ប្រធានាធិបតីអាម៉េរិក លោកដូណាល់ ត្រាំ បានពិភាក្សាកាលពីថ្ងៃពុធ ជាមួយសមភាគីរុស្ស៊ីរបស់លោក បន្ទាប់មកទើបជួបពិភាក្សាជាមួយប្រធានាធិបតីអ៊ុយក្រែន។ លោកបានប្រកាសថា បានព្រមព្រៀងជាមួយលោកវ្លាឌីមៀ ពូទីន បើកកិច្ចចរចាបន្ទាន់ ដើម្បីបញ្ចប់សង្រ្គាមនៅអ៊ុយក្រែន ព្រមទាំងអាចជំនួបជួបមុខផ្ទាល់នៅប្រទេសអារ៉ាប៊ី សាអ៊ូឌីត។
កាលពីថ្ងៃទី១២ ខែកុម្ភៈ លោកដូណាល់ ត្រាំ បានព្រមព្រៀងជាមួយលោកវ្លាឌីមៀ ពូទីន បើកកិច្ចចរចាបន្ទាន់អំពីអ៊ុយក្រែន និងសន្យាជំនួបជួបមុខផ្ទាល់ជាមួយសមភាគីរុស្ស៊ីរបស់លោក។
នៅអំឡុងការផ្តល់បទសម្ភាសន៍ឲ្យអ្នកសារព័ត៌មាននៅសេតវិមាន លោកដូណាល់ ត្រាំ បាន បញ្ជាក់ថា គាត់នឹងមកទីនេះ ហើយលោកនឹងទៅទីនោះ ហើយយើងនឹងប្រហែលជួបគ្នានៅ ប្រទេសអារ៉ាប៊ី សាអ៊ូឌីត ជាលើកដំបូង។ លោកមិនបានផ្តល់កាលបរិច្ឆេទ និងក៏គ្រោង អំពីបទ ឈប់បាញ់មួយនៅក្នុងពេលអនាគតមិនយូរប៉ុន្មានសម្រាប់ប្រទេសអ៊ុយក្រែននោះទេ។
ម្យ៉ាងវិញទៀត លោកដូណាល់ ត្រាំ បានវិនិច្ឆ័យថា ការចូលជាសមាជិករបស់អ៊ុយក្រែនមក ក្នុងអង្គការណាតូ ដែលចង់បានដោយទីក្រុងគៀវ ប៉ុន្តែត្រូវបានបដិសេធដាច់អហង្ការដោយ ទីក្រុងមូស្គូ គឺមិនមានភាពប្រាកដនិយមទេ។
លោកក៏បាននិយាយថា វាត្រូវតែមានការបោះឆ្នោតនៅពេលវេលាមួយ ឬពេលណាមួយនៅ អ៊ុយក្រែន។ ដោយមិនមានច្បាប់អាជ្ញាសឹកដែលដាក់ចេញនៅខែកុម្ភៈ ឆ្នាំ២០២២ និងដែល រារាំងការរៀបចំការបោះឆ្នោត ការបោះឆ្នោតប្រធានាធិបតីនៅប្រទេសអ៊ុយក្រែនគួរតែត្រូវ បានរៀបចំឡើងនៅខែមីនា ឆ្នាំ២០២៤។
នេះគឺជាការផ្លាស់ប្តូរកិច្ចសន្ទនាផ្ទាល់ដែលត្រូវបានរាយការណ៍ថា ជាផ្លូវការរវាងប្រមុខវិមានក្រឹមឡាំង និងប្រធានាធិបតីអាម៉េរិកដែលចូលកាន់មុខតំណែងចាប់តាំងពីលោកវ្លាឌីមៀ ពូទីន ធ្លាប់បានហៅទូរសព្ទទៅកាន់លោកចូ បាយឌិន នៅខែកុម្ភៈ ឆ្នាំ២០២២ មុនបន្តិចមុនពីការបើកការវាយប្រហារមកលើប្រទេសអ៊ុយក្រែន។
នៅលើបណ្តាញសង្គម Truth Social ប្រធានាធិបតីអាម៉េរិក បានបញ្ជាក់ថា ប្រទេសរុស្ស៊ី និង សហរដ្ឋអាម៉េរិកនឹងចាប់ផ្តើមបន្ទាន់ភ្លាមដើម្បីចរចាក្នុងគោលដៅបញ្ចប់សង្រ្គាម ហើយលោកអួតសរសើរអំពីកិច្ចសន្ទនាប្រកបដោយផ្លែផ្កា ជាមួយនឹងសមភាគីរុស្ស៊ី។ ប្រធានាធិបតី អាម៉េរិកក៏បានសរសេរថា ៖ “យើងបានព្រមព្រៀងធ្វើការជាមួយគ្នា ដោយជិតស្និទ្ធ និងដោយ គោរពគ្នាទៅវិញទៅមក”។
សម្រាប់ការផ្សព្វផ្សាយ ប្រធានាធិបតីអាម៉េរិក បានសាទរថា ៖ “យើងចង់បញ្ឈប់ការបាត់បង់ ជីវិតមនុស្សរាប់លាននាក់ទាក់ទិនទៅនឹងសង្រ្គាមរុស្ស៊ី អ៊ុយក្រែន។ ប្រធានាធិបតីពូទីនក៏បាន ប្រើប្រាស់ស្លាកផ្សព្វផ្សាយឥទ្ធិពលរបស់យើង គឺ មានអត្ថន័យ។ យើងទាំងពីរនាក់ជឿលើ រឿងនេះ”។
ប្រធានាធិបតីអាម៉េរិកក៏បានថ្លែងថា លោកចង់អរគុណប្រធានាធិបតីពូទីនសម្រាប់ពេលវេលា និងកិច្ចខិតខំប្រឹងប្រែងសម្រាប់ការហៅទូរសព្ទនេះ ហើយក៏ដើម្បីដោះលែងលោក ម៉ាក ហ្វ៉ូហ្សេល ដែលជាជនជាតិអាម៉េរិកម្នាក់ត្រូវបានចាប់ឃុំខ្លួននៅរុស្ស៊ី។
ចំណែកភាគីម្ខាងទៀត វិមានក្រឹមឡាំងបានថ្លែងថា លោកវ្លាឌីមៀ ពូទីន បានបង្ហាញ អំពី ចំណង់ចង់ស្វែងរកដំណោះស្រាយរយៈពេលវែង សម្រាប់សង្រ្គាមអ៊ុយក្រែន តាមរយៈកិច្ច សន្ទនាសន្តិភាព។
អ្នកនាំពាក្យវិមានក្រឹមឡាំង លោកឌីមីទ្រី បេស្កូវ បានថ្លែងថា ៖ “ប្រធានាធិបតីពូទីន បាន លើកឡើងអំពីសារសំខាន់ចាំបាច់នៃការប្រឈមដោះស្រាយមូលហេតុស៊ីជម្រៅនៃសង្រ្គាម និងបានព្រមព្រៀងជាមួយលោកត្រាំថា ដំណោះស្រាយរយៈពេលវែងអាចនឹងត្រូវបានរក ឃើញតាមរយៈកិច្ចចរចាសន្តិភាព”។
Daily Program
