កម្ពុជា និងឥណ្ឌូនេសុីប្តេជ្ញាចិត្តឡើងវិញ ក្នុងការប្រយុទ្ធប្រឆាំងឧក្រិដ្ឋកម្មឆ្លងដែន ពិសេសការជួញដូរមនុស្ស

ការប្តជ្ញានេះបង្ហាញឡើងតាមរយៈសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ ស្តីពីលទ្ធផលកិច្ចប្រជុំលើកទី៥ នៃគណៈកម្មការចម្រុះ សម្រាប់កិច្ចសហប្រតិបត្តិការទ្វេភាគីកម្ពុជា-ឥណ្ឌូណេស៊ី កាលពីថ្ងៃទី២២ ខែសីហា ឆ្នាំ២០២៤។

លោក សុខ ចិន្តាសោភា ឧបនាយករដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការអន្តរជាតិ បានធ្វើជាសហប្រធានអង្គប្រជុំជាមួយ លោកស្រី Retno L.P. Marsudi រដ្ឋមន្ត្រីការបរទេសនៃសាធារណរដ្ឋឥណ្ឌូណេស៊ី ដែលបានដឹកនាំកិច្ចប្រជុំ លើកទី៥ នៃគណៈកម្មការចម្រុះសម្រាប់កិច្ចសហប្រតិបត្តិការទ្វេភាគី (JCBC) កម្ពុជា- ឥណ្ឌូណេស៊ី នៅថ្ងៃទី២១ ខែសីហា ឆ្នាំ២០២៤ នៅរាជធានីភ្នំពេញ។

សេចក្តីប្រកាសព័ត៌មានបានបន្តថា ភាគីទាំងពីរបានសម្តែងការពេញចិត្តយ៉ាងខ្លាំងចំពោះវឌ្ឍនភាពជារួមក្នុងវិស័យនានាចាប់ តាំងពីកិច្ចប្រជុំ JCBC កម្ពុជា-ឥណ្ឌូណេស៊ី លើកចុងក្រោយ នៅទីក្រុងហ្សាការតា ប្រទេស ឥណ្ឌូណេស៊ី។

ពាក់ព័ន្ធកិច្ចសហប្រតិបត្តិការនយោបាយ ភាគីទាំងពីរបានអបអរសាទរចំពោះសកម្មភាព
រួមគ្នានានាជាច្រើន ដែលរៀបចំឡើងដើម្បីរលឹកខួបលើកទី៦៥ នៃការបង្កើតទំនាក់ទំនង ការទូតរវាងកម្ពុជា និងឥណ្ឌូណេស៊ី នាឆ្នាំនេះ។

រដ្ឋមន្ត្រីទាំងពីរ បានសង្កត់ធ្ងន់លើសារសំខាន់នៃការរក្សា និងលើកកម្ពស់ការប្រាស្រ័យ ទាក់ទងគ្នាជាញឹកញាប់រវាងស្ថាប័ននីតិប្រតិបត្តិ និងនីតិប្បញ្ញត្តិនៃប្រទេសទាំងពីរ នៅគ្រប់
លំដាប់ថ្នាក់ និងបានគូសបញ្ជាក់ពីសារសំខាន់ជាយុទ្ធសាស្ត្រនៃការប្រាស្រ័យទាក់ទងក្នុង ចំណោមថ្នាក់ដឹកនាំកំពូល រួមទាំងជំនួបនាពេលថ្មីៗចំនួន២លើក រវាងសម្តេចមហាបវរធិបតី នាយករដ្ឋមន្ត្រី ហ៊ុន ម៉ាណែត និងលោកប្រធានាធិបតី ចូកូ វីដូដូ នៅទីក្រុងហ្គោការ តា នៅឆ្នាំ២០២៣ និងនៅទីក្រុងម៉ែលប៊ន នៅឆ្នាំនេះ។

