អាហ្វ្រិកខាងលិច ៖ មនុស្សច្រើនជាង ៦៣៥០០០នាក់ រងផលប៉ះពាល់ ដោយសារទឹក​ជំនន់ ហើយមនុស្ស ២៣៥០០០នាក់ បានភៀសខ្លួន

អង្គការមនុស្សធម៌នានានៃអង្គការសហប្រជាជាតិ បានព្រមានថា ទឹកជំនន់​ដែលមិន ដែល ធ្លាប់មាន និងបំផ្លិចបំផ្លាញ នៅអាហ្វ្រិកខាងកើត បានបង្កជាការផ្លាស់ទី​លំនៅដ៏សម្បើម​របស់ មនុស្សរាប់ម៉ឺននាក់ ដែលត្រូវបង្ខំចិត្តឲ្យចាកចេញពី​លំនៅដ្ឋាននៅប្រទេសប៊ូរុនឌី កេនយ៉ា រ៉ូវ៉ាន់ដា សូម៉ាលី អេស្យូពី និងតង់ហ្សានី។ អង្គការមនុស្សធម៌ក៏បានអំពាវនាវ​ឲ្យមានកិច្ចខិតខំ ប្រឹងប្រែងខ្លាំងក្លា​ដើម្បីប្រឈមមុខនឹង​ភាព​មិនច្បាស់លាស់នៃអាកាសធាតុ។

យោងតាមទីភ្នាក់ងារនៃអង្គការសហប្រជាជាតិ សម្រាប់អន្តោប្រវេសន៍ (OIM) បានឲ្យដឹងថា មនុស្ស ៦៣៧០០០ នាក់ត្រូវបានរងប៉ះពាល់។ បើយោងតាមការរាប់ចំនួន កាលពីថ្ងៃទី៣ ខែ ឧសភាមុន តាមរយៈការិយាល័យសម្របសម្រួល កិច្ចការមនុស្សធម៌នៃអង្គការសហប្រជាជាតិ បានឲ្យដឹងថា មានមនុស្ស ២៣៤០០០នាក់ ត្រូវបានភៀសខ្លួនចេញ។

ភ្លៀងលាយខ្យល់កួច បានបង្កបានជាព្រឹត្តិការណ៍មហន្តរាយជាបន្តបន្ទាប់ មានដូចជា ទឹក ជំនន់ ការបាក់ដី ហើយបង្កការខូចខាតយ៉ាងធ្ងន់ធ្ងរ​ដល់ហេដ្ឋារចនាសម្ព័ន្ធ​សំខាន់ៗ មាន ដូចជា ផ្លូវថ្នល់ ស្ពាន និងទំនប់។

OIM បានព្យាករណ៍ថា ៖ “មហន្តរាយនេះ មិនគ្រាន់តែឆក់យកអាយុជីវិត សម្រាប់មនុស្ស ជាច្រើននោះទេ ប៉ុន្តែវាក៏ធ្វើឲ្យមានការឈឺចាប់កាន់តែធ្ងន់ធ្ងរទៅដល់ប្រជាជន​ដែលរងផល ប៉ះពាល់ និងបង្កើនហានិភ័យឲ្យកើតមានជំងឺដែលបណ្តាលមកពីខ្វះទឹកស្អាតៗ”។

”ទឹកជំនន់ដ៏បំផ្លិចបំផ្លាញ និងមិនធ្លាប់មានពីមុន បានបង្ហាញអំពី​សច្ចភាព​រឹងមាំនៃការប្រែប្រួល អាកាសធាតុ​ ដែលធ្វើឲ្យមានជនរងគ្រោះ និងធ្វើឲ្យសហគមន៍ជាច្រើន​ត្រូវភៀសខ្លួន។ នៅ​ខណៈ​ដែលប្រជាជនទាំងនេះ​ត្រូវប្រឈមមុខនឹងការងារកសាងសហគមន៍ខ្លួនឡើងវិញដ៏ ធ្ងន់​ធ្ងរ ភាពងាយរងគ្រោះរបស់ពួកគាត់គ្មានអ្វីក្រៅពីចេះតែកើនឡើងនោះទេ។

