កម្ពុជាកំពុងរៀបចំខ្លួនឆ្ពោះទៅរកព្រឹត្តិការណ៍អន្តរជាតិមួយថ្មីកាន់តែធំ

បន្ទាប់ពីទទួលបានជោគជ័យនៅក្នុងការធ្វើជាម្ចាស់ផ្ទះកិច្ចប្រជុំធំៗកន្លងមកនៅក្នុងរជ្ជៈកាល មេដឹកនាំថ្មីកម្ពុជាបានគ្រោងនឹងរៀបចំនូវព្រឹត្តិការណ៍នយោបាយនិងអន្តរជាតិមួយថ្មីបន្ថែមទៀតនៅក្នុងឆ្នាំ២០២៦​។

ចាប់តាំងពីឆ្នាំ២០០២ រហូតដល់ឆ្នាំ២០២៣ នៅក្នុងរជ្ជកាលនៃមេដឹកនាំចាស់កម្ពុជាបាន សម្រេ​ចជោគជ័យនូវការរៀបចំព្រឹត្តិការណ៍តំបន់និងអន្តរជាតិជាច្រើនដែលរួមមាន កិច្ចប្រជុំកំពូ​លអាស៊ាន៣ដង កិច្ចប្រជុំកំពូលអាស៊ី-អឺរ៉ុបម្តង ហើយក្រៅពីនោះ គឺការធ្វើជាម្ចាស់ផ្ទះ នៃការប្រកួតកីឡាស៊ីហ្គេម និងអាស៊ានប៉ារ៉ាហ្គេម ដែលបានទទួលជោគជ័យកាលពីពេលថ្មីៗកន្លងទៅនេះ។​

ព្រឹត្តិការណ៍ដែលកម្ពុជានឹងរៀបចំនៅក្នុងឆ្នាំ២០២៦ នៅក្រោមរជ្ជៈកាលនៃការដឹកនាំដោយ មេដឹកនាំបន្តវេន គឺសម្តេចធិបតី ហ៊ុន ម៉ាណែត ទំនងជានឹងបើកទ្វារធ្វើជាម្ចាស់ផ្ទះទទួលក្រុម ប្រ​ទេ​សនិយាយភាសាបារាំងតាមរយៈការរៀបចំកិច្ចប្រជុំកំពូលនៅក្នុងអំឡុងឆ្នាំ​២០២៦ខាងមុខ ។​

ព័ត៌មានទាំងនេះត្រូវបានបង្ហើបនៅក្នុងជំនួបរវាងព្រះករុណាព្រះមហាក្សត្រនៃព្រះរាជាណាចក្រកម្ពុជា និងប្រធានាធិបតីបារាំងកាលពីថ្ងៃទី១៣ ខែវិច្ឆិកា ឆ្នាំ២០២៣ នៅក្នុងអំឡុងពេល ព្រះ​អង្គបំពេញទស្សនកិច្ចផ្លូវការនៅប្រទេសបារាំង។​

នៅក្នុងជំនួបនោះ ប្រធានាធិបតីបារាំងបានអញ្ជើញព្រះករុណា យាងចូលរួមកិច្ចប្រជុំកំពូល នៃក្រុមប្រទេសនិយាយភាសារបារាំងដែលបារាំងគ្រោងនឹងរៀបចំនៅក្នុងឆ្នាំ​២០២៤ ហើយ ក៏បា​ន បង្ហាញនៅបំណងគាំទ្រកម្ពុជាចំពោះការធ្វើជាម្ចាស់ផ្ទះនៃក្រុមប្រទេសនេះនៅក្នុងឆ្នាំ​២០​២៦ ខាងមុខ ។​

មកដល់ពេលបច្ចុប្បន្ននេះគេដឹងថា ក្រុមប្រទេសនិយាយភាសាបារាំងនេះ គឺកំពុងតែស្ថិតនៅក្នុងអង្គការមួយ ដែលគេនិយាយស្គាល់ថា ហ្រ្វង់កូហ្វីនី។ អង្គការនេះមកដល់បច្ចុប្បន្ននេះមាន ស​មាជិកសរុប ៨៨ ប្រទេសឯណោះ ដោយនៅក្នុងនោះ គ្រាន់តែប្រទេសសមាជិកពេញសិទ្ធិ គឺមាន ៥៤  ប្រទេសដែលជាសមាជិកបម្រុងមាន​៧ ​និង អ្នកសង្កេតការណ៍គឺ ២៧  ដូច្នេះ ប្រសិនបើកម្ពុជាធ្វើជាម្ចាស់ផ្ទះនៃកិច្ចប្រជុំនេះមែននោះ គឺជាព្រឹត្តិការណ៍ដ៏ធំបំផុត នៅក្នុង ប្រវត្តិសាស្រ្ត ដែលកម្ពុជានឹងបើកទ្វារសម្រាប់កិច្ចប្រជុំកំពូលនេះ​។​

សរុបមកវិញ​នេះគឺជាផ្នែកមួយនៃនយោបាយការទូតនិងអន្តរជាតិរបស់កម្ពុជាដែលតែងតែប្រកាសថា កម្ពុជាតែងតែបើកទ្វារចំហរជានិច្ចដើម្បីទទួលមិត្ត ដោយមិនប្រកាន់ឫរើសអើង ទាំងអស់ ។  តាមរយៈគោលជំហររក្សាចាស់ពង្រឹងនិងពង្រីកថ្មី​៕