លោកអគ្គអភិបាល ម៉ាយឃើល ហ្វ្រង់ស៊ីស ក្រូធី (Michael Francis Crotty) ត្រូវបានសម្តេចប៉ាបហ្រ្វង់ស៊ីស្កូតែងតាំងជា ឯកអគ្គរាជទូតប្រចាំនៅ ប្រទេសនីហ្សេរីយ៉ា។
វ៉ាទីកង់ញូវបានរាយការណ៍ថា ក្រៅពីតំណាងទូតនៅនីហ្សេរីយ៉ា លោកអគ្គអភិបាលក៏ជាឯកអគ្គរាជទូតសន្តអាសនៈនៅប្រទេសបួគីណាហ្វាសូផងដែរ។
លោកអគ្គអភិបាលត្រូវបានគេដឹងថា គឺជាបព្វជិតដែលមានដើមកំណើតជាជនជាតិអៀកឡង់ ហើយជាមន្រ្តីការទូតមួយរូបដ៏ប៉ិនប្រសព្វ។
នៅពេលនេះនីហ្សេរីយ៉ាគឺជាប្រទេសដែលមានប្រជាជនច្រើនជាងគេនៅទ្វីបអាហ្រ្វិក និងមានប្រជាជនកាតូលិកច្រើនជាងគេទីពីរបន្ទាប់ពីសាធារណរដ្ឋប្រជាធិបតេយ្យកុងហ្គោ ប៉ុន្តែអំពើហិង្សាលើគ្រីស្តបរិស័ទក៏កើតឡើងច្រើនផងដែរ។
អំពើហិង្សាលើគ្រីស្តបរិស័ទក្នុងប្រទេសនេះបានកើនឡើងជាច្រើនឆ្នាំមកហើយ ជាពិសេសនៅភាគខាងជើង ជាកន្លែងដែលលោកបូជាចារ្យនិងអ្នកកាន់សាសនាភាគច្រើនត្រូវបានចាប់ជំរិតនិងឃុំខ្លួន៕
Daily Program
