អង្គការសហប្រជាជាតិព្យាករអំពីការមកដល់ដែលអាចទៅរួចនូវបាតុភូត ឡា នីណា និងសីតុណ្ហភាពដែលចុះត្រជាក់
បាតុភូតឧតុនិយមឡា នីណា គួរតែនឹងមកដល់បន្ទាប់ នៅឆ្នាំនេះ និងនាំមកនូវសីតុណ្ហភាពដែលកាន់តែត្រជាក់ បន្ទាប់ពីឯកតកម្មនៃកម្តៅដែលបញ្ឆេះឡើងដោយបាតុភូតអេល នីណូ និងបានវាយប្រហារជាច្រើនខែមកហើយនៅក្នុងឆ្នាំនេះ។
អង្គការឧតុនិយមពិភពលោក (OMM) បានរៀបរាប់ថា ៖ “បាតុភូតអេល នីណូ ឆ្នាំ២០២៣-២០២៤ ដែលបានចូលរួមជំរុញឲ្យមានការកើនឡើងនូវសីតុណ្ហភាពពិភពលោក និងគ្រោះធម្មជាតិសាហាវៗ បង្ហាញសញ្ញាថា វានឹងឈានដល់ទីបញ្ចប់ហើយ។ វាប្រហែលនឹងមានការត្រឡប់មកវិញនូវលក្ខខណ្ឌឡា នីណា នៅពេលក្រោយមក នៅឆ្នាំនេះ។”
វាមានអាត្រា ៦០% ដែលបាតុភូតឡា នីណា លេចឡើងនៅអំឡុងរយៈពេល ពីខែកក្កដា ដល់ខែកញ្ញា ហើយវានឹងកើនទៅដល់ ៧០% ពីចន្លោះខែសីហា និងខែវិច្ឆិកា។ OMM ក៏វាយតម្លៃថា ហានិភ័យនៃការលេចឡើងនូវបាតុភូតអេល នីណូ ក៏ត្រូវយកចិត្តទុកដាក់ដែរ នៅអំឡុងពេលនេះ”។ ក្នុងអំឡុងពីខែមិថុនា ដល់ខែសីហា អង្គការឧតុនិយមអន្តរជាតិវាយតម្លៃថា វាមានសំណាង ៥០% ដែលលក្ខខណ្ឌគឺនៅស្មើ មិនមានអេល នីណូ និងក៏មិនមាន ឡា នីណា ឬក៏ជាស្ថានភាពបម្រែបម្រួលទៅឡា នីណា។
ឡា នីណា គឺសំដៅទៅដល់ការចុះប្រជាក់ នៅទ្រង់ទ្រាយធំ នៃសីតុណ្ហភាព នៅលើផ្ទៃលើនៃមហាសមុទ្រនៅក្នុងតំបន់កណ្តាល និងភាគខាងកើតនៃមហាសមុទ្រប៉ាស៊ីហ្វីកខ្សែអេក្វាទ័រ។ វាក៏ពាក់ព័ន្ធទៅនឹងការប្រែប្រួលនៅក្នុងចរាចរណ៍បរិយាកាសត្រូពិច គឺមាន ខ្យល់ សំពាធ និងការធ្លាក់ភ្លៀង។
ឥទ្ធិពលក៏ប្រែប្រួលផងដែរទៅតាមតំបន់នានា។ ឡា នីណា នឹងបង្កើតឥទ្ធិពលអាកាសធាតុផ្ទុយពីបាតុភូត អេល នីណូ។ អង្គការឧតុនិយមពិភពលោករំឭកថា ទោះបីជាយ៉ាងណា ព្រឹត្តិការណ៍អាកាសធាតុធម្មជាតិទាំងនេះ បានកើតឡើងនៅក្នុងបរិបទនៃការប្រែប្រួលអាកាសធាតុដែលបង្កើតឡើងដោយមនុស្ស ដែលបង្កើនសីតុណ្ហភាពពិភពលោក ធ្វើឲ្យរឹតតែធ្ងន់ធ្ងរលើលក្ខខណ្ឌឧតុនិយម និងមានគ្រោះធម្មជាតិអាកាសធាតុសាហាវៗ និងមានឥទ្ធិពលទៅលើរបបរដូវ ការធ្លាក់ភ្លៀងខ្លាំង និងសីតុណ្ណភាពផងដែរ។
ចាប់តាំងពីខែមីថុនា ឆ្នាំ២០២៣ ឯកតកម្មថ្មីមួយបានកើតមានឡើង ហើយឆ្នាំ២០២៣ ក៏ក្លាយជាឆ្នាំដែលក្តៅបំផុតមិនដែលធ្លាប់បានកត់ត្រា។ នៅក្នុងសេចក្តីប្រកាសមួយ លោកកូ បារ៉េត អនុអគ្គលេខានៃអង្គការឧតុនិយមពិភពលោក បានថ្លែងថា ៖ “ការចប់បាតុភូត អេល នីណូ មិនមែនមានន័យថា ជាការឈប់នៃការប្រែប្រួលអាកាសធាតុនោះទេក្នុងរយៈពេលវែង ដោយសារតែផែនដីរបស់យើងនឹងបន្តកើនកម្តៅដោយសារហេតុផលនៃឧស្ម័នផ្ទះកញ្ចក់ដែលឃាត់ទុកកំដៅ។ សីតុណ្ហភាពដែលឡើងជាពិសេសនៅលើផ្ទៃមហាសមុទ្រនឹងបន្តដើរតួដ៏សំខាន់នៅអំឡុងប៉ុន្មានខែទៅមុខទៀត”។
ដូច្នេះបាតុភូត ឡា នីណា ត្រូវបានរាប់បញ្ចូលទៅក្នុងការបង្ការនៃទីភ្នាក់ងារអាម៉េរិកសម្រាប់ការអង្កេតមហាសមុទ្រ និងបរិយាកាស សម្រាប់រដូវព្យុះអ៊ូរ៉ាហ្គង់ឆ្នាំ២០២៤ នៅក្នុងមហាសមុទ្រអាត្លង់ទិចខាងជើង ដែលនឹងចាប់ផ្តើមនៅដើមខែមិថុនា។
យោងតាមទីភ្នាក់ងារអាម៉េរិកសម្រាប់ការអង្កេតមហាសមុទ្រ និងបរិយាកាស បានឲ្យដឹងថា គេបានប្រកាសអំពីភាពភ័យព្រួយថា មានព្យុះអ៊ូរ៉ាហ្គង់ ចំនួន ៧ ក្នុងកម្រិត៣ ឬលើសនេះ ដែលអាចកើតមានឡើងនៅឆ្នាំនេះ។
អង្គការឧតុនិយមពិភពលោក ក៏បានរំឭកថា ៩ឆ្នាំ ចុងក្រោយនេះ គឺជាឆ្នាំដែលក្តៅបំផុតដែលមិនដែលធ្លាប់បានកត់ត្រា ទោះបីជាមានឥទ្ធពលចុះត្រជាក់ដ៏យូរនៃបាតុភូតឡា នីណា ដែលមានរយៈពេលពីឆ្នាំ២០២០ ដល់ដើមឆ្នាំ ២០២៣ ក៏ដោយ។
Daily Program
