សម្តេចប៉ាបផ្ញើសារទូរលេខទៅកាន់សិស្ស និងនិស្សិតនៅទីក្រុងរ៉ូម

វ៉ាទីកង់ញូវបានរាយការណ៍ថា​តាមរយៈសារទូរលេខដែលបានផ្ញើរចេញដោយសម្តេចប់ាបទៅកាន់សិស្សានុសិស្សនៅទីក្រុងរ៉ូម សម្តេចប៉ាបបានមានបន្ទូលថា ពួកគេគឺសុទ្ធតែមានតួនាទីសំខាន់ទាំងអស់ដូចៗគ្នា។

សម្តេចប៉ាបបានមានបន្ទូលថា សិស្សានុសិស្សគ្រប់រូបគឺសុទ្ធតែអាចមានឱកាសជួយផ្លាស់ប្តូពិភពលោកបានទាំងអស់គ្នា  ហើយពូកគេក៏សុទ្ធតែអាចនិងមានសមត្ថភាពនៅក្នុងការនាំមកនូវអ្វីដែលថ្មីមកកាន់ពិភពលោកបានដូចគ្នា។

ប្រភពដដែលបានឲ្យដឹងថា​ ពិភពលោកកំពុងតែបើកទ្វារចំហរទទួលយុវជននិងយុវនារីវ័យក្មេងៗដែលចង់ជួយពិភពលោក។

ដើម្បីរួមចំណែកដល់ការកសាងពិភពលោកមួយដ៏ស្អាតស្អំ សម្តេចប៉ាបបានសង្កត់ធ្ងន់ថា មនុស្សម្នាក់មិនត្រូវយល់ព្រមជាមួយអ្វីៗទាំងអស់ ជាពិសេសគឺអំពើអាក្រក់។

សម្តេចប៉ាបបានទទូចថា ៖ «សូមកុំធ្វើតាមគំរូណាដែលអ្នកមិនជឿ" ដើម្បីទទួលបានកិត្យានុភាពសង្គមឬប្រាក់បន្ថែម។ អំពើអាក្រក់ធ្វើឱ្យយើងវង្វេង វាពន្លត់សុបិនរបស់យើង វា​ធ្វើ​ឱ្យ​យើង​ឯកោ​»។

សម្តេចប៉ាបក៏បាននាំយកសាររបស់ទ្រង់ប្រែក្លាយទៅជាសេចក្តីសន្និដ្ឋានជាមួយនឹងការអញ្ជើញសិស្សានុសិស្សឱ្យធ្វើការរួមគ្នា និងបង្កើតបណ្តាញដើម្បីកសាងពិភពផែនដី រួមរបស់មនុស្សជាតិ និងបង្កើតបណ្តាញភាតរភាពរបស់មនុស្សឡើងវិញ។

សម្តេចប៉ាប បានមានប្រសាសន៍ថា បេះដូងមនុស្សដឹងពីរបៀបដែលមនុស្សសង្ឃឹម ប៉ុន្តែវាមិនធ្វើឱ្យយើងមានសេរីភាពទេប្រសិនបើយើងនៅស្ទាក់ស្ទើរ៕