លោកបណ្ឌិត ណាសារូឌីន យូម៉ារ (Nasaruddin Umar)ប្រមុខដឹកនាំមូស្លីមនៅហ្សាកាតា បានប្រាប់វ៉ាទីកង់ញូវថា ឥណ្ឌូនេស៊ីអាចជាគំរូនៃកិច្ចសន្ទនាអន្តរជំនឿសម្រាប់មនុស្សជាតិ ។
លោកបណ្ឌិតបានមានប្រសាសន៍នៅមុនពេលជួបជាមួយសម្តេចប៉ាប ហ្រ្វង់ស៊ីស្កូ និងបានចុះហត្ថលេខាលើសេចក្តីប្រកាសរួមស្តីពីមិត្តភាពអន្តរជំនឿថា កិច្ចសន្ទនាអន្តរជំនឿសំខាន់ណាស់ ។
លោក មហាអ៊ីម៉ាមនៃវិហារឥស្លាម Istiqlal បានលើកឡើងពីសារៈសំខាន់នៃការរួមរស់ជាបងប្អូនដោយនិយាយថា ឥណ្ឌូនេស៊ីផ្តល់ជូនពិភពលោកនូវគំរូវិជ្ជមាននៃការសន្ទនាអន្តរសាសនា។
លោកបានគូសបញ្ជាក់អំពីសារៈសំខាន់នៃព្រឹត្តិការណ៍សម្រាប់ប្រទេសឥណ្ឌូនេស៊ី ដែលជាប្រទេសមូស្លីមដែលមានប្រជាជនច្រើនបំផុតនៅលើពិភពលោក ប៉ុន្តែក៏ជាកន្លែងដែលមានសុដុមនីយកម្មសាសនាមួយ ។
លោកបានមានប្រសាសន៍ថា “យើងពិតជារីករាយណាស់ដែលបានជួបសម្តេចប៉ាបនៅទីនេះក្នុងវិហារឥស្លាមដ៏សំខាន់នេះ”។
លោកបណ្ឌិត ក៏បានលើកឡើងពីសារៈសំខាន់ជាពិសេសនៃសេចក្តីថ្លែងការណ៍រួមនៃ Istiqlal 2024 ស្តីពីមិត្តភាពអន្តរជំនឿដែលលោកបាន ចុះហត្ថលេខាជាមួយសម្តេចប៉ាប ។
លោកបានពន្យល់ថា ឯកសារនេះគឺផ្តោតទៅលើសារសំខាន់ពីរគឺ “ទីមួយគឺមនុស្សជាតិមានតែមួយ ហើយទីពីរគឺរបៀបរក្សាបរិស្ថានរបស់យើង”។
លោកបានសន្និដ្ឋានថា ភាពចម្រុះក្នុងឯកភាពរបស់ប្រទេសឥណ្ឌូនេស៊ី អាចចាត់ទុកថាជាគំរូដ៏ល្អបំផុតនៃកិច្ចសន្ទនាអន្តរជំនឿនៅក្នុងពិភពលោក។
Daily Program