ពាក់ព័ន្ធកិច្ចសហប្រតិបត្តិការសន្តិសុខ និងការពារជាតិ រដ្ឋមន្ត្រីទាំងពីរបានវាយតម្លៃខ្ពស់ និង ឯកភាពបន្តធ្វើការប្រាស្រ័យទាក់ទងប្រកបដោយផ្លែផ្កា រួមមានកិច្ចពិភាក្សារវាងកងទ័ព ជើងគោក អាហារូបករណ៍ និងការបណ្តុះបណ្តាល និងសកម្មភាពការផ្លាស់ប្ដូរផ្សេងទៀត ដូចជាការចូលសំចតនាពេលថ្មីៗនេះរបស់នាវាហ្វឹកហ្វឺនកងទ័ពជើងទឹកឥណ្ឌូណេស៊ី KRI Bima Suci ដែលមាននាវិកចំនួន ២១២នាក់ នៅកំពង់ផែស្វយ័តក្រុងព្រះសីហនុពីថ្ងៃទី១៦ ដល់ថ្ងៃទី១៩ ខែសីហា ឆ្នាំ២០២៤ រដ្ឋមន្ត្រីទាំងពីរ បានបញ្ជាក់ការប្តេជ្ញាចិត្តឡើងវិញ ដើម្បីធ្វើឱ្យប្រសើរឡើងនូវកិច្ចសហប្រតិបត្តិការល្អដែលមានស្រាប់ ក្នុងការប្រយុទ្ធប្រឆាំង ឧក្រិដ្ឋកម្មឆ្លងដែន ជាពិសេសការជួញដូរមនុស្ស ដោយត្រូវអនុវត្តយ៉ាងពេញលេញនិងមាន ប្រសិទ្ធភាពនូវលិខិតុបករណ៍ពាក់ព័ន្ធ ក្រោមក្របខ័ណ្ឌទ្វេភាគី និងអាស៊ាន។

លើវិស័យសេដ្ឋកិច្ច រដ្ឋមន្ត្រីទាំងពីរ កត់សម្គាល់ដោយការពេញចិត្តចំពោះការបន្តកើនឡើងន ទំហំពាណិជ្ជកម្មទ្វេភាគីដែលបានកើនឡើងដល់លើស ១ប៊ីលានដុល្លារអាមេរិក ក្នុងឆ្នាំ ២០២៣ និងបានឯកភាពពន្លឿនការពិភាក្សាលើអនុស្សរណៈនៃការយោគយល់គ្នា (MoU) ស្តីពី ពាណិជ្ជកម្មអង្ករ។

រដ្ឋមន្ត្រីទាំងពីរ បានគូសបញ្ជាក់ពីសារសំខាន់នៃសន្តិសុខស្បៀង និងបាន អះអាងពីការប្តេជ្ញាចិត្តក្នុងការពន្លឿនការអនុវត្ត MoU ស្តីពីកិច្ចសហប្រតិបត្តិការកសិកម្ម ដែលបានចុះហត្ថលេខានៅខែកញ្ញា ឆ្នាំ២០២៣ និងការចុះហត្ថលេខាលើ MoU ស្តីពី កិច្ចសហប្រតិបត្តិការសហគ្រាសធុនតូច និងមធ្យម។

ក្នុងគោលបំណងពង្រឹងការតភា្ជប់ និងសម្រួលការផ្លាស់ប្តូរសេដ្ឋកិច្ច និងវប្បធម៌ ភាគីទាំងពីរ បានឯកភាពជំរុញឱ្យមានជើងហោះហើរត្រង់ បន្ថែមទៀតរវាងទីក្រុងទេសចរណ៍នៃប្រទេស ទាំងពីរ បញ្ចប់ការពិភាក្សា MoU ស្ដីពីកិច្ចសហប្រតិបត្តិការវប្បធម៌ បន្តឡើងវិញនូវកិច្ចសហ ប្រតិបត្តិការសម្ព័ន្ធមេត្រីភាពរវាងខេត្តសៀមរាប និងខេត្តជាកណ្តាល និងបង្កើតទំនាក់ទំនង ខេត្ត-ក្រុងសម្ព័ន្ធមេត្រីភាព រវាងរាជធានីភ្នំពេញ និងកោះស៊ូម៉ាត្រាខាងលិច។

