លោកងូយៀន ហ្វ៊ូ ទ្រុង កើតនៅថ្ងៃទី១៤ ខែមេសា ឆ្នាំ១៩៤៤ នៅក្នុងស្រុកដុង អាន ឥណ្ឌូចិន បារាំង។ លោកទទួលមរណភាពនៅថ្ងៃទី១៩ ខែកក្កដា ឆ្នាំ២០២៤ នៅទីក្រុងហាណូយ ប្រទេសវៀតណាម។ លោកគឺជារដ្ឋបុរសវៀតណាម។ លោកបានកាន់មុខនាទីជាប្រធានរដ្ឋវៀតណាមពីថ្ងៃទី២៣ ខែតុលា ឆ្នាំ២០១៨ ដល់ថ្ងៃទី៥ ខែមេសា ឆ្នាំ២០២១។
ពីមុន លោកគឺជាប្រធានសភាជាតិវៀតណាមពីថ្ងៃទី២៦ ខែមិថុនា ឆ្នាំ២០០៦ ដល់ថ្ងៃទី២៧ ខែកក្កដា ឆ្នាំ២០១១។ បន្ទាប់មក លោកក្លាយជាអគ្គលេខានៃគណបក្សកុំមុយនីស្តវៀតណាម (PCV) ពីថ្ងៃទី១៩ ខែមករា ឆ្នាំ២០១១ រហូតដល់ថ្ងៃដែលលោកទទួលមរណភាព។
លោកងូយៀន ហ្វ៊ូ ទ្រុង កើតនៅថ្ងៃទី១៤ ខែមេសា ឆ្នាំ១៩៤៤ នៅក្នុងស្រុកដុងអាន ដែលជាជាយនៃទីក្រុងហាណូយ។ លោកបានទទួលសញ្ញាបត្រពីសកលវិទ្យាល័យជាតិវៀតណាមនៃទីក្រុងហាណូយ។ លោកចេះភាសារុស្ស៊ីយ៉ាងស្ទាត់ជំនាញ ដែលលោកបានសិក្សានៅដំណាច់ទសវត្សឆ្នាំ១៩៥០។ លោកក៏អាចនិយាយដោយរអិលនូវភាសាចិនកុកងឺផងដែរ។
នៅខែមេសា ឆ្នាំ២០០៦ នៅអំឡុងសមាជលើកទី១០ នៃគណបក្សកុំមុយនីស្តវៀតណាម (PCV) លោកត្រូវបានបោះឆ្នោតឲ្យធ្វើជាសមាជិកនៃគណៈកម្មាធិការមជ្ឈិម និងការិយាល័យនយោបាយនៃគណបក្សកុំមុយនីស្តវៀតណាម។ លោកក៏កាន់តួនាទីជាប្រធានសភាជាតិវៀតណាមពីថ្ងៃទី២៦ ខែមិថុនា ឆ្នាំ២០០៦ ដល់ថ្ងៃទី២៧ ខែកក្កដា ឆ្នាំ២០១១។
នៅឆ្នាំ២០១១ នៅអំឡុងសមាជលើកទី១១ នៃគណបក្ស ដែលប្រព្រឹត្តទៅពីថ្ងៃទី១២ ដល់ថ្ងៃ ទី១៩ ខែមករា លោកត្រូវបានបោះឆ្នោតជាអគ្គលេខានៃគណបក្សកុំមុយនីស្តវៀតណាម ស្នងបន្តពីលោកណុង ឌុក ម៉ាន។
នៅថ្ងៃទី២៣ ខែតុលា ឆ្នាំ២០១៨ លោកងូយៀន ហ្វ៊ូ ទ្រុង ត្រូវបានបោះឆ្នោតជាប់ជាប្រធានរដ្ឋ ដោយសភាជាតិ ជាមួយនឹងសម្លេង ៤៧៦ លើ ៤៧៧ សម្លេង ស្នងបន្តពីលោក ត្រាន ដៃ កាង ដែលបានទទទួលមរណភាពក្នុងមុខនាទីមុនមួយខែ។
ជាបេក្ខភាពសម្រាប់ការបោះឆ្នោតម្តងទៀតនៅសមាជលើកទី១៣ នៃគណបក្សកុំមុយនីស្តវៀតណាមកាលពីខែមករា ឆ្នាំ២០២១ លោកងូយៀន ហ្វ៊ូ ទ្រុង ដែលគេជឿថាឈ្នះ ត្រូវបានពង្រឹងបន្ថែមដោយការគ្រប់គ្រងដ៏ល្អរបស់លោកសម្រាប់ការរីករាលដាលនៃជំងឺកូវីដ១៩ ដែលធ្វើឲ្យមានចំនួនអ្នកស្លាប់ដ៏តិចតួចពាក់ព័ន្ធនឹងជំងឺនេះ និងធ្វើឲ្យមានកំណើនសេដ្ឋកិច្ចវៀតណាម ២,៤% នៅឆ្នាំ២០២០ ដែលជាកំណើនសេដ្ឋកិច្ចមួយដ៏ខ្ពស់បំផុតក្នុងចំណោមប្រទេសកំណើនសេដ្ឋកិច្ចខ្ពស់នានានៅលើពិភពលោក។
នៅថ្ងៃទី៣១ ខែមករា ឆ្នាំ២០២១ លោកងូយៀន ហ្វ៊ូ ទ្រុង ត្រូវបានបោះឆ្នោតឲ្យជាប់ម្តងទៀត ជាអគ្គលេខាសម្រាប់អណត្តិទី៣ រយៈពេល ៥ឆ្នាំ ដោយសមាជជាតិទី១៣ របស់គណបក្សកុំមុយនីស្តវៀតណាម។
កាលពីថ្ងៃទី១ ខែកុម្ភៈ ឆ្នាំ២០២១ លោកងូយៀន ហ្វ៊ូ ទ្រុង ធ្វើសន្និសីទកាសែតមួយដែលលោកបានថ្លែងថា លោកមិនមានសុខភាពល្អទេ លោកចាស់ ហើយលោកនឹងសម្រាក ប៉ុន្តែសមាជបានបោះឆ្នោតឲ្យលោកទៀត។ ដូច្នេះលោកនឹងបំពេញកាតព្វកិច្ចដោយការបម្រើជាសកម្មជននៃគណបក្សរបស់លោក”។
ជាមេដឹកនាំដែលមានអំណាចបំផុតនៅក្នុងប្រទេស លោកងូយៀន ហ្វ៊ូ ទ្រុង ទទួលមរណភាពនៅអាយុ ៨០ឆ្នាំ កាលពីថ្ងៃទី១៩ ខែកក្កដា ឆ្នាំ២០២៤ ដោយសារលោកមានអាយុចាស់ផង និងមានជំងឺផង។ លោកបានទទួលមរណភាពនៅក្នុងមន្ទីពេទ្យយោធានៃរដ្ឋធានីហាណូយ។
ការបាត់បង់លោកងូយៀន ហ្វ៊ូ ទ្រុង គឺជាការបាត់បង់ដ៏ធំធេងរបស់បក្ស និងប្រជាជនវៀតណាម។
Daily Program
