ពួកគេបានធ្វើដំណើររាប់ពាន់គីឡូម៉ែត្រដើម្បីចូលរួមប្រយុទ្ធក្នុងតំបន់ដូណេត រួមជាមួយរុស្ស៊ី និងត្រូវបានចាប់ខ្លួនដោយសេវាសន្តិសុខអ៊ុយក្រែន។
កាលពីថ្ងៃអង្គារ ទី៨ ខែមេសា លោកវ៉ូឡូឌីមៀ ហ្សេឡេនស្គី បានបញ្ជាក់ថា បានឃុំខ្លួនអ្នកទោសចិន ២នាក់ ដែលមានម្នាក់មកពីតំបន់ចេនជូ ទីក្រុងនៅភាគកណ្តាលនៃប្រទេសចិន ៦៦០០ គម ពីភូមិមួយដែលជនជាតិចិនទាំងពីរនាក់នេះបានប្រយុទ្ធទល់នឹងអ៊ុយក្រែន។
នេះគឺជាលើកទី១ ចាប់តាំងពីការឈ្លានពានរបស់រុស្ស៊ី ដែលអាជ្ញាធរអ៊ុយក្រែនបង្ហាញភស្តុតាងនៃវត្តមានជនជាតិចិននៅលើសមរភូមិអ៊ុយក្រែនរុស្ស៊ី។ លោកវ៉ូឡូឌីមៀ ហ្សេឡេនស្គី បាននិយាយថា មានជនជាតិចិនយ៉ាងតិច ១៥៥នាក់ ប្រយុទ្ធប្រឆាំងនឹងអ៊ុយក្រែននៅក្នុងទាហានរុស្ស៊ីនៅលើដីអ៊ុយក្រែន។ ប្រធានាធិបតីអ៊ុយក្រែន បានបញ្ជាក់ថា បានសុំការពន្យល់អំពីអាជ្ញាធរចិន។ កាលបីថ្ងៃពុធ អាជ្ញាធរចិន បានអះអាងថា ការចោទប្រកាន់ថា មានអ្នកប្រយុទ្ធចិនជាច្រើននាក់រួមប្រយុទ្ធនៅខាងរុស្ស៊ីគឺមិនមានមូលដ្ឋាន និងនិយាយឡើងវិញថា អាជ្ញាធរចិននឹងធ្វើការផ្ទៀងផ្ទាត់ជាមួយអ៊ុយក្រែនពាក់ព័ន្ធនឹងជនជាតិចិនទាំងពីរដែលត្រូវបានឃាត់ខ្លួន។ យោងតាមព័ត៌មានដែលត្រូវបានផ្សព្វផ្សាយជាសាធារណៈដោយអាជ្ញាធរអ៊ុយក្រែន បានឲ្យដឹងថា ពួកគេហាក់មិនស្ថិតនៅក្នុងអង្គភាពយោធាចិនទេ។
នៅទីក្រុងគៀវ ក៏ដូចជា ទីក្រុងប៉េកាំង មន្រ្តីប្រតិកម្មដូចជាពួកគេធ្លាប់បានរកឃើញថា មានវត្តមានអ្នកប្រយុទ្ធចិននៅអ៊ុយក្រែន។ ប៉ុន្តែការពាក់ព័ន្ធរបស់ពួកគេនៅក្នុងជួរអង្គភាពទាហានរុស្ស៊ីត្រូវបានបដិសេធជាច្រើនដងចាប់តាំងពីការចាប់ផ្តើមនៃការឈ្លានពានទ្រង់ទ្រាយធំរបស់រុស្ស៊ីមកលើអ៊ុយក្រែន។ លោកហ៊ូសេអ៊ីន អាលីយ៉េវ ដែលជាអ្នកឯកទេសសង្រ្គាមនៅអ៊ុយក្រែននៅសកលវិទ្យាល័យហ្គ្លាហ្គ៉ូវ ស្កុតឡេន បានកត់សម្គាល់ថា ពួកគេមានវត្តមានចាប់តាំងពីឆ្នាំ២០២៣ យោងតាមវីដេអូផ្សេងៗដែលត្រូវបានផ្សព្វផ្សាយតាមអ៊ីនធឺណិតដោយមានជនជាតិចិននៅលើសមរភូមិអ៊ុយក្រែន។
អ្នកសារព័ត៌មានជាច្រើនត្រូវបានរាយការណ៍ឲ្យដឹងកាលពីមុន ជារឿយៗ បង្ហាញថា ជនជាតិចិនស្លៀកពាក់ឯកសណ្ឋានទាហានរុស្ស៊ីបានរៀបរាប់អំពីបទពិសោធន៍ប្រយុទ្ធរបស់ពួកគេ។ប៉ុន្តែវាមានការលំបាកនឹងបែងចែកថាពិត ឬក្លែងក្លាយណាស់ យោងតាមវីដូអូបង្ហោះតាមអ៊ីធឺណិត។
ទោះបីជាយ៉ាងណាវាមិនដែលមានចំនួនអ្នកប្រយុទ្ធចិនដ៏តិចតួចនេះ ត្រូវបានជ្រើសរើសដើម្បីបម្រើមហិច្ចតាដែនដីរបស់លោកវ្លាឌីមៀ ពូទីន។ លោករីហ៍រ នីស្សនីកូ ដែលជាអ្នកឯកទេសអំពីអ៊ុយក្រែននៅវិទ្យាស្ថានហ្វាងឡង់នៃកិច្ចការអន្តរជាតិ បញ្ជាក់ថា ពួកគេមិនដែលមានលើសពី១០០នាក់ទេ ចាប់តាំងពីការចាប់ផ្តើមសង្រ្គាមនៅអ៊ុយក្រែន។ អ្នកជំនាញជាច្រើនមានការវាយតម្លៃកាន់តែប្រយ័ត្នប្រយែងថា ការបង្ហាញទាហានចិន ៣ ឬ ៤នាក់ ជាសាក្សី ឬវិដេអូ មិនគួរឲ្យជឿជាក់ទេ ហើយក៏វាមិនផ្លាស់ប្តូររបត់នៃសង្រ្គាមអ្វីដែរ។
លោកស្រី ណាតាស្ហ៉ា គួ អ្នកឯកទេសនៃទំនាក់ទំនងរុស្ស៊ី និងប្រទេសអាស៊ីនៅវិទ្យាល័យរាជាទីក្រុងឡុង បានសន្និដ្ឋានថា ទាំងនេះក៏ប្រហែលជាមិនមែនទាហានរបស់លោកស៊ី ជីនពីងដែរ។ ទ័ពស៊ីឈ្នួល ឬអ្នកស្ម័គ្រចិត្ត? ភាពប្រាកដខ្លាំង គឺថា អ្នកប្រយុទ្ធចិនទាំងនេះត្រូវបានទាក់ទាញដោយការផ្តល់លុយកាករបស់រុស្ស៊ី។ ជាឧទាហរណ៍ លោកហ្វ៉េន ជនជាតិចិន ជាទាហានស៊ីឈ្នួល ជាសាក្សីដែលធ្លាប់ត្រូវបានសម្ភាសន៍ដោយកាសែត Le Monde បញ្ជាក់ថា បានចូលរួមប្រយុទ្ធដើម្បីបានទទួលលុយ ១៩០០ អឺរ៉ូ ក្នុងមួយខែ ដែលរុស្ស៊ីសន្យាឲ្យ។
Daily Program
