បន្ទាប់ពីរងនូវការវាយប្រហារលើព្រះវិហារកាតូលិកគ្រួសារបរិសុទ្ធនៅហ្គាហ្សា អង្គការការីតាសនៅយេរូសាឡឹមបានចេញផ្សាយសេចក្តីថ្លែងការណ៍និងអំពាវនាវឱ្យមាន "ការគោរពចំពោះភាពពិសិដ្ឋនៃជីវិត និងកន្លែងដែលទីសក្ការៈដែលគួរការពារ។
អង្គការការីតាស បានអះអាងនៅក្នុងសេចក្តីថ្លែងការណ៍កាលពីចុងសប្តាហ៍មុនថា មនុស្សបីនាក់ត្រូវបានសម្លាប់នៅក្នុងការវាយប្រហារមកលើព្រះវិហារនោះ ដោយអ្នកទាំង៣ នាក់ ត្រូវបានគេដឹងថា គឺសុទ្ធសឹងតែជាមនុស្សចាស់ជរា ដែលជាអ្នកមើលខុសត្រូវនៅក្នុងព្រះវិហានោះតែប៉ុណ្ណោះ។
លោក អាលីស្តែ ឌូតុន ( Alistair Dutton) អគ្គលេខាធិការអង្គការការីតាសអន្តរជាតិបានចេញសេចក្តីថ្លែងការណ៍មួយ ដោយលើកឡើងពីការបំផ្លិចបំផ្លាញរបស់ពួកគេចំពោះព័ត៌មាននៃការវាយប្រហារនេះ។
អង្គការនេះបានអះអាងថា "ការស្លាប់របស់ពួកគេគឺជាការរំលឹកដ៏ឈឺចាប់នៃស្ថានភាពដ៏គួរឱ្យរន្ធត់ដែលជនស៊ីវិល និងបុគ្គលិកពេទ្យកំពុងរស់នៅក្នុងក្រោមការឡោមព័ទ្ធ"។
លោក ឌូតុន ក៏បានអំពាវនាវដល់អ្នកគ្រប់គ្នាដែលពាក់ព័ន្ធនឹងជម្លោះឱ្យគោរពភាពវិសុទ្ធនៃជីវិត និងទីធ្លាដែលត្រូវការពារ។
ការវាយប្រហារនេះក្រៅពីបានសម្លាប់មនុស្សបីអ្នកគឺនៅមានរងគ្រោះលោកបូជាចារ្យ និងជនស៊ីវិលជាច្រើននាក់ទៀតផងដែរ៕
Daily Program
