Khmer Service

បន្ទាប់ពីអធិស្ឋានកាលពីថ្ងៃអាទិត្យ សម្តេចប៉ាប ឡេអូទី១៤ បានអំពាវនាវឱ្យមានសន្តិភាព និងការសន្ទនា ដោយថ្លែងជាពិសេសអំពីប្រទេសពីរនៅមជ្ឈិមបូព៌ា គឺអឺរ៉ង់និងស៊ីរី ជាកន្លែងដែលទ្រង់បានមានបន្ទូលថា ភាពតានតឹង កំពុងបណ្តាលឱ្យមនុស្សជាច្រើនស្លាប់។

សម្តេចប៉ាបឡេអូទី១៤ បានប្រាប់ទៅគ្រីស្តបរិស័ទតាមរយៈសុន្ទកថានៅក្នុងកិច្ចប្រជុំក្រុមប្រឹក្សាភិបាលកាឌីណាល់ដែលមានអ្នកចូលរួម១៧០រូបថា សូមកុំបំភ្លេចជនរងគ្រោះដោយការបៀតបៀននិងការរំលោភបំពាននានា ។

ក្រសួងអប់រំ យុវជន និងកីឡា រៀបចំការប្រកួតប្រជែងតែងអត្ថបទឧស្សាហ៍កថា និងប្រលោមលោកខ្នាតខ្លី អបអរសាទរទិវាជាតិអំណានលើកទី១១ ដែលនឹងប្រព្រឹត្តទៅនៅថ្ងៃទី១១ ខែមីនា ឆ្នាំ២០២៦។ ការតែងអត្ថបទឧស្សាហ៍កថាក្រោមប្រធានបទ «ការបណ្តុះមនសិការជាតិ» តាមរយៈវណ្ណកម្ម របស់ អ្នកនិពន្ធ ជុត ខៃ ដោយជ្រើសរើសយកជ័យលាភីចំនួន៣រូប ខណៈការតែងនិពន្ធប្រលោមលោកខ្នាតខ្លី ក្រោមប្រធានបទ «ខ្ញុំស្រឡាញ់ភូមិខ្ញុំ» ដោយជ្រើសរើស យកជ័យលាភីចំនួន៣រូប។

មជ្ឈមណ្ឌលអង្គរសម្រាប់ការអភិរក្សជីវៈចម្រុះ(ACCB) បានបង្ហាញពីសំណកពស់ដែលជាធម្មជាតិរបស់សត្វប្រភេទនេះនៅពេលផ្លាស់ប្តូរការចម្រើនវ័យរបស់ពួកវា។ មជ្ឈមណ្ឌលអង្គរសម្រាប់ការអភិរក្សជីវៈចម្រុះ នៅថ្ងៃទី១៤ ខែ មករា ឆ្នាំ២០២៦ បានបង្ហាញពីរូបសំណកសត្វពស់តុកកែមួយប្រភេទឈ្មោះ Chrysopeleaornata។

អង្គការមូលនិធិប្រាសាទពិភពលោក ឬ Wold Monuments Fund ហៅកាត់ថា WMF កំពុងបន្តកិច្ចសហការជាមួយអាជ្ញាធរជាតិអប្សរា ដើម្បីជួសជុលជ្រុងខាងលិចប្រាសាទភ្នំបាខែង ដោយរំពឹងថានឹងបញ្ចប់គម្រោងទាំងស្រុងនៅក្នុងឆ្នាំ២០២៩។

ដើម្បីដោះស្រាយ បញ្ហាប្រឈម ជូនបងប្អូនកម្មករ- និយោជិតទាំងអស់ ឱ្យបានលឿនរហ័ស និងមានប្រសិទ្ធភាព នោះ អ្នកនាំពាក្យក្រសួង ការងារ និងបណ្ដុះបណ្ដាលវិជ្ជាជីវៈ បានអំពាវនាវដល់បងប្អូនទាក់ទងមកលេខ ១២៨៦ ដែលជាលេខ Hotline របស់ក្រសួង ។

លោកស្រី ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិកម្ពុជា បានឱ្យដឹងថា នៅដើមសប្ដាហ៍ នៃខែមករា ក្រុមអ្នកសង្កេតការណ៍អាស៊ាន (AOT) ចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពនៅទីតាំងចំនួន៤ ចំនួន ៦លើក ក្នុងខេត្តឧត្តរមានជ័យ និងខេត្តបន្ទាយមានជ័យ។

មេដឹកនាំកំពូលរបស់អ៊ីរ៉ង់ លោកអាយ៉ាតូឡា អាលី ខាមឺនៃ កាលពីថ្ងៃចន្ទ ទី១២ ខែមករា ឆ្នាំ២០២៦ បានហៅថា វាជាការព្រមានចំពោះសហរដ្ឋអាម៉េរិក ដោយមានការប្រមូលផ្តុំដ៏​ខ្លាំង​ក្លា​​របស់អ្នកគាំទ្ររដ្ឋអំណាច ដែលបានចុះតាមដងផ្លូវយ៉ាងសន្ធឹកសន្ធាប់ និងជាការឆ្លើយតប​នឹង​​​រលក​តវ៉ាដ៏ធំធេង ដែលបាន​អង្រួនប្រទេសអ៊ីរ៉ង់ ជាង ២ សប្តាហ៍មកហើយ។ រីឯសេតវិមាន​អាម៉េរិក បានបញ្ជាក់ថា លោកដូណាល់ ត្រាំ ប្រធានាធិបតី​អាម៉េរិក បានសន្យានឹងធ្វើការវាយ​ប្រហារ​​តាមផ្លូវអាកាសលើអ៊ីរ៉ង់ និងបន្ថែមថា ផ្លូវការទូតនៅតែបើក​ចំហជានិច្ច។

គិតត្រឹមខែធ្នូ ឆ្នាំ២០២៥ យុវជនមកពីគ្រួសារក្រីក្រ និងគ្រួសារងាយរងហានិភ័យ ព្រមទាំងពលរដ្ឋទូទៅបានស្នើសុំចុះឈ្មោះចូលរៀនក្នុងកម្មវិធីបណ្ដុះបណ្ដាលជំនាញវិជ្ជាជីវៈ និងបច្ចេកទេស (TVET 1.5M) កើនដល់ជិត ១៥ម៉ឺននាក់ ក្នុងនោះអ្នកមានបណ្ណសមធម៌មានជាង ៦ម៉ឺន២ពាន់នាក់។ នេះបើតាមលោក ស៊ុន មេសា អ្នកនាំពាក្យក្រសួងការងារ។

នៅពេលដែលព័ត៌មានពិតនិងមិនពិតវានៅលាយឡំគ្នាច្របូលច្របល់បែបនេះ អ្នកសារព័ត៌មាននៅលើពិភពលោកបានកំពុងតែធ្វើយុទ្ធនាការជាអន្តរជាតិមួយ ដោយជំរុញឱ្យក្រុមហ៊ុន AI ធំៗផ្តល់អាទិភាពដល់ការងារដែលអាចធានានូវភាពជឿជាក់នៃព័ត៌មាននៅក្នុងការធ្វើការសម្រេចចិត្តរបស់ពួកគេ។ នេះបើតាមវ៉ាទីកង់ញូវ ។​