សម្តេចប៉ាបប្រាប់ក្រុមបងស្រីថា ព្រះសហគមន៍ត្រូវការក្រុមបងស្រីដើម្បីជួយផ្តល់សេវាដល់អ្នកក្រីក្រ
មានបន្ទូលទៅកាន់ក្រុមប្រឹក្សាគណនាយកនៃមូលនិធិ Conrad Hilton ដែលមានមូលដ្ឋាននៅសហរដ្ឋ អាមេរិក សម្តេចប៉ាបហ្រ្វង់ស៊ីស្កូបានមានបន្ទូលថា ព្រះសហគមន៍ពិតជាត្រូវការជាចាំបាច់នូវក្រុមបងស្រី ដើម្បីជួយបម្រើកិច្ចការមនុស្សធម៌សម្រាប់អ្នកក្រីក្រ។
វ៉ាទីកង់ញូវបានរាយការណ៍ថា សម្តេចប៉ាបបានមានបន្ទូលបែបនេះនៅពេលដែលទ្រង់យាងទទួលសមាជិកនៃមូលនិធិនេះកាលពីថ្ងៃពុធ ។
នាឱកាសនោះ សម្តេចប៉ាបបានវាយតម្លៃខ្ពស់ដល់ក្រុមបងស្រីនៅក្នុងមូលនិធិដែលបានខិតខំធ្វើការមនុស្សធម៌ជាមួយនឹងអ្នកក្រីក្រដោយមិនចេះនឿយហត់ ដើម្បីជួយពូកគេ ។
មូលនិធិនេះ ត្រូវបានគេដឹងថា បានបង្កើតឡើងតាំងតែពីឆ្នាំ១៩៤៤ ដោយលោក ខុនរ៉ាដ ហៀលតុន ដែលជាអ្នកវិនិយោគផ្នែកសណ្ឋាគារមួយរួប ។ មូលនិធិនេះបានធ្វើសកម្មភាពដល់ការជួយសង្រ្គោះជីវិតនិងកែលំអរគុណភាពជីវភាពអ្នកដែលងាយរងគ្រោះនៅលើពិភពលោកតាមរយៈភាពជាដៃគូ និង តស៊ូមតិ ។
មូលនិធិនេះបានកំណត់គោលដៅជាពិសេសចំពោះ អ្នកដែលគ្មានផ្ទះសម្បែង អ្នកញៀនថ្នាំ កម្មវិធីអប់រំ និង អភិវឌ្ឈន៍កុមារ ក៏ដូចជាបញ្ហាឥន្តោប្រវេសន៍ និង សុខភាពសាកល ។
Daily Program
