតប្រាកដ ឬយ៉ាងណាក្នុងការមករកព្រះជាម្ចាស់?

យើងត្រូវតែផ្តល់អាទិភាពទៅដល់ព្រះជាម្ចាស់ ដើម្បី​ឱ្យយើងបានទទួលព្រះពរ បានទទួលពន្លឺពីព្រះអង្គ​ដើម្បី​ឱ្យ​យើង​អាចមានការសម្រេចចិត្តយ៉ាងត្រឹមត្រូវ ហើយប្រើប្រាស់សេរីភាពនោះ​ឱ្យបានត្រឹមត្រូវតាម​ព្រះហឫទ័យរបស់ព្រះជាម្ចាស់។ អាម៉ែន៕