ថ្ងៃទី០៦ ខែវិច្ឆិកា ឆ្នាំ២០២៤ អត្ថបទគម្ពីរ (លូកា ១៥,១៥-៣៣)អត្ថាធិប្បាយគម្ពីរដោយ៖ លោកបូជាចារ្យ រ៉ាជេត ហាសាពូទី

បងប្អូនជាទីគោរពនៅក្នុងអត្ថបទថ្ងៃនេះព្រះយេស៊ូមានព្រះបន្ទូលអំពីរបៀបដែលត្រូវតាមព្រះយេស៊ូ ព្រះ​យេស៊ូ​មានព្រះបន្ទូលថា អ្នកណាចង់មកតាមខ្ញុំតែមិនស្រឡាញ់ខ្ញុំខ្លាំងជាងឪពុកម្តាយប្រពន្ធកូន បង​ប្អូន​ប្រុសស្រី និងជីវិតខ្លួនទេអ្នកនោះ! ពុំអាចធ្វើជាសាវ័ករបស់ខ្ញុំបានឡើយ អ្នកណាមិនលីឈើ​ឆ្កាងរបស់​ខ្លួន​មកតាមខ្ញុំទេ អ្នកនោះក៏ពុំអាចធ្វើជាសាវ័ករបស់ខ្ញុំពុំបានដែរ។ តើបងប្អូនគិតយ៉ាងដូចម្តេច? តើការដើរ​តាមព្រះយេស៊ូស្រួលទេ? អ្នកខ្លះថាស្រួល អ្នកខ្លះទៀតថាពិបាក ហើយអ្នកខ្លះទៀតថាមិនដឹងទេ   ឬថា​មិន​សូវស្រួលប៉ុន្មានទេ។

ប្រហែលពួកយើងអាចលះបង់ចោលឪពុកម្តាយ ចោលប្តីប្រពន្ធ  ឬបងប្អូនដែល ប៉ុន្តែ​ការលះបង់​ចោល​​​ជីវិតខ្លួ​នប្រហែលពិបាក ព្រោះជីវិតមានបន្ទុក យើងមានឪពុកម្តាយ ប្តីប្រពន្ធ កូននិងបង​ប្អូន​ដូច្នេះ​កា​រ​ជ្រើ​ស​រើសផ្លូវដើរតាមព្រះយេស៊ូ ក្លាយជាជីវិតជាគ្រីស្តបរិស័ទគឺលំបាកណាស់។  បើចង់តាម​ព្រះអង្គត្រូ​វ​​លះបង់ចោលញ្ញាត្តិ​សន្តាន និងអ្វីៗទាំងអស់ ហើយត្រូវស្រឡាញ់ព្រះយេស៊ូខ្លាំងជាងឪពុកម្តាយ បងប្អូន​នេះ​​មានន័យថា យើងនៅជាប់នឹងព្រះអង្គយ៉ាងជិតស្និទ្ធ យើងត្រូវស្រឡាញ់ព្រះអង្គលើសឪពុកម្តាយ ប្តី​ប្រពន្ធ​បងប្អូនព្រមទាំងជីវិតខ្លួនផងដែរ។​

យើងត្រូវការលះបង់ទីពឹងទាំងអស់បុណ្យកុសលរបស់ខ្លួនក្តីគឺត្រូវផ្ញើជីវិតទាំងស្រុងទៅលើធម៌មេត្តាករុណារបស់ព្រះបិតា ត្រូវពឹងផ្អែកលើព្រះយេស៊ូតែមួយគត់ ហើយស្រឡាញ់ព្រះអង្គខ្លាំងជាងមានន័យថា យើង​ស្វែង​រកព្រះហឫទ័យរបស់ព្រះអង្គ និងធ្វើតាមព្រះហឫទ័យរបស់ព្រះអង្គជានិច្ច។ អត្ថបទនេះ​ព្រះយេស៊ូ​មាន​ព្រះបន្ទូលថា យើងត្រូវការគិរពិចារណាមុននឹងសម្រេចចិត្ត​តាមព្រះអង្គ។  ។

ម្នាក់​ដែលចង់សាងសង់ផ្ទះត្រូវអង្គុយគិតគូរមើលថ្លៃសាងសង់ជាមុនសិន ឬស្តេ​ចមួយ​គង់គិត​គួរមុន​នឹង​ចេញ​ទៅធ្វើសឹងសង្គ្រាម។ បងប្អូនជាទីគោរពព្រះយេស៊ូប្រឈរមុនពួកយើងតាមរយៈអត្ថបទថ្ងៃនេះ តើពួកយើងចង់តាមព្រះយេស៊ូពិតប្រាកដដែរ ឬទេ? បើចង់តាមព្រះយេស៊ូពួក​យើង​ត្រូវលះបង់អ្វីៗ​ទាំង​អស់​ដែលយើងមាន ដើម្បីធ្វើជាសាវ័ករបស់ព្រះអង្គពិតប្រាកដ។ សូមព្រះជាអម្ចាស់ប្រទានពរយើង៕