ពិភពលោកស្ថិតលើផ្លូវទិសដៅមិនល្អសម្រាប់ការឈប់កាប់បំផ្លាញព្រៃឈើ ពីពេលនេះរហូតដល់ឆ្នាំ២០៣០
ការវាយតម្លៃប្រចាំឆ្នាំបង្ហាញថា ការកាប់បំផ្លាញព្រៃឈើពិភពលោកបានកើនឡើង ៤% នៅ ឆ្នាំ២០២២ និងថា ពិភពលោកមិនស្ថិតនៅលើផ្លូវធ្វើដំណើល្អទេសម្រាប់ការគោរពការសន្យានៅឆ្នាំ២០៣០។
អង្គការក្រៅរដ្ឋាភិបាល និងអ្នកស្រាវជ្រាវមួយក្រុម បានព្រមានកាលពីថ្ងៃទី២៤ ខែតុលា ឆ្នាំ២០២៣ ថា ពិភពលោកកំពុងបរាជ័យនឹងប្រកាន់យកកិច្ចសន្យារបស់ខ្លួនដើម្បីបញ្ចប់ការកាប់បំផ្លាញព្រៃឈើ ពីពេលនេះរហូតដល់ឆ្នាំ២០៣០។ ការបាត់បង់គម្របព្រៃឈើនៅលើពិភពលោកបានកើនឡើងកាលពីឆ្នាំមុន។
នៅឆ្នាំ២០២១ មេដឹកនាំប្រទេសជាង ១០០ និងដែនដី ដែលតំណាងឲ្យមួយភាគដ៏ធំនៃព្រៃឈើពិភពលោក បានតាំងចិត្តបិទខ្ទប់ប្រឆាំងនឹងការកាប់បំផ្លាញព្រៃឈើពីពេលនេះរហូតដល់ឆ្នាំ២០៣០។ ប៉ុន្តែការវាយតម្លៃប្រចាំឆ្នាំដែលត្រូវបានផ្សព្វផ្សាយនៅថ្ងៃទី២៤ ខែតុលា បានបង្ហាញថា ការកាប់បំផ្លាញព្រៃឈើពិភពលោក បានកើនឡើង ៤% កាលពីឆ្នាំមុន និងថា ពិភពលោកមិនស្ថិតនៅលើផ្លូវធ្វើដំណើរល្អជានិច្ចកាលទេដើម្បីគោរពការតាំងចិត្តសម្រាប់ឆ្នាំ២០៣០។
លោកស្រីអេរីន ម៉ាតស៊ុន អ្នកនិពន្ធម្នាក់នៃរបាយការណ៍ដែលដាក់ចំណងជើងថា ការវាយតម្លៃសេចក្តីប្រកាសអំពីព្រៃឈើ បញ្ជាក់ថា គោលដៅសម្រាប់ឆ្នាំ២០៣០ មិនមែនដើម្បីតែល្អមើលទេ វាមានសារៈសំខាន់សម្រាប់ថែរក្សាអាកាសធាតុឲ្យភាវរស់អាចរស់រានមានជីវិត និងមនុស្សជាតិ”។ ព្រៃឈើមិនមែនបង្កបានជាជម្រកចាំបាច់សម្រាប់សត្វប៉ុណ្ណោះទេ ពួកវា ក៏មានសារសំខាន់សម្របសម្រួលអាកាសធាតុពិភពលោក និងជាអាងកាបូន ដែលស្រូបយកការបំភាយឧស្ម័នផ្ទះកញ្ចក់ដែលមានប្រភពពីសកម្មភាពមនុស្ស។
កាលពីឆ្នាំមុន ការកាប់បំផ្លាញព្រៃឈើ គឺច្រើនលើសជាង ២០% ជាងអ្វីដែលតម្រូវសម្រាប់ការគោរពតាមការសន្យារបស់មេដឹកនាំនានា។ ព្រៃឈើប្រមាណ ៦,៦លានហិចតា បានបាត់បង់ ដែលមួយផ្នែកធំរបស់វា គឺជាព្រៃដើមដំបូង នៅក្នុងតំបន់ត្រូពិច។ ការវាយតម្លៃដែលត្រូវបានពិនិត្យដោយអង្គការបរិស្ថានច្រើនជាង ២០ និងអង្គភាពសិក្សាស្រាវជ្រាវនានា ក៏បានព្រមានប្រឆាំង និងថា ការធ្លាក់អន់ថយនៃព្រៃឈើស្ថិតនៅជាបញ្ហាចម្បង។
ការធ្លាក់អន់ថយក៏យោងទៅលើការខូចខាតដែលអាចកើតមានជាយថាហេតុ រួមទាំងអគ្គីភ័យព្រៃ និងការបាត់បង់នូវស្ថានជីវចម្រុះ ដែលប៉ះពាល់ដល់សភាពទូទៅរបស់ព្រៃ។
លោកស្រី ម៉ាតស៊ុន បានវាយតម្លៃថា ៖ “ទិន្នន័យពី ១ឆ្នាំ ទៅ ១ឆ្នាំ មាននិន្នាការនឹងប្រែប្រួល។ ប៉ុន្តែអ្វីដែលពិតជាមានសារៈសំខាន់ គឺនិន្នាការ ល្អ ឬអាក្រក់។ តែ យើងបានធ្លាក់ទៅក្នុងទិសដៅមិនល្អទេ។”
តារាងមិនសុទ្ធតែអវិជ្ជមានទាំងស្រុងនោះដែរ។ មានប្រទេសប្រមាណ ៥០ ដែលត្រូវវិនិច្ឆ័យថា ស្ថិតនៅលើផ្លូវល្អដើម្បីបញ្ចប់ការកាប់បំផ្លាញព្រៃឈើ។ ប្រេស៊ីល ឥណ្ឌូនេស៊ី និងម៉ាឡេស៊ី ត្រូវបានកត់ថា ថាបានកាត់បន្ថយយ៉ាងអស្ចារ្យ នៃការបាត់បង់ព្រៃឈើ។
របាយការណ៍ក៏បានសរសើរច្បាប់ថ្មីដែលដាក់ចេញដោយសហគមន៍អឺរ៉ុបដែលសំដៅរាំងខ្ទប់ការនាំចូលនៃផលិតផលដែលមានប្រភពពីការកាប់បំផ្លាញព្រៃឈើ។ ប៉ុន្តែគេក៏បានអំពាវនាវឲ្យមានសកម្មភាពពិភពលោកកាន់តែខ្លាំង មានជាអាទិ៍ផ្តល់មូលនិធិបន្ថែមសម្រាប់ការការពារ ព្រៃ និងបញ្ចប់ការឧបត្ថម្ភធនសម្រាប់វិស័យដូចជាកសិកម្ម ដែលជំរុញឲ្យមានការកាប់ព្រៃ។
លោកហ្វ្រេន ប្រាយ មន្រ្តីពិភពលោកនៃព្រៃឈើ នៅមូលនិធិពិភពលោកសម្រាប់ធម្មជាតិ បានព្រមានថា ៖ “ពិភពលោកបណ្តោយឲ្យព្រៃឈើបាត់បង់ នេះគឺផ្តល់ផលវិបាកដ៏បំផ្លិចបំផ្លាញនៅកម្រិតពិភពលោកសម្រាប់មនុស្សជាតិ”។
Daily Program