នៅលើទីកន្លែងផ្ទាល់ OIM បានផ្តល់ជម្រកបន្ទាន់ តង់ជ្រក កន្លែងធ្វើម្ហូប អំពូលពន្លឺព្រះអាទិត្យ និងសម្ភារៈប្រើប្រាស់ជាច្រើនទៀត ដល់មនុស្ស ៥០០០នាក់នៅប្រទេសប៊ូរុនឌី។ នៅ ប្រទេស​អេត្យូពី OIM បានជួយដល់មនុស្សច្រើនជាង ៧០០០០នាក់ ដែលរងផលប៉ះពាល់​ដោយទឹក​ជំនន់​ ក៏ដូចជានៅក្នុងតំបន់សូម៉ាលី និងអូរ៉ូមីញ៉ា។

នៅកេនយ៉ា OIM និងកាកបាទក្រហមកេនយ៉ា បានធ្វើកិច្ចសហប្រតិបត្តិការដើម្បីផ្តល់​ជម្រក និងសម្ភារៈសម្រាប់ធ្វើអាហារសំខាន់ៗ ដល់មនុស្សជិត ៤០០០០០នាក់ និងនៅទិសខាងកើត ភាគកណ្តាល និងភាគខាងលិចនៃប្រទេសកេនយ៉ា ដែលជាតំបន់ដែលរងផលប៉ះពាល់ធ្ងន់ធ្ងរ​បំផុតដោយទឹកជំនន់។ នៅប្រទេសសូម៉ាលីជិតខាង ទីភ្នាក់ងារអង្គការសហប្រជាជាតិ បាន ផ្គត់ផ្គង់ដល់មនុស្សប្រមាណ ២៤០០០០នាក់ នូវជម្រក សម្ភារៈអនាម័យ និងការព្យាបាល​វេជ្ជសាស្រ្តចាំបាច់។

ទ្វីបអាហ្រ្វិកគឺមានភាពងាយរងគ្រោះថ្នាក់​សម្រាប់ការប្រែប្រួលអាកាសធាតុ ទោះបីជាទ្វីបនេះ ចូលរួមបំភាយឧស្ម័ន្ធផ្ទះកញ្ចក់តែ ៤% នៅក្នុងពិភពលោកក៏ដោយ។ ភាគខាងកើត និងភាគ​ឥសាននៃទ្វីបអាហ្វ្រិក ត្រូវរងផលប៉ះពាល់ជាពិសេស​ដោយភាពឆ្លាស់គ្នានៃវដ្តិគ្រោះរាំងស្ងួត និងភ្លៀងធ្លាក់ខ្លាំងក្លា នៅអំឡុងប៉ុន្មានទសវត្សចុងក្រោយនេះ។

ប៉ុន្តែសព្វថ្ងៃនេះ គេកត់ត្រាឃើញមានភ្លៀងធ្លាក់សម្បូរលើសលុប និងគ្រោះទឹកជំនន់ដ៏អាក្រក់​អាក្រីដែលគេសង្កេតឃើញមានតាំងពីប៉ុន្មានទសវត្សមកហើយ​នៅក្នុងប្រទេសដែលពាក់ព័ន្ធ។

មានការខិតជិតមកដល់​នៃការពិភាក្សាអំពីការប្រែប្រួលអាកាសធាតុពិភពលោកនៅកិច្ច​ព្រមព្រៀង​ក្របខណ្ឌ​នៃអង្គការសហប្រជាជាតិអំពីការប្រែប្រួលអាកាសធាតុ ដែលនឹង​រៀបចំ​ឡើង​​នៅប្រទេសអាឡឺម៉ងនៅខែមិថុនាក្រោយ ដែលនឹងអនុញ្ញាតឲ្យរៀបចំ​កាលបរិច្ចេទ​សម្រាប់​​ភាគី​ផ្សេងៗ។ OIM និយាយការពារថា ការពិភាក្សាអំពីការប្រែប្រួលអាកាសធាតុ​រួម​បញ្ចូល​ការ​​ពិចារណាអំពីការភៀសខ្លួនដោយសារអាកាសធាតុរបស់ប្រជាជនផងដែរ។