អ៊ីស្រាអែលបន្តប្រតិបត្តិការនៅក្រុង ជេណាំង ហើយរបាយការណ៍បញ្ជាក់ថាស្លាប់មនុស្ស ១០ នាក់
កងទ័ពអ៊ីស្រាអែលកំពុងបន្តប្រតិបត្តិការយោធារបស់ខ្លួននៅក្នុងទីក្រុង ជេណាំង (Jenin )ភាគខាងលិចតំបន់វេសបេងដែលខ្លួនកាន់កាប់។
វ៉ាទីកង់ញូវបានរាយការណ៍ថា កងទ័ពអ៊ីស្រាអែលកំពុងបន្តប្រតិបត្តិការយោធារបស់ខ្លួននៅក្នុងទីក្រុងនេះ យ៉ាងក្តៅគគុក ។
ប្រភពប៉ាឡេស្ទីនរាយការណ៍ថា ទាហានអ៊ីស្រាអែលបានសម្លាប់មនុស្ស១០នាក់ និងរាប់សិបនាក់រងរបួសនៅក្នុងប្រតិបត្តិការដែលកំពុងបន្តនេះ ហើយ កងកម្លាំងអ៊ីស្រាអែលបានរុះរើហេដ្ឋារចនាសម្ព័ន្ធ និងឈូសឆាយផ្លូវថ្នល់នៅទីក្រុងនេះ ។
ដោយឡែកនៅហ្គាហ្សាឯណោះវិញ ជំនួយកំពុងតែសម្រុកបញ្ជូនទៅទីនោះក្រោយពេលដែលកិច្ចព្រម ព្រៀងឈប់បាញបានចូលជាធរមាន ។
មានសេចក្តីរាយការណ៍ថា ឡានដឹកទំនិញជាង ១.000 គ្រឿងបានដឹកជញ្ជូនជំនួយមនុស្សធម៌រហូតមកដល់ពេលនេះអាចទៅដល់តំបន់ហ្គាហ្សាស្ទ្រីបតាមច្រក រ៉ាហ្វាស (Rafah )ចាប់តាំងពីព្រំដែនត្រូវបានបើកឡើងវិញកាលពីថ្ងៃអាទិត្យ។
កងនាវានៃជំនួយចំនួន១៧៤ គ្រឿង រួមទាំងប្រេងឥន្ធនៈចំនួន ១៤គ្រឿងត្រូវបានបញ្ជូនកាលពីថ្ងៃពុធតាមរយៈច្រករ៉ាហ្វាស ដែលជាច្រកចូលដ៏សំខាន់សម្រាប់ជំនួយអន្តរជាតិ។
នៅពេលនេះកងទ័ពអ៊ីស្រាអែលបានត្រួតពិនិត្យផ្នែកឆ្លងកាត់ប៉ាឡេស្ទីនតាំងពីខែឧសភាឆ្នាំមុន ហើយបានបើកវាឡើងវិញក្រោមលក្ខខណ្ឌនៃបទឈប់បាញ់។
Daily Program
