នៅក្នុងជំនូបមេដឹកនាំនៃមហាអំណាចធំៗ កាលពីថ្ងៃសុក្រសប្តាហ៍មុន សម្តេចប៉ាបហ្រ្វង់ស៊ីស្កូ ក៏បានសង្កត់ធ្ងន់ជាពិសេសនៅលើចំណុចស្នូលនៃបញ្ញាសិប្បនិម្មិត ឬAI និង មនុស្សជាតិ។
សម្តេចប៉ាបបាននិយាយថា AI មានសមត្ថភាពបង្កើត "ជម្រើសក្បួនដោះស្រាយ" ពោលគឺជម្រើស "បច្ចេកទេស" ក្នុងចំណោមលទ្ធភាពជាច្រើន ដោយផ្អែកលើលក្ខណៈវិនិច្ឆ័យដែលបានកំណត់យ៉ាងល្អ ឬលើការសន្និដ្ឋានផ្នែកស្ថិតិ ប៉ុន្តែយ៉ាងណាក៏ដោយកុំភ្លេចថា មនុស្សលោក«មិនត្រឹមតែជាអ្នកជ្រើសរើសប៉ុណ្ណោះទេ ប៉ុន្តែក្នុងចិត្តក៏មានសមត្ថភាពក្នុងការសម្រេចចិត្តដែរ ។
សម្តេចប៉ាបបានពន្យល់មេដឹកនាំពិភពលោកថា មនុស្សជាតិមានសមត្ថភាពនៃប្រាជ្ញា នៃអ្វីដែលក្រិកបុរាណហៅថា ប្រភេទនៃភាពវៃឆ្លាតទាក់ទងនឹងសកម្មភាពជាក់ស្តែង និងការស្តាប់បទគម្ពីរពិសិដ្ឋ ហើយសំខាន់មនុស្សគឺជាប្រជារាស្រ្តរបស់ព្រះជាម្ចាស់។
សម្តេចប៉ាបបានសង្កត់ធ្ងន់ថា ដូច្នេះការសម្រេចចិត្តសំខាន់ៗត្រូវតែ«ទុកឲ្យមនុស្សជានិច្ច»។
ឧទាហរណ៍នៃគោលការណ៍នេះ សម្តេចប៉ាបបានចង្អុលទៅការអភិវឌ្ឍអាវុធស្វ័យប្រវត្តន៍ដ៍សាហាវ - ដែលអាចឆក់យកជីវិតមនុស្សដោយគ្មានធាតុចូលរបស់មនុស្ស - ហើយបាននិយាយថាវាគួរតែត្រូវហាមឃាត់ដាច់ខាត ។ រាល់ការសម្រេចចិត្តគួរតែចេញពីមនុស្ស មិនមែនម៉ាស៊ីនឡើយ ។
សម្តេចប៉ាបក៏បានសង្កត់ធ្ងន់ថា ក្បួនដោះស្រាយដែលប្រើដោយបញ្ញាសិប្បនិមិត្តដើម្បីឈានដល់ជម្រើសគឺ «គ្មានគោលដៅ ឬអព្យាក្រឹតឡើយ»។
ទ្រង់បានចង្អុលទៅក្បួនដោះស្រាយដែលត្រូវបានបង្កើតឡើងដើម្បីជួយចៅក្រមក្នុងការសម្រេចចិត្តថាតើត្រូវផ្តល់ការឃុំឃាំង ដល់អ្នកទោសក្នុងពន្ធនាគារគឺគួរតែមនុស្សមិនមែនម៉ាស៊ីន ។
សម្តេចប៉ាបបានសង្កត់ធ្ងន់ថា “មនុស្សតែងតែមានការអភិវឌ្ឍន៍ ហើយមានសមត្ថភាពធ្វើឱ្យយើងភ្ញាក់ផ្អើលចំពោះសកម្មភាពរបស់ពួកគេ។ នេះជាអ្វីដែលម៉ាស៊ីនមិនអាចយកចិត្តទុកដាក់បាន»។
Daily Program