កិច្ចប្រជុំបានឯកភាពគ្នាក្នុងការពង្រីកកិច្ចសហប្រតិបត្តិការរវាងក្រុមប្រឹក្សាអភិវឌ្ឍន៍កម្ពុជា និងក្រសួងវិនិយោគឥណ្ឌូណេស៊ី។

កិច្ចប្រជុំក៏បានស្វាគមន៍គោលបំណងរបស់ក្រុមហ៊ុន ឥណ្ឌូណេស៊ី Perum BULOG ក្នុងការវិនិយោគនៅកម្ពុជាលើវិស័យកសិកម្ម ដូចជាម៉ាស៊ីន កិនស្រូវ និងឃ្លាំង។

កិច្ចប្រជុំបានពិភាក្សាយ៉ាងទូលំទូលាយអំពីកិច្ចសហប្រតិបត្តិការលើវិស័យសំខាន់ៗផ្សេង ទៀត រួមមាន ថាមពល, បច្ចេកវិទ្យាគមនាគមន៍ និងព័ត៌មាន (ICT), សុខាភិបាល, ការ គ្រប់គ្រងអាងទន្លេ, បរិវត្តកម្មឌីជីថល, និងវិស័យការងារ និងបណ្តុះបណ្តាលវិជ្ជាជីវៈដោយមានទស្សនៈដូចគ្នាពីសារសំខាន់នៃសន្តិភាពសម្រាប់ការអភិវឌ្ឍសង្គមសេដ្ឋកិច្ច រដ្ឋមន្ត្រីទាំងពីរ បានពិភាក្សាលើបញ្ហាតំបន់ និងអន្តរជាតិ។ រដ្ឋមន្ត្រីទាំងពីរ បានគូសបញ្ជាក់ ពីសារសំខាន់នៃការពង្រឹងនូវមជ្ឈភាព និងឯកភាពអាស៊ាន នៅក្នុងការប្រាស្រ័យទាក់ទង ជាមួយដៃគូនានា តាមរយៈយន្តការអាស៊ាន ព្រមទាំងបានអះអាងជាថ្មីនូវការប្ដេជ្ញាចិត្តចំពោះ ទស្សនវិស័យអាស៊ានស្តីពីឥណ្ឌូ-ប៉ាស៊ីហ្វិកដែលជាមគ្គុទេសក៍ សម្រាប់ការចូលរួមរបស់អាស៊ាន នៅក្នុងតំបន់អាស៊ី-ប៉ាស៊ីហ្វិក និងតំបន់មហាសមុទ្រឥណ្ឌាផងដែរ។
រដ្ឋមន្ត្រីទាំងពីរ ប្តេជ្ញាពង្រឹងការគាំទ្រទៅវិញទៅមក និងកិច្ចសហប្រតិបត្តិការលើឆាកអន្តរជាតិ។

កិច្ចប្រជុំបានបញ្ចប់ទៅ ដោយការចុះហត្ថលេខាលើកំណត់ហេតុស្ដីពីលទ្ធផលកិច្ចប្រជុំ JCBC លើកទី៥។ កិច្ចប្រជុំ JCBC លើកទី៦ នឹងប្រព្រឹត្តទៅនៅប្រទេសឥណ្ឌូណេស៊ី ក្នុងឆ្នាំ២០២៦។

ក្នុងអំឡុងពេលស្នាក់នៅកម្ពុជា លោកជំទាវ Retno L.P. Marsudi បានចូលជួបសម្តែងការ គួរសមចំពោះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុ ជា និងឯកឧត្តម ប្រាក់ សុខុន អនុប្រធានទី១ព្រឹទ្ធសភា៕