លោកអគ្គអភិបាល ជីអូវ៉ានី ព្យែត្រូ ដាល់ តូសូ (Giovanni Pietro Dal Toso) ឯកអគ្គរាជទូតសន្តអាសនៈប្រចាំប្រទេសហ្សកដានី មានប្រសាសន៍ថា គ្រីស្តបរិស័ទនៅមជ្ឈិមបូព៌ា ត្រូវតែដឹងថា អ្នកទាំងអស់គ្នាមិននៅឯកោទេ។
វ៉ាទីកង់ញូវបានរាយការណ៍ថា លោកអគ្គរាជទូតបានមានប្រសាសន៍បែបនេះនៅក្នុងបទសម្ភាសន៍ជាមួយសារព័ត៌មាន វ៉ាទីកង់ កាលពីថ្ងៃទី ០៨ ខែមករា ឆ្នាំ២០២៥កន្លងទៅនេះ។
លោកអគ្គអភិបាលបានមានប្រសាសន៍ថា ហ្សកដានី គឺជាប្រទេសដ៏សំបូរបែបមួយ ហើយគ្រីស្តបរិស័ទនៅហ្សកដានី នឹងបន្តពង្រឹងសហគមន៍គ្រីស្តបរិស័ទនៅមជ្ឈិមបូព៌ា។
លោកឯកអគ្គរាជទូតបានមានប្រសាសន៍ថា មជ្ឈិមបូព៌ានឹងមិនមែនជាមជ្ឈិមបូព៌ាដែលគ្មានគ្រីស្តបរិស័ទឡើយ។ យើងគួរចងចាំពីការរួមចំណែកដ៏ធំរបស់គ្រីស្តបរិស័ទចំពោះសង្គមនៅទីនេះក្នុងប្រទេសហ្ស៊កដានី ដែលជាការរួមចំណែកបន្តបេសកកម្មនៅក្នុងការប្រកាសដំណឹងល្អនៅមជ្ឈិមបូព៌ា។
ពាក់ព័ន្ធនឹងសំណួរអំពីសង្រ្គាមនៅមជ្ឈិមបូព៌ា លោកឯកអគ្គរាជទូតបានបន្តថា ជាការពិតណាស់ យើងមានផលវិបាកមួយចំនួនដោយសារសង្គ្រាម។
លោកឯកអគ្គរាជទូតបន្តថា ពលរដ្ឋនៅហ្សកដានីជាច្រើនមានសាច់ញាតិនៅត្រើយម្ខាងនៃទន្លេយ័រដាន់ ដែលជាជ្រោយនៃសង្រ្គាមនោះ គឺជាសោកនាដកម្មនៃសង្រ្គាម ដោយសាររាល់សង្រ្គាមសុទ្ធតែជាសោកនាដកម្ម ប៉ុន្តែយើងនៅតែបន្តយកចិត្តទុកដាក់នឹងស្ថានការណ៍នៅទីនោះ ជាពិសេសគឺក្តីសង្ឃឹមអំពីសន្តិភាព៕
Daily Program
