លោកអភិបាលសម្រាប់ព្រះសហគមន៍កាតូលិកវៀងច័ន្ទត្រូវបានតែងតាំង

កាលពីថ្ងៃទី ២៥ ខែមីនា លោកបូជាចារ្យ អេនថូនី អាដូន ហុងសាផុង (Anthony Adoun Hongsaphong) ត្រូវបានតែងតាំងជាអភិបាល នៃព្រះសហគមន៍កាតូលិកភូមិភាគ វៀងចន្ទ ប្រទេសឡាវ។

លោកអភិបាលថ្មីកើតនៅថ្ងៃទី ៤ ខែមេសា ឆ្នាំ ១៩៦៤ នៅ ប៉ាក់សេ ក្នុងព្រះសហគមន៍កាតូលិក ប៉ាក់សេ ។

លោកអភិបាល បានសិក្សាទស្សនវិជ្ជា និងទ្រឹស្ដីនៅសាលាសន្ត  St. Charles Boromée Major Seminary ដោយទទួលបានសញ្ញាបត្រពីសាកលវិទ្យាល័យ Université de Fribourg ក្នុងប្រទេសស្វីស។

លោកអភិបាលត្រូវ​បាន​តែងតាំង​ជា​បូជាចារ្យ​នៅ​ថ្ងៃ​ទី​៣ ខែ​កញ្ញា ឆ្នាំ​១៩៩៤ ជា​បព្វជិត​នៃ​ភូមិភាគ​ប៉ាកសេ។

លោកអភិបាលត្រូវបានគេដឹងថា គឺធ្លាប់បានរៀនច្បាប់ព្រះសហគមន៍ នៅសាកលវិទ្យាល័យ Pontifical នៃ St. Thomas Aquinas—Angelicum ក្នុងទីក្រុងរ៉ូម  ហើយក៏ធ្លាប់បម្រើការនៅព្រះសហគមន៍នៅថៃខ្លះដែរ ។​

នៅមុនការតែងតាំងលោកអភិបាលធ្លាប់បានបម្រើកិច្ចការព្រះសហគមន៍កាតូលិកជាច្រើនឆ្នាំហើយមកហើយ៕