ឡេអូណាក ដឺ វីនស៊ី កំពូលអ្នកប្រាជ្ញពហុជំនាញរបស់អ៊ីតាលី

លោកឡេអូណាក ដឺ វីនស៊ី កើតនៅថ្ងៃទី១៤ ខែមេសា ឆ្នាំ១៤៥២ នៅទីក្រុង វីនស៊ី និង ទទួល មរណភាពនៅថ្ងៃទី២ ខែឧសភា ឆ្នាំ១៥១៩ នៅទីក្រុង អំប័រស៍ ប្រទេសអ៊ីតាលី។ លោកគឺ​ជា​វិចិត្រករ អ្នកវិទ្យាសាស្រ្ត វិស្វករ អ្នកបង្កើតថ្មី អ្នកវិភាគរាងកាយ ជាងចម្លាក់ ស្ថាបត្យករ នគ​រូប​នីយ​​ករ រុក្ខវិទូ អ្នកតន្រ្តី ទស្សនវិទូ និងអ្នកនិពន្ធ។

ជាក្មេងជនបទ លោកត្រូវបានចិញ្ចឹមដោយតាយាយ នៅក្នុងផ្ទះគ្រួសារវីនស៊ី រហូតដល់អាយុ ១០ឆ្នាំ។ នៅទីក្រុង ហ្វ្លូរ៉ង ឪពុករបស់លោកបានចុះឈ្មោះលោកឲ្យ​ទៅរៀងជំនាញ​នៅ​រោង​ជាង​ចម្លាក់ និងគំនូរ របស់លោក អន់ឌ្រៀ ដេល វែរ៉ូឈីយ៉ូ ដែលជាបុគ្គលដ៏ល្បីល្បាញនៅ​អ៊ីតាលី​នា​ជំនា​ន់នោះ។

លោកឡេអូណាក ដឺ វីនស៊ី បានចាកចេញពីរោងជាងនៅឆ្នាំ១៤៨២ និងបង្ហាញខ្លួនមាន​សមត្ថភាព​​ជាសំខាន់ខាងវិស្វករ។ លោកក៏ចូលទៅបម្រើការឲ្យព្រះអង្គម្ចាស់ មីឡង់ លូដូវីក ស្វ៉ូហ្សា។ ស្របពេលគ្នា លោកក៏បានសិក្សាជាច្រើនលើកជំនាញគណិតវិជ្ជា និងរាងកាយ​មនុស្ស។

លោកឡេអូណាក ដឺ វីនស៊ី គឺជាផ្នែកនៃក្រុមសិល្បៈករ​ល្បីៗនៅយុគសម័យ​របស់លោក។ លោកគឺជាបិតានៅលើស្នាដៃជាច្រើន មានស្នាដៃចម្លាក់ គំនូរ តន្រ្តី ដែលស្នាដៃ​របស់លោក គឺ​សុទ្ធ​តែនៅលើកំពូលនៃសិល្បះ។ លោកឡេអូណាក ដឺ វីនស៊ី ជាអ្នកដែល បានសិក្សាអំពី​ធម្មជាតិ និង​រាង​កាយរបស់មនុស្សក្នុងភាពយកចិត្តទុកដាក់ និងលំអិត​ជាទីបំផុត។ លោក​ឡេអូណាក ដឺ វីនស៊ី បានគូរតារាងអំពីរាងកាយមនុស្ស ហើយការងារបស់លោកមានលំអិត យ៉ាងខ្លាំង ហើយលោកបានគូទុកដោយ​មានជំនួយពីបច្ចេកទេសនៃការប្រើប្រាស់​គំនូរប្រេង​ផងដែរ។ ការសិក្សារបស់លោក បានរំលេចឡើងក្នុងគំនូរដែលរាប់មិនអស់ និងកូនសៀវភៅ។ ការ​គូរ​រូប​គឺជាមធ្យោបាយដ៏ពិតប្រាកដនៃការពិចារណារបស់លោក និងការបង្ហាញស្នាដៃរបស់​លោក។

ប្រសិនបើលោកឡេអូណាក ដឺ វីនស៊ី ត្រូវបានគេស្គាល់ជាពិសេសតាមរយៈរូបគំនូរ​របស់​លោក លោកក៏ត្រូវបានគេស្គាល់ថាជា វិស្វករ ស្ថាបត្យករ និងអ្នកវិទ្យាសាស្រ្តផងដែរ។ ចំណេះ​ដឹងដ៏មានសារៈសំខាន់ដំបូង​សម្រាប់​គំនូរ គឺលោកឡេអូណាក ដឺ វីនស៊ី ជាអ្នកធ្វើ​ឲ្យ​មានភាពល្បីល្បាញដល់កំពូល។ ក្រៅពីនេះ លោកឡេអូណាក ដឺ វីនស៊ី ក៏មានជំនក់​ចិត្ត​លើ​វិស័យ​ជាច្រើន ដូចជា វិទ្យាសាស្រ្តគំហើញ ភូគសាស្រ្ត រុក្ខសាស្រ្ត ថាមពលទឹក ស្ថាបត្យកម្ម តារា​សាស្រ្ត វិទ្យាសាស្រ្តសម្លេង សង្គមវិទ្យា និងការពុះវិភាគរាងកាយមនុស្សជាដើម។

លោកឡេអូណាក ដឺ វីនស៊ី ជារឿយៗ ត្រូវបានពិព៌នា​ថាជានិមិត្ត​រូបនៃដួងព្រលឹងចក្រវាល​នៃ​យុគ​សម័យពន្លឺនៃអឺរ៉ុប។ លោកមានទេព្យកោសល្យយ៉ាងខ្ពស់ខ្ពស់​នៅក្នុងវិទ្យាសាស្រ្ត។ ប៉ុន្តែ​អ្នក​ខ្លះថា លោកលើកកម្ពស់សិល្បៈខ្លួនឯង ដើម្បីទទួលបានទំនុកចិត្តពីចៅហ្វាយ និងពីអ្នក​ផ្តល់​​លុយ​​របស់​លោក។ ម្យ៉ាងធ្វើដូច្នេះ លោកក៏មានសេរីភាពក្នុងការធ្វើការសិក្សាស្រាវជ្រាវ​ផ្សេងៗ​​របស់​លោកផងដែរ។

គួរឲ្យកត់សម្គាល់ផងដែរ សម្រាប់ជីវប្រវត្តិបុគ្គលល្បីល្បាញ​នៃសតវត្សទី១៦ គេសរសេភាគ​ច្រើន​ជារឿងនិទាន នៃខ្សែជីវិតរបស់អ្នកល្បីល្បាញ​ ម្យ៉ាងពួកគេក៏ត្រូវបានស្គាល់ជាពិសេស​តាម​រយៈស្នាដៃសិល្បៈរបស់ពួកគេ។

ចំណែកអ្នកប្រវត្តិសាស្រ្ត​នៅសតវត្សទី១៩ និងទី២០ យល់ឃើញថា លោកឡេអូណាក ដឺ វីនស៊ី មានទេពកោសល្យដូចជាអ្នកទស្សន៍ទាយឆុត និងខាងវិស្វកម្ម។  នៅសតវត្សទី២១ រូបភាពរបស់លោកនៅមានវត្តមាននៅក្នុងការស្រមើស្រមៃរបស់មហាជន។ ​នេះគឺដោយសារ​សិល្បៈគំនូ​រ​របស់​លោកមើលទៅធម្ម​តា តែមានលក្ខណៈបង្កបនៅអត្ថន័យវិទ្យាសាស្រ្តពិតៗ។