ថ្ងៃទី២៩ ខែមករា ឆ្នាំ២០២៥ អត្ថបទគម្ពីរ៖ ម៉ាកុស (៤,១-២០)អត្ថាធិប្បាយគម្ពីរដោយ៖ លោកបូជាចារ្យ រ៉ាជេត ហាសាពូទី

បងប្អូនជាទីគោរពនៅក្នុងអត្ថបទថ្ងៃនេះតាមលោកម៉ាកុស ៤,១-២០ ព្រះយេស៊ូមានព្រះបន្ទូលជា​ប្រស្នា​អំពីស្រូវពូជ ព្រះអង្គមានព្រះបន្ទូលណែនាំសាវ័ក និងបណ្តាជនថាការរៀបចំទឹកចិត្តមានសារៈសំខាន់!​ដើម្បី​​ស្តាប់ និងទទួលព្រះបន្ទូលរបស់ព្រះអង្គ។ ក្នុងអត្ថបទនេះសាវ័កប្រៀបដូចជាដីដែលមានជីវជាតិ​ល្អ។ ផ្ទុយទៅវិញបណ្តាជនប្រៀបដូចជាដីដែលមិនមានជីវជាតិ ផ្លូវរបស់គេពោរពេញដោយថ្ម និងបន្លា ត្បិត​អ្នក​ទាំងនោះមិនទាន់រៀបចំចិត្តគំនិតដើម្បីស្តាប់ និងទទួលព្រះបន្ទូល​របស់​ព្រះ​អង្គ​ ។

ដី៣ប្រភេទនេះមិនអាចឱ្យស្រូវពូជដុះល្អ និងលូតលាស់បង្កើតផលផ្លែបានច្រើនឡើយ មានតែដី​ដែល​មាន​ជីវ​ជាតិ​ល្អទើបអាចបង្កើតផល ខ្លះបានមួយជាសាមសិប ខ្លះបានមួយជាហុកសិប និងខ្លះទៀតបាន​មួយ​ជា​មួយរយ។ បងប្អូនជាទីគោរព! តាមរយៈអត្ថបទនេះព្រះយេស៊ូមាន ព្រះបន្ទូលប្រៀន​ប្រដៅគ្រី​ស្តបរិស័ទថា ស្រូវពូជជាព្រះបន្ទូលរបស់ព្រះអង្គ ដីបួនប្រភេទជាទឹកចិត្តគ្រីស្តបរិស័ទរបស់យើង និងអ្នកព្រោះ​ស្រូវពូជ​គឺជាព្រះជាអម្ចាស់។

ព្រះជាអម្ចាស់ព្រោះស្រូវពូជគឺជាព្រះបន្ទូលរបស់ព្រះអង្គ ចំពោះ​យើង​គ្រីស្តបរិស័ទ​ប្រឹងប្រែងរៀបចំ​ទឹកចិត្ត​ដើម្បីស្តាប់ និងទទួលព្រះបន្ទូលរបស់ព្រះអង្គគ្រីស្តបរិស័ទត្រូវមានទឹកចិត្តទូលំទូលាយដើម្បី​ទទួល​ព្រះ​បន្ទូល​របស់ព្រះអង្គ ឱ្យព្រះបន្ទូលរបស់ព្រះអង្គចាក់ឫសក្នុងជីវិតរបស់ពួកគេ​។

ដូច្នេះព្រះយេស៊ូ​អញ្ចើញ​ពួក​យើងជាគ្រីស្តបរិស័ទទទួលព្រះបន្ទូលព្រះអង្គ ទោះបីពួកយើងមាន​ឧបសគ្គ​យ៉ាង​ណាក៏ដោយអនុវត្តតាមព្រះបន្ទូល ការប្រែចិត្តគំនិតហើយក្លាយទៅជាគ្រីស្តបរិស័ទល្អក្នុង​ព្រះ​សហ​គមន៍​របស់យើង ជាគ្រីស្តបរិស័ទល្អយើងអាចបង្កើតផល​បានច្រើន​សម្រាប់ក្រុ​ម​គ្រួសារ សម្រាប់​ព្រះសហគមន៍ និងសម្រាប់ប្រទេសជាតិរបស់ យើង។ សូមព្រះជាអម្ចាស់ប្រទានពរយើង៕