សម្តេចប៉ាបឡេអូទី១៤ បង្ហាញការព្រួយបារម្ភអំពីសិទ្ធិមនុស្ស និងក្តីបារម្ភអំពីការរីករាលដាលសង្រ្គាម
ក្នុងពេលយាងជំនួបជាមួយសមាជិកនៃក្រុមការទូតសន្តអាសនៈនៅបុរីវ៉ាទីកង់កាលពីថ្ងៃទី ០៩ ខែមករា ឆ្នាំ២០២៦ សម្តេចប៉ាបឡេអូទី១៤បានព្រមានថា សិទ្ធិមនុស្ស និងសេរីភាពកំពុងស្ថិតក្នុងស្ថានភាពតានតឹង ។
តាមរយៈវ៉ាទីកង់ញូវ សម្តេចប៉ាបឡេអូបានមានបន្ទូលប្រាប់ទៅក្រុមការងារទទួលបន្ទុកកិច្ចការទូតថា សង្គ្រាមកំពុងតែធ្វើដំណើរវិលមករកភាពពេញនិយមវិញហើយនៅលើពិភពលោកហើយ ។
សម្តេចប៉ាបឡេអូបានអំពាវនាវយ៉ាងមុតមាំឲ្យមានការបន្ទាបខ្លួន យកចិត្តទុកដាក់លើការសន្ទនា និងការប្តេជ្ញាចិត្តឡើងវិញចំពោះយន្តការពហុភាគីនិយម។
សម្តេចប៉ាបឡេអូបានព្រមានថា មូលដ្ឋានគ្រឹះនៃការរួមរស់អន្តរជាតិកំពុងត្រូវបានបំផ្លាញជាបន្តបន្ទាប់ ខណៈដែលការទូតដែលផ្អែកលើការសន្ទនាបានផ្តល់ផ្លូវដល់តក្កវិជ្ជានៃអំណាចនិងការរារាំង។
សម្តេចប៉ាបឡេអូបានមានបន្ទូលថា គោលការណ៍ដែលបានបង្កើតឡើងបន្ទាប់ពីសង្គ្រាមលោកលើកទីពីរ ដែលហាមឃាត់ប្រទេសនានាមិនអោយប្រើប្រាស់កម្លាំង ដើម្បីរំលោភលើព្រំដែនរបស់អ្នកដទៃត្រូវបានបំផ្លាញទាំងស្រុង។
សម្តេចប៉ាបឡេអូ ក៏បានព្រមានផងដែរថា ផ្នត់គំនិតបែបនេះគំរាមកំហែងយ៉ាងធ្ងន់ធ្ងរដល់នីតិរដ្ឋខ្លួនឯង៕
Daily Program
