ថ្ងៃទី១៥ខែមករាឆ្នាំ២០២៥ អត្ថបទគម្ពីរ ម៉ាកុស (១,២៩-៣៩)អត្ថាធិប្បាយគម្ពីរដោ៖ លោកបូជាចារ្យ រ៉ាជេត ហាសាពូទី

បងប្អូនជាទីគោរពនៅក្នុងអត្ថបទថ្ងៃនេះតាមលោកម៉ាកុស១,២៩-៣៩ លោកម៉ាកុសបង្ហាញថា​ព្រះយេស៊ូ រ​វល់ខ្លាំងណាស់ក្នុងការបង្រៀនអ្នកស្រុក និងដេញខ្មោចចេញពីបុរសម្នាក់ដែលមានខ្មោចចូល។ ព្រះអង្គ​ចាប់​​ផ្តើមបេសកកម្មរបស់ព្រះអង្គ​​ ដោយ​ដេញខ្មោ​ចពីបុរសម្នាក់ដែលមានខ្មោចចូល ក្រោយ​ពេលប្រោស​ម្នាក់ដែលមាន​ខ្មោចចូល​ព្រះអង្គ​យាងចេញទៅផ្ទះលោកស៊ីម៉ន និងលោកអន់ត្រេ។ ​នៅទីនោះ​ព្រះយេស៊ូ​ប្រោសម្តាយ​ក្មេកលោកស៊ីម៉នឱ្យជាសះស្បើយ ពេលព្រះយេស៊ូទៅដល់ផ្ទះលោកស៊ីម៉ន និងលោកអន់​ត្រេ​គេ​ទូលព្រះអង្គថា ម្តាយក្មេក​របស់​លោ​កស៊ីម៉ន​ឈឺ ព្រះអង្គបាន​យាងចូលទៅជិត​ហើយចាប់ដៃ​គាត់​ឱ្យ​ក្រោកឡើងគាត់ក៏បាត់គ្រុន ហើយងើបបម្រើវិញ។

លុះពេលល្ងាច​គេ​នាំអ្នកជំងឈឺ និងមនុស្សខ្មោចចូលមករកព្រះយេស៊ូ អ្នកក្រុង​ទាំងប៉ុន្មាន​បានមកប្រមូល​ផ្តុំគ្នា​នៅ​មុនទ្វារក្រុង ព្រះយេស៊ូប្រោសអ្នកជំងឺជាច្រើនឱ្យបានជាសះស្បើយ ហើយព្រះអង្គដេញខ្មោច​ជា​ច្រើន​ចេញ​ពីមនុស្សខ្មោចចូល។ បងប្អូនជាទីគោរព! ព្រះយេស៊ូប្រសូត្រមកជាមនុស្ស ដើម្បីមនុស្សលោក​មាន​ជីវិតពេញលេញ ព្រះអង្គយាងមកនៅក្នុងលោកនេះដើម្បីតែសង្រ្គោះមនុស្សយើង​ គឺ​ទាំងផ្លូ​​វ​កាយ ផ្លូវចិត្ត និងផ្លូវវិញ្ញាណ។

ការអធិដ្ឋានគឺជាអាទិភាពរបស់គ្រីស្តបរិស័ទ! គ្រីស្តបរិស័ទត្រូវតែរកពេលវេលាសម្រាប់ការអធិដ្ឋាន ពួក​យើង​មិនអាចបោះបង់បេសកកម្មរបស់យើងនៅក្នុងការអធិដ្ឋានបានទេ ត្បិត​ការអធិដ្ឋាននឹងជួយពួកយើ​ង​យល់ដឹងពីសកម្មភាពរបស់ខ្មោចនៅក្នុងជីវិតប្រចាំថ្ងៃ ខ្មោចមិនចង់ឱ្យពួកយើងទទួលស្គាល់ឋានៈ​របស់​យើង គឺ​យើងជាបុត្រាបុត្រីដ៏ជាទីស្រឡាញ់របស់ព្រះជាអម្ចាស់។ ខ្មោចមិនចង់ឱ្យពួកយើងដឹងច្បាស់ថា ព្រះបន្ទូលជាពន្លឺដែលបំភ្លឺជីវិតរបស់យើងទេ។

ការអធិដ្ឋានជួយយើងអាចទទួលស្គាល់សេចក្តីថ្លៃថ្នូររបស់ពួកយើង និងសេចក្តីថ្លៃថ្នូររបស់​អ្នកដទៃ​ផង​ដែ​រ​  ទីបញ្ចប់ព្រះយេស៊ូមានព្រះបន្ទូលថា  យើងត្រូវនាំគ្នាទៅភូមិឯទៀតៗ ដែលនៅជិតនេះត្រូ​វប្រកាសដំណឹង​ល្អនៅទីនោះ ត្បិតខ្ញុំមកដើម្បីបំពេញការនេះឯង។ សាវ័ករបស់ព្រះយេស៊ូ និងបេសកជនរបស់​ព្រះអង្គ​មិន​នៅ​ស្ថិតជាប់ និងសាវ័ករបស់ព្រះយេស៊ូ និងបេសកជនរបស់ព្រះអង្គ មិននៅស្ថិតជាប់តែមួយកន្លែងទេ គឺត្រូវតែទៅកន្លែងព្រះវិញ្ញាណដោយនាំពួកយើងទៅ ដើម្បីប្រកាសដំណឹងល្អសូមព្រះជាអម្ចាស់​ប្រទាន​ពរយើង៕