គ្រប់សាលាគួរតែរឹតបន្តឹងការប្រើប្រាស់បារីអេឡិចត្រូនិក
![បារីអេឡិចត្រូនិកត្រូវបានចាត់ទុកដា ខុសច្បាប់ហើយវារិតតែខុសថែមទៀតនៅពេលដែលវា ត្រូវបានគេយកទៅប្រើប្រាស់នៅតាមស្ថាប័នអប់រំ ខណៈដែលមកដល់ពេលនេះការប្រើប្រាស់ ពពួកបារីអេឡិចត្រូនិកនេះត្រូវបានជនខិលខូចបញ្រ្ជាបចូលសាលាជាបណ្តើរៗ។](/sites/default/files/styles/max_width_770px/public/2024-05/copy_of_cream_and_brown_photographic_beauty_site_launch_website_2_0.png?itok=H804_OWD)
បារីអេឡិចត្រូនិកត្រូវបានចាត់ទុកដា ខុសច្បាប់ហើយវារិតតែខុសថែមទៀតនៅពេលដែលវា ត្រូវបានគេយកទៅប្រើប្រាស់នៅតាមស្ថាប័នអប់រំ ខណៈដែលមកដល់ពេលនេះការប្រើប្រាស់ ពពួកបារីអេឡិចត្រូនិកនេះត្រូវបានជនខិលខូចបញ្រ្ជាបចូលសាលាជាបណ្តើរៗ។
តាមអ្វីសំដីរបស់អាណាព្យាបាលយុវវ័យមួយចំនួនបានឲ្យដឹងថា កូនៗរបស់ពួកគេដែលបានទៅរៀននៅសាលាចំណេះទូទៅទាំងឯកជននិងរដ្ឋគឺថា បានឃើញមិត្តរួមសាលារបស់ពួកគេលួចប្រើប្រាស់នៅក្នុងបរិវេណសាលាតែម្តង ដែលនេះគឺជាក្តីកង្វល់មួយដែលសាលានានា ទំាងរដ្ឋនិងឯកជនគួរតែយកចិត្តទុកដាក់និងពង្រឹងឲ្យបានហ្មត់ចត់ដើម្បីបញ្ឈប់ការរីករាលដាល កុំអោយវាជ្រុលទាន់។
សូមកុំលេងសើច ឬមួយមើលស្រាលស្ថានភាព។ សាលានានាគួរតែរិតបន្តឹង និងពង្រឹងការត្រួតពិនិត្យលើបញ្ហានេះ ។ សាលាដែលមានត្រូវតែរកឲ្យឃើញយើងព្យាយាមលុបបំបាត់ ខណៈដែលសាលាមិនទាន់មានគឺត្រូវតែបង្ការនិងការពារហើយអនុវត្តវិធានការឲ្យបានហ្មត់ចត់ បើមិនដូច្នេះទេ វាអាចជាប្រភពនៃបញ្ហាសង្គម។
សាលារៀនមិនថារដ្ឋឫឯកជនជាកន្លែងដុះខាតភាពស្អាតស្អំ និងបោសសំអាត់អ្វីដែលមិនល្អ ដោយបំពាក់តែអ្វីដែលល្អ ប៉ុន្តែប្រសិនបើបញ្ហានេះត្រូវគេបណ្តែតបណ្តោយឲ្យចេះតែកើតមាន ដោយមិនលុបបំបាត់នោះផលប៉ះពាល់នឹងអាក្រក់ដល់គុណភាពនៃការអប់រំ វិន័យនិងសីលធម៌ ហើយជាពិសេសគឺគុណភាពសិក្សានិងមានបញ្ហាតែម្តង។
បារីធម្មជាតិក្តី បារីអេឡិចត្រូនិចក្តីគឺត្រូវតែលុបបំាត់ ពីព្រោះផលប៉ះពាល់វាគឺមានចំពោះសុខភាពមនុស្សដូចតែគ្នាទេ គ្រាន់តែថា បារីអេឡិចត្រូនិកនេះ ទើបកើតថ្មីដែលគេសន្និដ្ឋាន វាត្រូវគេបង្កើតនៅក្នុងរង្វងើឆ្នាំ២០០៦ ។
បារីអេឡិចត្រូនិក គឺជាគ្រឿងអេឡិចត្រូនិក ដែលគេផលិតឡើងមានរូបរាងផ្សេងៗគ្នាដោយមានដូចប៊ិច ដែកកេះ ផ្លែឈើសិប្បនិម្មិតសម្រាប់ស្រូបបឺតបង្ហុយផ្សែង ដែលបានមកពីការកម្តៅវត្ថុរាវក្នុងបំពង់ឬដប ដោយប្រើថ្ម ។
វត្ថុរាវក្នុងបារីអេឡិចត្រូនិក ផ្សំឡើងដោយសារធាតុគីមីច្រើនមុខ មិនស្អុយដូចបារីបុរាណទេ ហើយអាចសាកបញ្ចូលបន្ថែម ឬប្រើម្តងក្រវ៉ាត់ចោលក៏បាន។ បារីនេះគ្រោះថ្នាក់កាន់តែខ្លាំង ហើយសួមកុំចាញ់បោកការឃោសនារបស់អ្នកលក់ដែលថា ការជក់បារីនេះសង្ហារសមឋានៈ សមតួនាទី ស៊ីវិល័យ ឬទាន់សម័យ។
សរុបមកវិញសូមលើកកំពស់ការបុ្រងប្រយ័ត្ននៅតាមសា្ថប័នអប់រំនា ហើយគ្រប់គ្រងឲ្យតឹងរឹង បើមិនដូច្នេះទេ សង្គមកម្ពុជាគឺកាន់តែពុលខ្លាំងឡើងៗ។ ហើយប្រសិនបើវារីកចូលដល់សាលា និង មានការប្រើប្រាស់ផុលផុសហើយនោះ វាពិតជាពិបាកនៅក្នុងការចាត់វិធានាការណ៍។ សូមចាត់វិធានការជាបន្ទាន់ដើម្បីការពារយុវវ័យនៅក្នុងប្រទេសឲ្យពួកគេធំធាត់ដោយមានសុខភាពបរិបូរណ៍ដើម្បីក្លាយជាធនធានមនុស្សដ៏ប្រសើរសម្រាប់អនាគតរបស់ប្រទេស៕
Daily Program
![Livesteam thumbnail](/sites/default/files/inline-images/live-stream-thumb.jpg)