វ៉ាទីកង់ញូវបានរាយការណ៍ថា ចារកម្មលោកខាងលិចបានកំពុងតែបង្កើនក្តីបារម្ភយ៉ាងធ្ងន់ធ្ងរលើទង្វើយោធារបស់ទីក្រុងម៉ូស្គូ ដោយអំពាវនាវឱ្យមានការអត់ធ្មត់ និងការស៊ើបអង្កេតទាក់ទងការការប្រើប្រាស់គ្រប់ជីវសាស្រ្ត។
ការព្រួយបារម្ភនេះកើតឡើងនៅពេលដែលគេអះអាងថា រុស្ស៊ី បានប្រើប្រាស់អាវុធគីមី និងបានប្រើប្រាស់វាតាមរយៈការបង្ហោះយន្តហោះគ្មានមនុស្សបើក និងកាំជ្រួចជាច្រើននៅអ៊ុយក្រែនក្នុងរយៈពេលប៉ុន្មានថ្ងៃថ្មីៗនេះ ដែលភាគច្រើននៃសព្វាវុធដ៏គ្រោះថ្នាក់ទាំងនេះគឺបានឆ្ពោះទៅកាន់រដ្ឋធានី គៀវ។
នាយករដ្ឋមន្ត្រីហូឡង់និយាយថា ទីភ្នាក់ងារស៊ើបការណ៍សម្ងាត់ហូឡង់ និងអាល្លឺម៉ង់មានភស្តុតាងនៃការប្រើប្រាស់អាវុធគីមីហាមឃាត់យ៉ាងទូលំទូលាយរបស់រុស្ស៊ីក្នុងប្រទេសអ៊ុយក្រែន ដែលបង្កើនការព្រួយបារម្ភអំពីសន្តិសុខរបស់អឺរ៉ុប និងលើសពីនេះ។
លោក ឌិច ស្កូហ្វ ( Dick Schoof )បាននិយាយទៅកាន់អ្នកសារព័ត៌មាននៅទីក្រុងឡាអេ ដែលកំពុងតែធ្វើជាម្ចាស់ផ្ទះរៀបចំកិច្ចប្រជុំអង្គការសម្រាប់ការហាមឃាត់អាវុធគីមី (OPCW)ថា នេះគឺជាព័ត៌មានដ៏ធ្ងន់ធ្ងរដោយសារតែយើងកំពុងនិយាយអំពីអាវុធគីមីដែលមានផលប៉ះពាល់ដែលអាចបណ្តាលឱ្យស្លាប់"។
លោកបានបន្ថែមថា សារធាតុនៅក្នុងសំណួរគឺ chloropicrin។ នៅក្នុងកំហាប់ខ្ពស់នៅក្នុងកន្លែងបិទជិត សារធាតុនេះគឺអាចសម្លាប់មនុស្សបាន ហើយ ក្នុងស្ថានភាពផ្សេងទៀត វាបង្ខំមនុស្សឱ្យរត់ចេញពីលេណដ្ឋាន ដោយសារតែពួកគេមិនអាចនៅទីនោះ ហើយពួកគេត្រូវបានបាញ់សម្លាប់នៅពេលពួកគេរត់ចេញ។
ចំពោះការចោទប្រកាន់ទាំងនេះទីក្រុងម៉ូស្គូបានបដិសេធការប្រើអាវុធគីមី ដោយបន្ទោសក្រុងកៀវជំនួសវិញ៕
Daily Program
