វ៉ាទីកង់ញូវបានរាយការណ៍ថា នៅពេលជួបជាមួយនឹងសមាជិកនៃអង្គការ Aid to Church in Need ដែលជាមូលនិធិមនុស្សធម៌របស់ព្រះសហគមន៍មួយ សម្តេចប៉ាបឡេអូបានបញ្ជាក់ពីសារៈសំខាន់នៃសេរីភាពសាសនា ។
នៅក្នុងសុន្ទរកថារបស់ទ្រង់ សម្តេចប៉ាបឡេអូបានមានបន្ទូលកាលពីសប្តាហ៍មុនថា ដំណើរទស្សនកិច្ចរបស់ពួកគេមកកាន់ទីក្រុងរ៉ូមកើតឡើងនៅពេលនៃការកើនឡើងនៃអរិភាព និងអំពើហិង្សា ប្រឆាំងនឹងអ្នកដែលមិនគួរជួបនូវការផ្តន្ទាទោសហើយពួកគេទាំងនោះគឺ រួមទាំងគ្រីស្តបរិស័ទផងដែរ ។
សម្តេចប៉ាបឡេអូបានបន្ថែមថា បេសកកម្មរបស់មូលនិធិនេះ គឺផ្ទុយពីអំពើហិង្សានោះ ដោយប្រកាសថា សាសនា មិនអាចបោះបង់ចោលបងប្អូនប្រុសស្រីដែលត្រូវបានគេបៀតបៀនឡើយ។
សម្តេចប៉ាបឡេអូបានមានបន្ទូលថា សិទ្ធិសេរីភាពខាងសាសនារបស់មនុស្សគ្រប់រូបគឺ “មិនជ្រើសរើសទេ ប៉ុន្តែវាចាំបាច់” ដោយទ្រង់បានកត់សម្គាល់ថា មនុស្សគ្រប់រូបមានសេចក្តីពិតនៅក្នុងចិត្តរបស់ពួកគេ ។
សម្តេចប៉ាបឡេអូបានមានបន្ទូលបន្តថា មនុស្សគ្រប់រូបតែងចង់បានជាទីបំផុតនូវ សេចក្តីពិត អត្ថន័យ និងជីវិតនៃការរួមរស់ជាមួយអ្នកដទៃ និងជាមួយព្រះជាម្ចាស់។
សម្តេចប៉ាបឡេអូបានមានបន្ទូលសង្កត់ធ្ងន់ថា សេរីភាពខាងសាសនាគឺជាគ្រឹះនៃសង្គម ព្រោះវាការពារ សីលធម៌ ដែលយើងអាចបង្កើត និងអនុវត្តមនសិការរបស់យើង ហើយសេរីភាពខាងសាសនាមិនមែនគ្រាន់តែជាសិទ្ធិស្របច្បាប់ឬឯកសិទ្ធិដែលរដ្ឋាភិបាលផ្តល់ឲ្យយើងទេ។ វាគឺជាលក្ខខណ្ឌមូលដ្ឋានដែលធ្វើឱ្យការផ្សះផ្សាពិតប្រាកដអាចធ្វើទៅបាន៕
Daily Program
